Jénésis 10
10
Bwǎn ḿbé Núwa
(1 Korónyíkil 1:5-23)
1Nyín bwǎn-Núwa ḿbé banyinchéng, Shêm ne Hâm ne Jáfet. Bwǎn emen ḿbén ba/fwon to bwǎn-banyinchéng bakíri to ké nkéré mú buce bu/sú bu-cít ejíí.
2Bwǎn ḿbé Jáfet, Góma ne Mígok ne Madyâ ne Jában ne Túbal ne Méshek ne Tyíras ba/mû banchí-byikû-banet ḿbé mbe ba-bángê e azîn nyín. 3Bwǎn ḿbé Góma ba/mû banet ḿbé Ashíkénaz ne Ryífat ne Togáma. 4Kyikû-banet ńkyí Jában kyi/mû banet ḿbé Elyísha ne Syipîn ne Sápurus ne Rôt. 5Mbé nké ba/mû banchí ḿbé kpákpá ḿbé banet ḿbé mbe ba-kyú u ké bukô-baya ḿbé Medeterényan ne ké eshê nyí baya ámbe ba/wáp kányí ba-fé ké otyém. Mbé nké mbe kyikû-banet ńkyí Jáfet ḿbé mbe ké byikim-banet ne byikim-eshê ḿbyí baa*jwo ejá-barî*.
6Bwǎn ḿbé Hâm, Kúshi ne Éjip ne Lyíbya ne Kínan nké ba/mû banchí-byikû-banet ḿbé mbe ba-bángê e azîn ebe. 7Kyikû-banet ńkyí Kúshi ba/mû banet ḿbé Séba ne Habyíla ne Sábata ne Ráma ne Sabatéka. Kyikû-banet ńkyí Ráma ba/mû banet ḿbé Shéba ne Dyídan. 8Kúshi o/mû ne wǎn-onyinchéng mú o/mû o-bángê e Nyímarat, mú o/mû mbwôp kashú-onet mú o/jang ekpógê byití ké ejíí. 9Ké bubwô ḿbú ochwâp mú Óburúkpâbí, nyǐ o/mû kiǐtí-nryuu dyikán, ne nkyí nké banet badaraa ba/fu, kyi/bát Óburúkpâbí ochi ǒ kiǐtí-nryuu dyikán wǎ Nyímarat. 10Ké mbwôp kashú, eshê nyí Bábyílon ne Érek ne Ákat e/mû ké bubwô emen wǎ otu. Eshê ńnyín echât e/mû ké Bábyílon. 11Fím ké esí ányi, nyǐ o/ce Asyírya o-da-bi eshê nyí Nyínyíve ne Rehóbot-Êe ne Kála 12ne Résen, mú o/mû ké otyém ne otyém mú Nyínyíve ne kiǐtí-oshê ńkyí Kála.
13Bwǎn ḿbé Éjip ba/mû banet ḿbé Lyídya ne Ánam ne Léhap ne Náfyitu 14ne Pátoros ne Kásalu [ne Káfato, mú banet ḿbé Fyilíta ba/fím ké kyikû emen.]
15Bwǎn-Kínan, Sádon, mú o/mû mbwôp kashú-wǎn, ne Hêt ba/mû banchí-byikû-banet ḿbé mbe ba-bángê e azîn ebe. 16Kínan o/mû to bonchí mú kpákpá mú o/fwon kyikû-banet ńkyí Jébus ne Ámórit ne Gyígashit 17ne Hyíbit ne Áraka ne Sínit 18ne Ábadat ne Zemárit ne Hámat. Kángkáng byikû-banet ḿbyí Kínan byi/pwôo byiryibyiryi 19tete ba-ribi ké buti-esí ḿbú banet ḿbé Kínan kyi-fím ké Sádon, ké kyicê ńkyí busyísen kyi-ribi Géra fáráng ne Gáza, tete kyi-ribi Sódom ne Gomóra ne Ádima ne Zébom fáráng ne Lásha, ké kyicê ńkyí esû nyi e-byí i. 20Mbé nké mbe kyikû-banet ńkyí Hâm, ḿbé mbe ké byire ne eshê nyí baa*jwo ejá-barî*.
21Shêm, mú o/mû okínkán-Jáfet, o/mû bonchí mú kángkáng banet ḿbé Hyíburus. 22Bwǎn-Shêm ḿbé banyinchéng, Élam ne Áshu ne Apákáshat ne Lût ne Áram nké ba/mû banchí-byikû-banet ḿbé mbe ba-bángê e azîn ebe. 23Kyikû-banet ńkyí Áram kyi/mû banet ḿbé Ôz ne Hôl ne Géta ne Méshek. 24Apákáshat o/mû bonchí mú Shéla, mú o/mû bonchí mú Ebá. 25Ebá o/mû ne bwǎn-banyinchéng bafee, obónge o/mû o-bángê e Pélek, ké nǎ, ké nkéré emen nké banet ḿbé ké ejíí ba/kyii. Mú obónge o/mû o-bángê e Jókatan. 26Kyikû-banet ńkyí Jókatan kyi/mû banet ḿbé Amádat ne Shélep ne Háza-Mábet ne Jéra 27ne Hadóram ne Ózal ne Dyíkala 28ne Óbal ne Abyímel ne Shéba 29ne Ófyi ne Habyíla ne Jóbap. Jókatan nké o/mû bonchí ebe kángkáng. 30Esí nyí mbé ba/mû ba-kyú u e/mû e/fím ké Mésha tete e-ribi Séfa, ké kyicê-esí nyí eku éku, ńkyí esû edabyí. 31Mbé nké mbe kyikû-banet ńkyí Shêm, ḿbé mbe ba-kyú u ké byikim-banet ne eshê, ḿbé baa*jwo ejá-barî*.
32Kángkáng banet ḿbén ba/mû bwǎn ḿbé Núwa. Oshê ne oshê o/mû ne otáng-kyikû mú emen. Ńdyí buce boo/sú bu-cít ejíí, kángkáng eshê nyí ké ejíí e/mû e/fím ké kyikû-banet ńkyí bwǎn-Núwa.
Dewis Presennol:
Jénésis 10: BKY
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Published by the Bible Society of Nigeria @ 1985