Luke 24
24
Teȣasen kaieri aton iaȣenre teioteriȣasonterakȣen Oriȣatokenti tsini hoiaton Roiatatokenti-Luc.
1Nok tsi ȣahententane orhonketsi eh ȣahonnete tsi thaiatatakȣe neh kontihaȣi ne ȣenhienakonhonson nononha iotikȣatakȣen.
2Ȣahontkatto kanenhiarakȣen ne kanontektonne tsi iokaronte.
3Nok iakonstsnente, iah kahneka tetsionatkatton ne Iesos raoieronta.
4Sekon ok kati etho niiotinerakohon, teniiase rotiiatanerakȣat eh ȣahotiketote.
5Nok tsi nahonateronhienton neok ne takontiniarenne; ȣaniron kati: ohniiotieren tsi ehnonh nitsiseȣaiatisaks neronnhe tsinonh niiekeron ne iakoȣentaon.
6Iah kentho tehenteron; onen tanon shotonnheton, saseȣeiarann tsiniiot tsi hetsiseȣarorihakȣe sekon Galile shitres.
7Tsi raȣen: iatekakonte tsi enhonȣaiena ne rotiriȣaneraakskon nʼOnkȣe Roienha, tenhonȣaientannharen, enshatatonnhete nasen-aton nenȣata.
8Nok sakonneiarane neh nikaȣennotens.
9Oksaok kati sahontenti, ionsaiakotirori nenskat iaȣenre Nihatikȣekonne oni notiake.
10Onȣari-ȣatere, tsiann, tanon Onȣari Sak ronistenha ne skontiriȣenhaȣine oni saiakotirori neh nekarihotens ne Iesos Ratikȣekonne.
11Eh nehne nahaȣenne tsi ronathonte skonttrori ne tsionathonȣisen tsiniiot nahakotestshen: nese ȣaonni iah othenon tethonetakon.
12Nok ki sane, Tier tontahatane nok ȣahatkensera; iahatketoten noshonȣakon; neok ȣahatkatho noniataraha akta kaien; neok ne shonerakohonhatie tsinahaȣenne.
13Ok neh sahennisera, teniiashe iathahine, Emmaüske niiahonenonhatie, neh nahoten ne iaiak niȣasen niȣateniententserake natetiatere ne Jerusalem.
14Nok neh rotitharakȣenhatiene tsi niiaȣenseron.
15Tsi kati nahe neh rotitharakȣenhatie, eh ȣasakohnonterahne ne Iesos, nok ȣahonne.
16Tsi niiot noiah nahaȣenne ne nikarake nese ȣaonni iah tehonȣaientereskȣe.
17Nok ȣahenron: oh nekenh nahoten tesenitharakȣenhatie? oh oni niiotieren tsi seninikonraksens.
18Saiatat Cleophas ronȣaiasts tahatati, ȣahenron: Sonhaa onteken nekenh ne Jerusalem-ronon ne iah taseriȣaienterihake tsini iaȣenseron nonȣa kenhȣenniseratenionkȣe?
19Tontahenron, oh nekenh nahoten: tontaniron: Iesos ȣahi Nazaretronon raiatatake, Rotokensehakȣe, raȣeiennanoron, raȣennanoron oni rahohenton ne Niio oni akohenton nonkȣeokon;
20Tsinihonȣaierase ne ratitsihenstatsiokon oni ne ratikorasson, ronȣariȣenton narenheie, nok tehonȣaientannhare.
21Iakȣerhakȣe rahonha onte enseshakoskontako nʼIsraerronon; nok sane onen neh onȣa asen-aton nonta etho nitiaȣenhon.
22Sekon ki neneh sane ionerakȣat tsinahaȣenne: otiake nonkȣathonȣisentsera eh iekonneskȣe tsi thonȣaiataten.
23Nok iah tetsiohnatkathon ne raoieronta, ȣakonniron oni, ratironhiakeronon ȣasakotirori tsi sronnhe.
24Otiake tsini iakion eh ȣahonnete ȣahontkensera, eh ki niiot tsi ȣahontkatto tsiniiot tsi tsionatrori, nok ne raonha iah ki nehne kaneka teshonȣaken.
25Ethone onen tahenron: kanoron ki oni tsi iah teseȣanikonra, tsi oni niseȣatennoȣentastskon nahonteseȣetakȣe tsinithonatati ne Rotitokensehakȣe.
26Iah kenh tateiotonȣentsiohonne neh niiot tsi haharonhiaken ne Keristos, nok ahonsahataȣeiate raoiatanerakȣatserakon?
27Ethone oni ȣasakohnikonraientaten tsini hotiiaton nʼOiatonseratokentike, ne Moïs oni ne Rotitokensehakȣe ne raonha raiatatake.
28Nok nonen siiahonneȣetsi iohnatakȣenrare, oh nahaiere tsiniiot nahotoheststakȣenhatie.
29Nok ne rohnonha ȣahonȣaiatannhe, ȣaniron: onen iokara, onen oni thoha aontaiokaraȣe, testann niha. Enskatne kati ȣahontaȣeiate anioh ȣasakoriskonte.
30Tsi kati shathonstskaon, ȣahanatararako, nok ȣahaiatateriste; ȣathaiake nok tashakahon.
31Ethone onen tonsaiatkakȣarisi nok ȣahonȣaienterene; Nok ne raonha ok eh tonsahatatonte.
32Nok ȣaniron: Iah kenh naha oni tetiotarihenskȣe nonkeneriane sontasonkenirorianionne ohahakeson tsini kaȣennoten nʼOiatonseratokenti?
33Nok tontanitane, Jerusalem niionsane, tsi thatiteron nenskat iaȣenre nihati, neh ne ronatiake;
34Rontonhakȣe oni neneh: oriȣiio tsi shotonnheton ne Roianer, Simon shoken.
35Nok oni ne kenh kaien saiatrori tsi nahotiiataȣen nʼohahakeson, oni eh nonsahonȣaienterene sasa konataranonte.
36Tsinikariȣes neh rotitharakȣen eh ȣahoketote ne Iesos, nok ȣasakaȣenhase: skennen tikenhak niseke!
37Nok ne rononha, tsi nontahontonneke oni ȣahotiteronne ȣahonnere ȣahonkȣatianeronne ȣahi.
38Ȣasakaȣenhase: oh nontieren seȣahterons nok niatekon seȣanontonnions?
39Seȣatkatho kesnonke oni kasike, akȣa se ii: kenh oni niiatakȣaier nok takȣakaenhion; kati kenh neneh ioȣarare oni iostientare nakonȣara tsi nii niiot.
40Nok ȣasakohnatonhase ne rasnonke oni rasike.
41Nok iah teȣatons nahontahonnetakȣe tsi nahontonnharen oni rotinerakohon, ȣasakaȣenhase: seȣakkȣaien kenh?
42Kentsiakenrita tanon otsinakontakȣane otsikheta ȣahonȣaerhase;
43Ȣatrakȣe nok rahotihenton ȣathastskaon.
44Nok ȣasakorori ȣahenron: eh ȣahi niȣakieron tsi kȣarori sekon shiteȣes: tsi iatekonte enkanane tsini hotiiaton ne Moïs oni Rotitokensehakȣe nok oni ne Karennakon nii kiatatake.
45Ethone onen ȣatesakohnikonrasȣathete nahotinikonraientane tsinikaȣennoten nʼOiatonseratokenti.
46Oni ȣahenron: etho niiot tsi kaiaton; eh oni nateiotonȣentsiohonne neh enharonhiaken ne Keristos, nok nasen-aton nonta tahontahatkestsko ne kenheiatne.
47Nok raonha raosennakon aionteriȣanoton aiakohnikonkararen, nok tsi entsiakoterakeȣase ne kariȣaneren akaonȣentsiakȣekon nonkȣe, kentho Jerusalem ienȣatasaȣen.
48Ise ȣahi noriȣakȣekon seȣatkathon; onen kati entkȣatennietase tsini horharastston ne Rakeniha.
49Niare kati Jerusalem seȣenterontak tsiniiore ionseȣahrane nʼEnekenkha ahosaststensera.
50Ethone onen astste niiasakohiatenhaȣe tsiniiore Bethani, nok ehneken iathatsiatate oni ȣasakoiatateriste.
51Nok tsinikariȣes sakoterennaiennihatie eh tonsahontekhasi, karonhiakon niionsare.
52Nok ne rononha ȣahonȣasennaien, nok shonatsennonnihatie Jerusalem niionsahonne.
53Nok kenȣentatiesson ononsatokentike ronaterennaien tehonȣanonȣeronnions oni ronȣatsennonnia sne Niio.
Amen!
Dewis Presennol:
Luke 24: MHK
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.