Wrúfè 4
4
Bóà è Wrúfè sɥ̀ leá
1Lɛ̀kɔ̀ɔɛ é Bóà è lo pɵ glàlí#4.1 Glàlí: Lɛ ɓɛɛ é xlanzǝ̀ wò yà à ɓà wɔ̃̀ɔ̃̀ wɔ̃́ ye kólíé. sɔ́ é yà ma. Lɛ̀ é lɛ̀gàɛ̀ é ye legrú gɔ̃ɔ̃̀zǝ̀ do ye kǝ è zielà, mɛ dè é Bóà yà wɔ̃̀ bìɛ̀ ɓɛ ye mɥ̀. É Bóà yà pɵà lǝ̀, “Ƃò gã́ã́ zɵ, m ɓá, ɥ́ yàsɛa zɵ.” Lɛ̀kɔ̀ɔɛ é lìɛ̀, é nu, é yàsɛa. 2Lɛ̀kɔ̀ɔɛ é Bóà è xlanzǝ̀ gɔ́ɔ̀do wó go pɵɵ mɥ́ɛ wo lɔ̀ɔ̀kǝ̀ mɥ́ pɵ́, é yàlɛ̀ nu wo lǝ̀, é wó yàsɛa. 3Lɛ̀kɔ̀ɔɛ é Bóà yà pɵ e legrú ɓɛ lǝ̀ nɛ̀ɛ̀, “Nìómà, é go Móà sɛ̀ gɥ́ é nu ɓɛ, è Ɛ̀límílɛ̀ é kǝ̀ ko legrú káɛ, àɓà sɛalɛ̀ lɔ́ɔ́dɔlàɔ. 4Lɵɛ á n zòtà nɛ̀ɛ̀ è lò kǝ sǝ̀ ã́ã̀ à biɛ̀ ɥ lǝ̀, ã́ã̀ pɵ ɥ̂ lɔ́ mɛnù wó yà nɛ̀ wãã̀ xlanzǝ̀ wó nɛ̀ wo nyáá ká zɵ. Kǝǝ àyé ɓaà mɛ̀ɛ̀ à káɛ ɓòà biɛ̀ n lǝ̀, ɓií sɛalɛ̀ lɔ́ wɔ̃̀ é nɛ̀ à gɥ́gbéèlɛ̀ è ɥ gɔ̀ bìɛ̀zǝ̀ é zìa n là.”
Gɔ̃ɔ̃̀ ɓɛ ê pɵ, “A lòà lɔ.”
5Lɛ̀kɔ̀ɔɛ é Bóà yà pɵ, “Yi dè ɥ́ lóà sɛalɛ̀ ɓɛ lɔá Nìómà gɔ̀ɛ̀, ɥ́ lo Wrúfè, é Móà sɛ̀ gɥ́ nǝ́lezǝ̀ ká, é gɛ̃̀ã̀lè káɛ, lɔá pɵ́, kǝ mɛ é yà ga sáálɵɛ à tɔ́ nyɛ̀ɛ̀ tó lɵ̀ à kwɛpǝ̀nù ɓà.”
6Lɛ̀kɔ̀ɔɛ à legrú ɓɛ ê pɵ à lǝ̀, “Éèɓoò, n ká mɔ̀à ã́ã̀ sɛalɛ̀ ɓɛ lɔ́, kɵ́kǝ̀ á lo n dè kwɛ pǝ̀ wɔ̃̀ yùà-yua. Ƃò ma dɔ̀lɛ̀ é gɥ́ gbéèlɛ̀ nu n lǝ̀ ã́ã̀ à lɔ́ɛ sɥ́, ɥ̂ lɔ́ ɥ dè lǝ̀, ɓií n ká mɔ̀à ã́ã̀ à lɔ́.”
7Zɛ̃ã Ézrɛ̀ mɛ̀a wɔ è kǝ̀a kwɛ̀i pǝ tàbɔɔ̀sɥ̀ wãã̀ pǝ lɔ́sɥ̀ gɥ́ɛ é tɔɔ, kǝ nyɛ̀ɛ̀ zɔ̃̀ nɛ̀ɛ̀ pǝ ɓɛ mɛ yàà lɔ́ sáálɵɛ, mɛ é kǝ̀ àɓà nyɛ̀ɛ̀ pǝ lɔ́ é yàà nu mɛ gbɛ lǝ̀ nyàà lɔ́ɛ, è lò yaa sàkpà ɓo e gɛ̃̀ã̀ ê nu mɛ é pɵ́ɛ lǝ̀. Zɛ̃ã ɓɛ é Ézrɛ̀ mɛ̀ wà kǝ̀a wã̀ã̀ zɔ̃̀ã nɛ̀ɛ̀ wo wèàsɥ̀ mɥ̀ wɔ̃̀ɔ̃̀ pǝ ɓɛ lɔ́ɔ́dɔ. 8Lɵɛ lɛ̀ é Bóà legrú yàà pɵ Bóà lǝ̀, “Ч dè ɓòà lɔ́ɛ,” é yaa sàkpà ɓo e gɛ̃̀ã̀ ê nu Bóà lǝ̀. 9Lɛkɔ̀ɔɛ é Bóà yà pɵ xlanzǝ̀nù wãã̀ mɛ sáálɵ wó kǝ̀ mɥ́ɛ wo lǝ̀, “Ka é ká tɔɔ gòò gbɛ̃́ã̀ nɛ̀ɛ̀ má pǝ sáálɵ é kǝ̀ Ɛ̀límílɛ̀ kwɛ pǝ̀ káɛ lɔ́ Nìómà gɔ̀, má à kpa Kɛ́lɔ̀n wãã̀ Málɔ̀n wo ɓà. 10Bààzɥ́ɛ Wrúfè é Móà sɛ̀ gɥ́ nǝ́lezǝ̀ ká, é Málɔ̀n a gɛ̃̀ã̀lè káɛ má à sɥ́ nyɛ̀ɛ̀ kǝ n bɔú ká, kǝ mɛ é gaɛ à tɔ́ nyɛ̀ɛ̀ to à kwɛpǝnù ɓà tòapɵ́ ká, kɵ́kǝ̀ à tɔ́ è lo gblòò e mɛ̀nù son ĩ́ĩ́ kɵ́kǝ̀ à tɔ́ è lo gblòò à kpɔ́ pɵ̀ gɥ́. Ka é ká tɔɔ wɔ̃́ nɛ̀ɛ̀ à gòò gbɛ̃́ã̀.”
