OHÚTU 6
6
1 #
Ujób 1.6; 2.1 Eko nɛ̄ ācɛ gbɔɔ́ ō nyīla bá ɛbɛɛbɛ kú ipú odúúdú ɛcɛ ā, é kē bá ī ma ayínɔ̄nyā. 2Ōhī kú aálelékwū nēe bá ɔkpáncō nēé hī ka ayí kú Ɔwɔicō ā,#6.2 Ōhī kú aálelékwū…Ɔwɔicō ā, ámāŋ ācɛ kú ɔkpáncō le má ka ayínɔ̄nyā kú alɛɛcɛ ā héyīfuú, é le pɛ́ wā gaá gbɔɔ́ ō lɛ aɛ́nɛ̄ o he uwá ɔtū ā ɔnyā. 3Anɔ́ɔ Óndú ā kahíníī, “Alelékwū kú um ī gaá yɔ̄ ipú alɛɛcɛ piyóó gɛ ŋ́, ohígbū koó wɛ ɔkpíyē nōo gē kwú. Amáŋ, ɛ̄cī kú nū géē wɛ iháyí ofɛhīlī.” 4#Áluk 13.33O ŋmá eko ɔ́ɔmā gɔbū ā, aɔ́gbágwu nɛ̄hi gbɔɔ́ ō lā ipú ɛcɛ. É wɛ ayí aálelékwū nēé hī ka ayínɔ̄nyīlɔ kú Ɔwɔicō, ayí nɛ̄ ācɛnyā kú alɛɛcɛ ma lɛ aálelékwū nɛ̄ é hī ka #6.4 aálelékwū...Ɔwɔicō,ámāŋ ācɛ kú ɔkpáncō ayínɔ̄nyīlɔ kù ɔwoicō ā. Ayí ā wɛ aógbējūwā olɔfū nɛ̄hi mɛ́mla ācɛ olófu nɛ̄hi kú íkée ā á.
5 #
Umát 24.37; Ulúk 17.26; 1 Upít 3.20 Óndú ā le má ɛ́gɛ́nɛ̄ ɛjɛ̄ɛ̄jī ācɛ nēe bá ipú ɛcɛ ā bɔ̄bíipú lɛ ā mɛ́mla ɛ́gɛ́nɛ̄ ɛlá nēé gē gbo ā bɔ̄bí eko dóódu lɛ ā 6Ó kē le kwɔ́ɔ iyē nɛ̄ɛ̄nɛ̄hi lɛyíkwu ɔ̄cɛ nōó yá wā ipú ɛcɛ ā. Íjémā le mu ɔ́ ɔtū nɛ̄hi. 7Anɔ́ɔ Óndú ā kahíníī, “N géē je alɛɛcɛ, aɛ́bɛ́ mɛ́mla aígbáanɔ nɛ̄ n yá ā kpó yíífi bónū ŋmá ipú ɛcɛ. Ohígbū koó kwú um iyē nɛ̄ɛ̄nɛ̄hi nɛ̄ n yá uwā ā dɛ̄ɛ̄ ā.” 8Amáŋ Unówa, wɛ ɔ̄cɛ nōo he Ɔwɔicō ɔtū nɛ̄hi.
Unówa
9 #
2 Upít 2.5
Ɛ́gɛ́nɛ̄ ɔ̄kā kú Unówa lɛ ā yɔ̄ á. Unówa ōfōōfūnū wɛ ɔ̄cɛ okpakpa nōó lɛ ɛnyá ŋ́, nōo yá ɔdā nōo he Ɔwɔicō ɔtū eko ɔ́ɔmā á. Ó yɛ́ɛma klla létɔ̄há mla Ɔwɔicō 10Unówa lɛ ayínɔ̄yīlɔ ɛtá, nēe lé ka Ussɛ́m mɛ́mla Uhám mɛ́mla Ujáfɛ̄ti. 11Alɛɛcɛ ohile kē le kpó bīya ohígbū ucē ō yá kú uwā. Ucē kú ɔ́bíipú kē le mu ācɛ ipú ɛbɛɛbɛ. 12Ɔwɔicō le má ka ɛcɛ le bīya ɛɛ́, ohígbū ka ucē obɔ̄bí kú ɛjɛ̄ɛ̄jī alɛɛcɛ kwú uwā í kpó bīya ipú ɛcɛ ā.
13Anɔ́ɔ Ɔwɔicō da Unówa kahíníī, “N le tútū ká n̄ kpó odúúdu alɛɛcɛ ŋmó ɛɛ́. Abɔ̄ alɛɛcɛ le mu mla ɔ́bíipú ā, n géē je uwá mɛ́mla ɛcɛ kpó yíífi dúúdú. 14Lɛ úgbéenyi gbā lɛ īyī uwɔ, ŋmá ɔcí olɔfú. Lɛ aínu gwó tū ipú úgbéenyi ā. A géē ma unɛ plla eyīpú mɛ́mla eyīyɛ̄ce kú nū. 15Ɛ́gɛ́nɛ̄ ā géē yá ɔ̄ lɛ ā yɔ̄ á. Īkpō kú nū kóō wɛ ikpó úlā ce ofɛpa cigwó. Ɔwá kú nū kóō wɛ ikpó ofɛtá ce igwɛ́ɛhɔ̄. Olicō kú nū kóō wɛ ikpó ofɛpa cɛhɔ̄. 16Lɛ ɔ́ fīyɛ̄ bɛ̄ɛka inu ā. Cɛ́ɛ́ kú ā kwú ɛpá kú ikpó éyi ce āyā ú tá ɔtāhɛ̄ kú aflá ā mɛ́mla ɔdɔ ā, jīla tá. Lɛ ipú nū hɛ́ ɛga ɛtá ce ɔhá icō bɛ̄ɛka ɔda kú icīīcō, ɔda kú icō mɛ́mla ɔda kú ɛháajɛ ā. Cɛ́ɛ́ a kwú ɔwɛ ú tá áklō kú nū.
17N gáā tū éŋkpɔ̄ nɛ̄hi ɛhɔ̄ wɛ̄ɛcɛ nōo géē cēenyi klá odúúdú ɔdā oyēeyī nēe í kpó uwā yíífi. Ɔdā dóódu nōo yɔ̄ ipú ɛcɛ ā géē pɛ́ kwú. 18Amáŋ n cokónu lɛ awɔ mɛ́mla ɔnyā awɔ, mɛ́mla ayínɔ̄nyīlɔ kú uwɔ mɛ́mla anyā uwā, ka n géē nyā aá tá. 19Lɛ ɛdɔ kú ɛbɛ́ dóódu o yēeyī nōo wɛ ɔbá mɛ́mla ɔnyā nēe bá ipú ɛcɛ nyā kpó wā ipú úgbéenyi ā. O yá kú ugbɛ kú uwā kóō mɛ ŋ́. 20Aígbáanɔ, aɛ́bɛ́ mɛ́mla aɔ́dā ō lɛ ipú piyajɛ ɛpɛɛpa ɛ́gɛ́nɛ̄ ɛdɔ kú uwā lɛ ā géē wā ɛgiyí uwɔ. Cɛ́ɛ́ ká ā lɛ uwā tū oyēeyī. 21Lɛ ɛdɔ ɔdōlé dóódu nɛ̄ awɔ mɛ́mla uwá géē lé glá ā kpó tū ipú úgbenyi ā.”
22 #
Uhíb 11.7
Unówa le ɔdā dóódu nɛ̄ Ɔwɔicō da ɔ́ ā kpó yá.
Dewis Presennol:
OHÚTU 6: IFBCL
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda