Iöb 32
32
XXXII.
1A pheidiodd y tri wŷr hyn âg atteb i Iöb, am ei fod ef yn gyfiawn yn ei olwg ei hun. 2Yna y cynneuodd digofaint Elihw mab Barachel y Bwziad, o deulu Ram; yn erbyn Iöb y cynneuodd ei ddigofaint ef am iddo gyfiawnhâu ei hun rhagor Duw; 3ac yn erbyn ei dri chyfaill y cynneuodd ei ddigofaint ef am na chawsent hwy hŷd i atteb, a barnu o honynt Iöb yn euog. 4Ac Elihw #32:4 nes iddo ddarfod.a arhosasai ar Iöb, yn (ei) leferydd, canys hŷn (oedd) y rhai hynny nag ef o ran dyddiau. 5Pan welodd Elihw nad (oedd) atteb yngenau y tri wŷr, cynneuodd ei ddigofaint ef: 6Yna yr attebodd Elihw mab Barachel y Bwziad, a dywedodd,
Bychan myfi o ran dyddiau, ond chwychwi (ŷch) benllwydion,
Gan hynny ymatteliais, ac ofnais
Adrodd fy ngwybodaeth i chwi;
7Dywedais “Dyddiau a lefarant,
A lliaws o flynnyddoedd a hyspysant ddoethineb:”
8Ond, yr yspryd, — (ïe) efe mewn dyn,
Ac anadl yr Hollalluog, a wna iddynt ddeall;
9Nid y lliosog (eu dyddiau) sydd ddoethion,
Neu’r hên sy’n deall yr iawn farn;
10Am hynny dywedais “Gwrando arnaf fi,
Adroddaf fy ngwybodaeth, — (ïe) hyd yn oed myfi.”
11Wele, disgwyliais am eich geiriau chwi,
Clust-ymwrandewais am eich deall chwi,
Nes yr holech ymadroddion (Iöb);
12Ac am danoch chwi y deliais sulw,
Ond, wele, nid (oes) i Iöb yr hwn a’i hargyhoedda,
Yr hwn a ettyb ei eiriau ef, (sef) o honoch chwi.
13 # 32:13 =fod Iöb yn rhy ddoeth i ddyn ymresymmu ag ef Na ddywedwch “Daethom ar draws doethineb,
Duw a’i tarf ef ac nid dyn:”
14Ond ni threfnodd efe ymadroddion yn fy erbyn i,
Ac yn eich geiriau chwi nid attebaf iddo.
15 # 32:15 troi y mae efe yn awr tuag at Iöb Dychrynwyd hwynt, nid ŷnt yn atteb mwy,
Mudodd geiriau oddi wrthynt hwy:
16A ddisgwyliaf fi am nad ydynt hwy yn llefaru,
Am eu bod yn sefyll (ac) heb atteb o honynt mwy?
17Attebaf — hyd yn oed myfi, — fy rhan i,
Adroddaf fy ngwybodaeth, — (ïe) hyd yn oed myfi;
18Canys llawn wyf o leferydd,
Gwasgu arnaf y mae ’r yspryd (sef) ar fy mòl;
19 # 32:19 pan fyddai gwin newydd yn gweithio, rhaid oedd rhoi gwŷnt iddo; onite y costrelau croen a ddryllid. Wele, fy mòl (sydd) fel gwin nad agorwyd iddo,
Fel costrelau #32:19 ieuangc oedd Elihw ei hunnewyddion, ar hollti y mae efe;
20Llefaraf fel y rhodder gwŷnt i mi,
Agoraf fy ngwefusau ac attebaf;
21Ni ddygaf yn awr bleidgarwch i ddyn,
Ac wrth ddaearolyn ni wenhieithiaf,
22Canys ni fedraf ar wenhieithio,
Buan y #32:22 chwareuir ar y gair “ddygaf” yn adn. 21.dygai fy Ngwneuthurwr fi ymaith.
Dewis Presennol:
Iöb 32: CTB
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Cyfieithiad Briscoe 1894. Cynhyrchwyd y casgliad digidol hwn gan Gymdeithas y Beibl yn 2020-21.