Yikri 17
17
Koom yii kugr pʋgẽ
1 #
Sõd 20.2-13
Israyɛll kʋʋngã fãa yikame n yi Sĩn we-raoogẽ wã, n dɩk sor n sɩng kẽnd wa Sẽn-Ka-Saab sẽn dag n yeel bãmbã. La bãmb siga Refidim. La koom dag n ka be nebã sẽn na n yũ ye. 2Dẽ, nebã leb n yika zabr ne a Moyiis n yeele: «Kõ-y tõnd koom tɩ d yũ.» La a Moyiis soka bãmb yaa: «Yaa bõe tɩ yãmb zabd ne maam? Yaa bõe tɩ yãmb baood Sẽn-Ka-Saab noore?» 3Ko-yũud yõka nebã beenẽ. La nebã yẽgma ne a Moyiis n yeele: «Yaa bõe tɩ yãmb yiis tõnd Ezɩpt soolmã pʋgẽ, n tall tõnd n wa ka tɩ d na n ki ko-yũudu, tõnd ne d kambã la d rũmsã?» 4A Moyiis zẽka a koɛɛg n gom ne Sẽn-Ka-Saab n yeele: «Mam na n maana bõe ne nin-kãensã? Ketẽ-la bilfu, tɩ bãmb lob maam ne kuga.» 5Dẽ, Sẽn-Ka-Saab yeela a Moyiis yaa: «Lʋɩ nebã taoore, yãk Israyɛll kãsem-dãmb kẽer tɩ b tũ foom. Rɩk dasaar ning fo sẽn dag n tall n wẽ Nill kʋɩlgã koomã n kẽnge. 6La sã n yaa ne maam, mam na n yalsa fo taoor beenẽ, pĩig ning sẽn be Horɛɛbã zugu. La fo na n wẽe pĩigã tɩ koom yi a pʋgẽ tɩ nebã yũ.» A Moyiis maana woto Israyɛll nebã kãsem-dãmbã nifẽ. 7A Moyiis pʋda zĩigã yʋʋr tɩ Masa, sẽn dat n togs tɩ ‹no-baoodem›, la Meriba, sẽn dat n togs tɩ ‹zabre.› Bala, Israyɛll nebã zaba ne Sẽn-Ka-Saabo, la b bao bãmb noor n yeele: «Rẽ yĩnga, Sẽn-Ka-Saab bee tõnd sʋk bɩ, bɩ b ka be?»
B tõoga Amalɛk rãmbã
8Amalɛk rãmba waa Refidim n na n zab ne Israyɛll nebã. 9Dẽ, a Moyiis yeela a Zozoe yaa: «Yãk neb tõnd yʋʋr yĩng n yi n tɩ zab ne Amalɛk rãmbã n kõ-do. Beoogo, mam na n zãa Wẽnnaam dasaarã n tɩ yals tãn-bilã zugu.» 10A Zozoe maana wa a Moyiis sẽn yeel yẽnda wã. Yẽnda kẽngame n tɩ zab ne Amalɛk rãmbã. La a Moyiis ne a Aarõ la a Ʋʋr dʋʋ tãn-bilã zugu. 11La a Moyiis sã n zẽk a nugã, Israyɛll dãmbã tõogdame, la yẽnda sã n sik a nugã, Amalɛk rãmbã tõogdame. 12La a Moyiis nusã sẽn yɛ wã yĩnga, a Aarõ ne a Ʋʋr dɩka kugr n kõ yẽnda t'a zaoonde. La a Aarõ ne a Ʋʋr gãda yẽnda nusã, a yembr dɩtgo, a yembr goabga. Woto, a Moyiis nusã kengame hal tɩ ta wĩndgã kõom. 13La a Zozoe tõoga Amalɛk nebã ne sʋʋga.
14 #
Tõ 25.17-19, 1Sãm 15.2-9 La Sẽn-Ka-Saab yeela a Moyiis yaa: «Gʋls yõwã sebr pʋgẽ tẽegr yĩnga, la bɩ f yeel a Zozoe tɩ mam na n menesa Amalɛk buudã zãnga, tɩ b ka leb n tẽeg b yell saasã tẽngr ye.»
15Dẽ, a Moyiis maana tẽn-kugri, n pʋd a yʋʋr tɩ Adonayi-Nisi#17.15 Adonayi-Nisi: Rat n yeelame tɩ ‹Sẽn-Ka-Saab yaa mam tãb-kaoore.›. 16La yẽnda yeelame:
«Nug n zẽk n zabd ne Sẽn-Ka-Saab geerã.
Woto yĩnga, Sẽn-Ka-Saab na n yika zabre.
Bãmb na n zaba ne Amalɛk rãmbã
zamaan woo zamaane.»
Dewis Presennol:
Yikri 17: MPBU
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Moore Bible © Bible Society of Burkina Faso, 2014.