UMOZHIGO 5
5
Te Kwune na Aka Adam Uuwa I ci Aka Noa
1Utakada wa alamụ Adam na. Aka na ta Agwatana karɛ bụtụ, baa njɛ bụ nụ ụsụbwa ubwa. 2Butubwenyi ne biyikwo aba baa karɛ, bee peni aŋ uwebiye boo po aŋ izeci maa butugwumwa, na aka na tu baa karɛ aŋ.#Umoz 1:27,28; Mat 19:4; Mak 10:6
3Ga Adam zhɛrɛ shiywa dipi-yebi-nu-talacɛ (130) ta a njɛ bụ, nazhɛ bee meci yɛu-ye-eyi nɛ sụbɛ bụ, boo po iŋ izeci ti gɛ Sɛt. 4Ga Adam zhɛrɛ shiywa akpakwụ-eneshi (800), na aba na ti bee meci Sɛt, nazhɛ bee meci miaụŋ-me-eyi, na mu na mo o mi nya. 5Shiywa sha Adam hwɛɛ shɛ namɛ akpakwụ-eneshi-ni-dipi-yebi-nu-talacɛ (930) nazhɛ bee 'wi.
6Gɛ Sɛt zhɛrɛ shiywa dipi-yebi-na-shɛba-shɛ-ta (105) te e meci bu, nazhɛ bee meci Inosh. 7Gɛ Sɛt zhɛrɛ shiywa akpakwụ-eneshi-na-shɛba-shi-cenje (807), na aba na ti bee meci Inosh, bee meci miaụŋ-me-eyi na mu na mo o mi nya. 8Shiywa shi Sɛt hwɛɛ shɛ namɛ akpakwụ-eneshi-ni-dipi-yebi-ne-eshe-umpwa-na-shɛba-shi-yebi (912), nazhɛ bee 'wi.
9Ge Inosh zhɛrɛ shiywa dupu-na-buhanda (90) te e meci bu, nazhɛ bee meci Kenan. 10Ge Inosh zhɛrɛ shiywa akpakwụ-eneshi-ne-eshe-umpwa-na-shɛba-shɛ-ta (815) na aba na ti bee meci Kenan, bee meci miaụŋ-me-eyi na mu na mo o mi nya. 11Shiywa shi Inosh hwɛɛ shɛ namɛ akpakwụ-eneshi-ni-dipi-yebi-na-shɛba-shɛ-ta (905), nazhɛ bee 'wi.
12Ge Kenan zhɛrɛ shiywa dupu-nu-woshi (70) te e meci bu, nazhɛ bee meci Mahalalɛl. 13Ge Kenan zhɛrɛ shiywa akpakwaụ-eneshi-na-buhanda (840) na aba na ti bee meci Mahalalɛl, bee meci miaụŋ-me-eyi, na mu na mo o mi nya. 14Shiywa shi Kenan hwɛɛ shɛ namɛ akpakwụ-eneshi-ni-dipi-yebi-ne-eshe-umpwa (910) nazhɛ bee 'wi.
15Ga Mahalalɛl zhɛrɛ shiywa dupu-ne-eshe-umpwa-na-shɛba-shɛ-ta (65), te e meci bu, nazhɛ bee meci Jarɛd. 16Ga Mahalalɛl zhɛrɛ shiywa akpakwụ-eneshi-nu-talacɛ (830), na aba na ti bee meci Jarɛd, bee meci miaụŋ-me-eyi na mu na mo o mi nya. 17Shiywa shi Mahalalɛl hwɛɛ shɛ namɛ akpakwụ-eneshi-nu-dupu-na-buhanda-na-shɛba-shɛ-ta (895), nazhɛ bee 'wi.
18Ga Jarɛd zhɛrɛ shiywa dipi-tɛtu-ne-eshe-umpwa-na-shɛba-shi-yebi (162), te e meci bu, nazhɛ bee meci Inok. 19Ga Jarɛd zhɛrɛ shiywa akpakwụ-eneshi (800), na aba na ti bee meci Inok, bee meci miaụŋ-me-eyi na mu na mo o mi nya. 20Shiywa shi Jarɛd hwɛɛ shɛ namɛ akpakwụ-eneshi-ni-dipi-tɛtu-ne-eshe-umpwa-na-shɛba-shi-yebi (962), nazhɛ bee 'wi.
21Ge Inok zhɛrɛ shiywa dupu-ne-eshe-umpwa-na-shɛba-shɛ-ta (65), te e meci bu, nazhɛ bee meci Mɛtusɛla. 22Ge Inok zhɛrɛ shiywa kpakwụ-ni-dipi-yebi (300), na aba na ti bee meci Mɛtusɛla, bee zhe tahaŋnụ na Agwatana, nazhɛ bee meci miaụŋ-me-eyi na mu na mo o mi nya. 23Shiywa shi Inok hwɛɛ shɛ namɛ kpakwụ-ni-dipi-tɛtu ne-eshe-umpwa-na-shɛba-shɛ-ta (365). 24Ge Inok zhe tahaŋnụ na Agwatana nazhɛ baa zasaba ya, iwɛnɛ ta Agwatana shepi bu.#Ehib 11:5; Judu 14
25Gɛ Mɛtusɛla zhɛrɛ shiywa dipi-tɛtu-nu-talacɛ-na-shɛba-shi-cenje (187), te e meci bu, nazhɛ bee meci Lamɛk. 26Gɛ Mɛtusɛla zhɛrɛ shiywa akpakwụ-atatụ-ni-dipi-tɛtu-nu-talacɛ-na-shɛba-shi-yebi (782), na aba na ti bee meci Lamɛk, bee meci miaụŋ-me-eyi na mu na mo o mi nya. 27Shiywa shi Mɛtusɛla hwɛɛ shɛ namɛ akpakwụ-eneshi-ni-dipi-tɛtu-ne-eshe-umpwa-na-shɛba-shi-cinjishi (969), nazhɛ bee 'wi. 28Ga Lamɛk zhɛrɛ shiywa dipi-tɛtu-nu-talacɛ-na-shɛba-shi-yebi (182), te e meci bu, nazhɛ bee meci yɛu ike ye eyi. 29Boo po iŋ izeci ti ga Noa,#5:29 Noa: Egini ta Noa i shɛ, n'uno-tusumanɛ. Iwɛnɛ ti bɛɛ hiɛŋ, Ubwa gana na zhɛ ma tu sụmanɛ n'uno nu ugondu ụbaụta keeni ụngwụ na ata hwuga ni itimɛ nɛ ata hwaŋ ni i'ɛlɛ tu na cɛnjɛ tu na AGWANGWAMA keleni la unu. 30Ga Lamɛk zhɛrɛ shiywa akpakwụ-eyebi-ni-dipi-tɛtu-na-buhanda-na-shɛba-shɛ-ta (595) na aba na ti bee meci Noa, bee meci miaụŋ-me-eyi, na mu na mo o mi nya. 31Shiywa shi Lamɛk hwɛɛ shɛ namɛ akpakwụ-atatụ-ni-dipi-tɛtu-nu-woshi-na-shɛba-shi-cenje, (777) nazhɛ bee 'wi.
32Ga Noa zhɛrɛ shiywa akpakwụ-eyebi-ni-dipi-yebi (500) te e meci bu, nazhɛ bee meci Shɛm, na Ham keeni Jafɛt.
Dewis Presennol:
UMOZHIGO 5: RBT
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Rubassa Bible © Bible Society of Nigeria, 2008