11Lɛ̀kɔ̀ɔɛ xlanzǝ̀ wãã̀ mɛ sáálɵ wó kǝ̀ glàlí ɓàɛ̀ wô pɵ, “Yi yí tɔɔ à gòònù. Gó Yàwɛ è le é nulà ɥ píé kee ɓɛ kǝ nɛ̀ɛ̀ Wrésǝ̀ wãã̀ Líà, é wo pèètɛ wó Ézrɛ̀ píé keelɛ̀ pa nǝ́ káɛ wo lɵ́. Gó ɥ́ ye yíà Ífrà mɛ̀nù son, ɥ tɔ́ è ɓɔ Bɛ́fléhɛ́n, 12bààzɥ́ɛ gó nǝ́nù é Yàwɛ è lo wo nu nǝ́lezǝ̀ dɔ̀ù nɛ̀ lǝ̀ɛ̀ wò kǝ nɛ̀ɛ̀ Pɛ́rɛ́zì, é Támà yà kpɔ Zúdà ɓàɛ̀, à píé keelɛ̀ lɵ́.”
Bóà wãã̀ é kpɔ̀grúzǝ̀
13Lɵɛ Bóà è Wrúfè sɥ é kǝ̀à bɔú ká, é Yàwɛ è lúàkpɔ Wrúfè ɓà é gúsɥ, é nǝ́gɔ̃ɔ̃̀zǝ̀ kpɔ. 14Lɛ̀kɔ̀ɔɛ é lonnù gbú wô pɵ Nìómà lǝ̀, “Gó Yàwɛ é yaá à tó kǝ ɥ sùulà nyɛ̀ɛ̀ lɔ̀nɛ̀ à tɔ́ è ɓɔ, bààzɥ́ɛ gó nǝ́ ɓɛ à tɔ́ è kǝ và Ézrɛ̀ sɛ̀ gɥ́! 15È lò kǝ mɛ é lo nii dɔ̀ù nu ɥ lǝ̀ɛ̀ ká, ye ɓɛ é lo e zòkǝ ɥ píé ɥ kǝ̀ klɵ̀sɥ̀ gɥ́, ɓií ɥ gbɵ bɔú ê lɔ̀kǝ̀ ɥ ká, é kpã̀ã̀zǝ̀ é zìèa nǝ́gɔ̃ɔ̃̀nù srá pèètɛ làɛ̀, ê kpɔ.” 16Lɛ̀kɔ̀ɔɛ é Nìómà è nǝ́ ɓɛ sɥ ê kpɔ e gbã́là é ye zòkǝ̀ à píé.
17Lɛ̀kɔ̀ɔɛ lonnù é wãã̀ Nìómànù wó gṹṹ ɓɛ gɥ́ɛ wó nǝ́ ɓɛ tɔ́ kpɔ, wô pɵ, “Wà nǝ́ gɔ̃ɔ̃̀zǝ̀ kpɔ́ Nìómà lǝ̀.” Wó à tɔ́ lɛ̀ Óbɛ̀. Ye é Zɛsé, é kǝ̀ Dèɓé dǝ káɛ kpɔ.
18Pɛ́rɛ́zì kpɔ̀grúzǝ̀ tɔ́ é nɛ̀: Pɛ́rɛ́zì é Hɛ́zrɔ̀n kpɔ, 19Hɛ́zrɔ̀n é Wrán kpɔ, Wrán é Ámínádà kpɔ, 20Ámínádà é Násɔ̃̀ kpɔ, Násɔ̃̀ é Sámɔ̀ kpɔ, 21Sámɔ̀ é Bóà kpɔ, Bóà é Óbɛ̀ kpɔ, 22Óbɛ̀ é Zɛsé kpɔ, é Zɛsé è Dèɓé kpɔ.
Dewis Presennol:
Wrúfè 4: DHB
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda