OHÚTU 10
10
Aípɔ́ɔma kú ayí kú Unówa
1Aɛ́nyā wɛ ayááyí kú ayínɔ̄nyīlɔ kú Unówa nēe lé ka Ussɛ́m mɛ́mla Uhám mɛ́mla Ujáfɛ̄ti ā á. Ayí ɛtá nēe bá ā ma ayí igbīhi kú éŋkpɔ̄ nōo kpó ɛcɛ ā. 2Ayínɔ̄nyīlɔ kú Ujáfɛ̄ti ā wɛ Ugóma mɛ́mla Umágɔ̄g mɛ́mla Umadáyi mɛ́mla Ujáfan mɛ́mla Utúbal mɛ́mla Umessɛ́ki mɛ́mla Utíras. Uwá kē wɛ aádáádā kú aéwo nēe lé iyē uwā á. 3Ayínɔ̄nyīlɔ kú Ugóma ā wɛ Asskɛ́nāsi mɛ́mla Urífāti mɛ́mla Utogáma. 4Ayínɔ̄nyīlɔ kú Ujáfan ā wɛ Ɛláyíssa mɛ́mla Utássīisi mɛ́mla Ukítim, mɛ́mla Udodánim. 5O ŋmá aípɔ́ɔma kú ācɛ nēe bá nyā, nɛ̄ ācɛ kú okónu aísu ā ŋmá á. Aɛ́nyā wɛ ayínɔ̄nyīlɔ kú Ujáfɛ̄ti ipú ajɛ kú uwā ā, ɔnyɔɔnyɛ lā ipú ipɔ́ɔma mɛ́mla ipú aéwo kú nū yɔ̄ gē ka ucē kú nū.
6Ayínɔ̄nyīlɔ kú Uhám wɛ Ukúss mɛ́mla Íjīpiti mɛ́mla Upút mɛ́mla Ukénan. 7Ayínɔ̄nyīlɔ kú Ukúss wɛ Usɛ́ba mɛ́mla Uhafíla mɛ́mla Usábta mɛ́mla Urááma mɛ́mla Usabtɛ́ka. Ayí kú Urááma wɛ Ussɛ́ba mɛ́mla Udɛ́dan. 8Ukúss kwú pīya ádā kú Unímrɔ̄du. Unímrɔ̄du wɛ ɔ̄cɛ aflɛ́yí kú ɛcɛ nōo je pīya ɔ̄cɛ o lɔfú kpɛ́fú nɛ̄hi á. 9Ó wɛ ofītɛ́ nɛ̄hi o ŋmá o tábɔ̄ kú Óndú ā. Ohígbū ɔ́ɔmā ā nēé gē ka kahíníī, “Óndú ā kóō lɛ uwɔ yá ofītɛ́ bɛ̄ɛka Unímrɔ̄du, nōo Óndú ā ī tá ɔ̄ abɔ̄ ā. 10Ajɛ nōó cɔcɛ́ ā gbɔɔ́ ŋmá Ubábɛl mɛ́mla Érēk mɛ́mla Ákād, nēe bá ajɛ kú Ussína dúúdú ā. 11Ó ŋmá ajɛ ɔ́ɔmā ó le yɛ tá Asírīya gaá le Unínīfɛ mɛ́mla Uréhōbot Íri mɛ́mla Ukála, 12mɛ́mla Urésen nōo yɔ̄ ɔtāhɛ̄ kú Unínīfɛ mɛ́mla Ukála, nōo wɛ igelī nɛ̄hi ā, gwó. 13Ayááyí kú Íjīpiti wɛ Ulúdim mɛ́mla Anamím mɛ́mla Ulehabím mɛ́mla Unāftuhím 14mɛ́mla Upatrusím mɛ́mla Ukasluhím (ɔkwu nɛ̄ ācɛ Ufilístiya ŋmá ā) mɛ́mla Ukaftorím.
15Ukénan kwú pīya ádā kú ācɛ Usídɔn, nōo wɛ ɔyí aflɛ́yí kú nū ā, mɛ́mla Uhɛ́ti. 16Anú wɛ ádáádā kú ācɛ kú Ujɛ́būsi mɛ́mla ācɛ kú Ámɔ̄ri mɛ́mla ācɛ kú Ugígāssi 17mɛmla ācɛ Uhám mɛ́mla ācɛ kú Áki mɛ́mla ācɛ kú Usíni mɛ́mla 18ācɛ kú Áfādi mɛ́mla ācɛ kú Usémá mɛ́mla ācɛ kú Uhámati. Igbīhāajɛ ā ipɔ́ɔma kú ācɛ Ukénan le nyīla ga ɛga ɛbɛɛbɛ. 19Anɔ́ɔ ɛjī ajɛ kú ācɛ Ukénan le nyīla ŋmá Usídɔn lɛyíkwu Ugɛ́ra jāā ga Ugása lɛyíkwu Usɔ́dɔm mɛ́mla Ugomóra mɛ́mla Ádma mɛ́mla Usebɔyíím, jāā ga Ulássa á. 20Aɛ́nyā wɛ ayí kú Uhám nēe lā ipú ajɛ ɛyɛ́ɛyɛ́yí kú aípɔ́ɔma mɛ́mla aéwo kú úwā ā á. Igwú éyééye yɔ̄ ī ka ucē kú nū.
21Ussɛ́m, nōo wɛ ɔyínɛ́ nɔ̄nyākwɔ́cɛ kú Ujáfɛ̄ti ā, wɛ ádáádā kú odúúdú ācɛ kú Ɛ́ba á#10.21 Ɛ́ba: Iyē nyā wɛ iyē ɔhá kú ācɛ Uhíbru É ma ayí nēe bá ā lɛ ɔ́. 22Ayí kú Ussɛ́m wɛ Ɛ́lam mɛ́mla Ássɔ mɛ́mla Ápākssadi mɛ́mla Ulúdu mɛ́mla Áram. 23Ayí kú Áram wɛ Úsi mɛ́mla Uhúl mɛ́mla Ugɛ́ta mɛ́mla Umássi. 24Ápākssadi kwū pīya ádā kú Usséla, Usséla kē kwū pīya ádā kú Ɛ́ba. 25É le ayí ɛpa ma lɛ Ɛ́ba. Iyē kú éyi kú ayí ā wɛ Upɛ́lɛ̄gi,#10.25 Upɛ́lɛ̄g. Ɛyí kú iyē nyā okónu Uhíbru lɛbɛ̄ɛka “oōkɔ̄” ā ohígbū ka eko kú nū ā nēé kɔ̄ ācɛ kú ɛcɛ ɛyɛ́ɛyéyí á. Iyē kú ɔyínɛ́ nū lé ka Ujɔ́ktan. 26Ujɔ́ktan kwú pīya ádā kú Alumódādi mɛ́mla Ussélēf mɛ́mla Uhasamāfɛ́ti mɛ́mla Ujɛ́ra mɛ́mla 27Uhadóram mɛ́mla Úsalu mɛ́mla Udíkla mɛ́mla 28Óbalu mɛ́mla Abímɛ̄lu mɛ́mla Ussɛ́ba, 29Ófɛ mɛ́mla Uhafíla mɛ́mla Ujóbābu. Odúúdú ācɛ nēe bá ā wɛ ayí kú Ujɔ́ktan. 30Ajɛ nēé lā ā, gbɔɔ́ ŋmá Uméssa lɛyíkwu Uséfa ga ɛfu kú ɛnɔ̄ɔ̄cī ā. 31Aɔ́ɔmā wɛ ayí kú Ussɛ́m, mɛ́mla aípɔ́ɔma kú uwā, mɛ́mla ucē nēé ī ka ā, mɛ́mla ajɛ mɛ́mla aéwo kú uwa á.
32Aɛ́nyā wɛ ayááyí kú ayí kú Unówa, ɛ́gɛ́nɛ̄ aípɔ́ɔma kú uwā, mɛ́mla aéwo kú uwā lɛ ā á. O ŋmá aéwo nyā, nɛ̄ ācɛ nyīla klɛ́ɛcɛ igbīhi kú éŋkpɔ̄ nōo kpó ɛcɛ ā á.
Dewis Presennol:
OHÚTU 10: IFBCL
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda