OHÚTU 2
2
1Ɔwɛ ɛ́gɔ́ɔmā nēé yá ɔkpáncō mɛ́mla ɛcɛ mɛ́mla aɔ́dā dóódu nēe bá ipú nū ā mɛ 2#Oyɛb 20.11#Uhíb 4.4,10Abɔ̄ Ɔwɔicō le úklɔ́ nōó yɔ̄ ī yá ā yá mɛ ā, ó le mlɛ́nyɔ́ ɛ̄cī ɔ́mahāapa á. 3Ɔwɔicō le ɔhā hɛ́ ce ɛ̄cī ɔ́mahāapa ā klla lɛ ɔ́ yá tīihɔ, ohígbū ka ɛ̄cī nyā nōó mlɛ́nyɔ́ ŋmá odúúdú úklɔ́ kú ɛcɛ mɛ́mla ɔkpāncō nōó yá ā á. 4Ɔ́ɔmā ā wɛ ɔ̄kā kú ɔdā nōo yá eko nɛ̄ Ɔwɔicō yá ɛcɛ mɛ́mla ɔkpāncō á.
Ádām mɛ́mla Íīfu
Eko nɛ̄ Óndú ā nōo wɛ Ɔwɔicō yá ɛcɛ bōōbū ā, 5Ɔcí mɛ́mla ácí mɛ́mla ɔdɛ̄hɔ̄ dúúmā í bū ipú ɛcɛ ɛ́ɛ́ ŋ́. Ohígbū ka Ɔwɔicō í yá kú ɔwɔ kóō yā tū ajɛ ɛ́ɛ́ ŋ́. Ɔ̄cɛ nōo í hí ajɛ ā ɛhɔ̄ í kē yɔ̄ ɛ́ɛ́ ŋ́. 6Amáŋ ébú gē cē ŋmá ipú ajɛ nōo ī kpó éŋkpɔ̄ tū ɛjɛ̄ɛ̄jī ajɛ ā. 7#1 Ukɔ́r 15.45Anɔ́ɔ Ɔwɔicō le ɔmɛ cē ŋmá ajɛ,#2.7 ajɛ...ɔ̄cɛ. Ɛlā kú ācɛ Uhíbru kú “ɔ̄cɛ” mɛ́mla “ajɛ” ɔkɔ kú uwā wɛ ɛdɔ ékpó le ɔlɛɛcɛ ma ŋmá anú, anɔ́ɔ ó le owu kú oyēeyī fu tū ɔ̄ ɔ̄gɛ̄nwū anɔ́ɔ ɔlɛɛcɛ má yēeyī á.
8Óndú ā, nōo wɛ Ɔwɔicō ā lɛ ɛhɔ̄ éyi hí ɛga nēé hī ka Ídɛn ipú ajɛ kú ɛnɔ̄ɔ̄cī. Anɔ́ɔ ó kwú ɔlɛɛcɛ nōó yá ā ú tá abɔ́ɔ á. 9#Mafú 2.7; 22.2,14Anɔ́ɔ ó klla le aɔ́cí ɛdɔ ɛyɛ́ɛyɛ́yí ō gwá īkpō nyi tū abɔ́ɔ á. Ɔcí nōo ī je oyēeyī mɛ́mla ɛ̄nɛ̄ o ī yá ɔ̄cɛ kóō jé ɔdā olɔhi mɛ́mla ɔdōbɔ̄bí#2.9jé ɔdā olɔhi mɛ́mla ɔdōbɔ̄bí; ámāŋ jé ɛjɛ̄ɛ̄jī ɔdā dóódu kwu ipú ɛhɔ̄ ā dúú.
10Ísu éyi gē pɛ́ ŋmá ajɛ kú Ídɛn nōo gē kpó éŋkpɔ̄ tū ɛhɔ̄ ā. O ŋmá ɛhɔ̄ ā ísu ā kwú kɔ̄ le pīya ísu ɛnɛ. 11Iyē kú ísu kú aflɛ́yí ā lé ka Upíssɔn. Ɛ̄nyā wɛ ísu nōo ī pɛ́ ipú ajɛ kú Uhafíla nōo lɛ ugóolu á. 12Ugóolu ɛ́nɛ́ɛ́nɛ̄ mɛ́mla aɛ́cɔ̄ ogbɔɔ́lá nēé hī ka óniks mɛ́mla ɔdā okpóocu nōo ī ŋá nēé hī ka udélīyum bá ajɛ ɔ́ɔmā. 13Ísu ɔ́mpa ā lé ka ísu kú Ugíhɔn. Anú ā gē pɛ́ kɔ́nɔ̄kɔnɔ̄ bū ajɛ kú Ukúss á. 14Iyē kú ísu ɔ́mɛɛtá ā lé ka ísu kú Utígīrīsi, nōo gē pɛ́ ga ɛnɔ̄ɔ̄cī kú Asírīya ā. Ísu ɔ́mɛɛnɛ ā lé ka ísu kú Uyúfārétīisi.
15Óndú ā, nōo wɛ Ɔwɔicō ā kwú ɔlɛɛcɛ nōó yá ā ú tá ipú ɛhɔ̄ kú Ídɛn ā kóō hí ɔ̄ ɛhɔ̄ kóō klla leyīkwu ɔ́. 16Anɔ́ɔ Ɔwɔicō lɛ íne je lɛ ɔlɛɛcɛ ā kahíníī, “A géē lé īkpō ɔcí dóódu kú ipú ɛhɔ̄ ā, 17amáŋ á gáā lé īkpō kú ɔcí nōo ī yá kú ɔ̄cɛ kóō jé ɔdā olɔhi mɛ́mla ɔdōbɔ̄bí ā ŋ́#2.17 jé ɔdā olɔhi mɛ́mla ɔdōbɔ̄bí; ámāŋ jé ɛjɛ̄ɛ̄jī ɔdā dóódu Ohígbū ka ɛ̄cī nɛ̄ a i lé, a géē kwú.”
18Anɔ́ɔ Óndú ā, nōo wɛ Ɔwɔicō ā, kahíníī, “Ó lɔhi kú ɔlɛɛcɛ ā kóō yɔ̄ ōfōōfūnū ŋ́. N géē lɛ ɔ̄cɛ otábɔ̄ nōo cíkā lɛ ɔ́ yá lɛ́ ɔ́.” 19Anɔ́ɔ Ɔwɔicō le odúúdú aɛ́bɛ́ kú ipácí mɛ́mla aígbáanɔ nēe ī wu icō ā yá ŋmá ajɛ á. Ó le uwá kpó gé lɛ ɔlɛɛcɛ ā kóō í má iyē nōó géē le ce uwá ā. 20Anɔ́ɔ ɔlɛɛcɛ ā le iyē kpó ce odúúdú aɛ́bɛ́ ā mɛ́mla aígbáanɔ nēe ī wu icō ā á. Amáŋ ipú uwā, odóódu í yɔ̄ nōo ī wɛ otábɔ̄ nōo cíkā lɛ ɔlɛɛcɛ ā ŋ́.
21Ohígbū ɔ́ɔmā ā, Óndú ā, nōo wɛ Ɔwɔicō ā. le ɔlɛɛcɛ ā ŋmíyɔ̄lā lipú lipú. Eko nōó yɔ̄ ī gbiyɔ̄lā ā, Ɔwɔicō kwú ikpokwú kú íkélí kú nū éyi ú, anɔ́ɔ ó le ɛgiyí nū gwū mɛ́mla ícɛ̄bɛ́ á. 22Ó le ɔ̄cɛnyā yá ŋmá ikpokwú kú íkélí nōó je ŋmá ákló kú ɔ̄cɛnyīlɔ ā. Anɔ́ɔ ó kwú ɔ̄cɛnyā ā í bī gé lɛ ɔ̄cɛnyīlɔ ā á. 23Anɔ́ɔ ɔ̄cɛnyīlɔ ā kahíníī,
“Kulɔ́dɔ́ɔ́ nɛ̄ n má ɔ̄cɛ nōo ŋmá ikpokwú mɛ́mla ɛ́nɛ́bɛ́ iyē kú um á.
N géē hī ɔ̄ ka “ɔ̄cɛnyā” ohígbū keé je ɔ́ ŋmá iyē kú ɔ̄cɛnyīlɔ.”#2.23 ɔ̄cɛnya...ɔ̄cɛnyīlɔ. Ɛ̄lā kú ācɛ Uhíbru nēé ka ka “ɔ̄cɛnyā” mɛ́mla “ɔ̄cɛnyīlɔ” ā ɔkɔ kú uwā ékpónú
24 #
Umát 19.5; Umák 10.7,8; 1 Ukɔ́r 6.16; Ɛfɛs 5.31 Ɛ̄nyā yá ɛ́ɛ́ nɛ̄ ɔ̄cɛnyīlɔ géē nyɛ̄ɛ̄ ŋmá ɛgiyí ádā nū mɛ́mla ɛ́nɛ́ nū, gaá le pīya tɔ̄há mla ɔnyā nu, cɛ́ɛ́ uwá kwú pīya ɔkpíyē ékpónú á. 25Ɔlɛɛcɛ ā mɛ́mla ɔnyā nū kē tá ohɛ́ɛwa, amáŋ é kē yúwēyī ŋ́.
Dewis Presennol:
OHÚTU 2: IFBCL
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda