Luke 22
22
Teȣasen tekeni-aton iaȣenre teioteriȣasonterakȣen Oriȣatokenti tsini, hoiaton Roiatatokenti Luc.
1ONEN thoha siiakaeȣe tsiniȣentanorons ne iah teȣattenkȣaton, oni konȣanatonkȣa Shotonnhestston.
2Kenh kaien ne ratitsihenstakȣeniios oni ne ratiiatons ratiriȣisakskȣe oh onte akȣa nahatiiere naonton ahonȣario; aseken sakotistsaniskȣe nonkȣeokon.
3Ethone onen nʼOtkonseraksen ȣahonikonrata ne Sitas Iskariot ronȣanatonkȣa saiatat tsinihati ne tekeni iaȣenre Nihatikȣekon ne Iesos.
4Neh tohiken eh ȣarete nok ȣathatitharen ne ratitsihenstakȣeniios oni ne ratiriȣakȣeniios tsinenthaierate tsi ensakoteȣentetase.
5Toh kati onte neneh nontahontsennonni nok ȣahonteriȣisa oȣista enhonȣakariakten.
6Nok eh niiot tsi ȣasakorharaststen; neok oni sresakskȣe naontiesenne ok oni tosa akȣa akarihoȣannha tsi ahoiena.
7Onen kati nonȣa neh iaontenniseriheȣe tsini ienataronnis ne iah tekasherhatkenton eh oni nonȣe niȣenniserate nenkonȣario teiotinakarontonha oȣira neneh Shotonnhestston.
8Iesos iasakotori Tier, tanon San ȣahenron: ȣasene senikȣatakoha nahoten enteȣake naeteȣaierite tsiniȣatenienten ne Shotonnhestston.
9Tontaniron; Kah kati nekenh nonȣe ienhiakenikhonni?
10Iesos tontahenron: ne nonen ienseninatarane tenseȣaterane ne ronkȣe onekanos ratsetenhaȣi; hetsiseniser, nok iatsiataȣeiat tsinonȣe ienshataȣeiate.
11Nok hotsisenirori ne ranonsakȣeniio, seniron: Roianer iateriȣanietennihatie: kah iaken nonȣe niiohnaktaien tsinonh nataiakȣastskaon nakitiokȣa ne Shotonnhestston?
12Tionaktoȣanen tionaktaien oni kanonsaseronni tsi nonȣe nentsiseninatonhase; etho kati nonȣe nasenikhonni ne Shotonnhestston.
13Oksaok ȣaiatenti, nok akȣekon eh niiot tsi ȣanitsenri tsinithoieren tsi tesakorori, etho kati nonȣe nanikhonni ne Shotonnhestston.
14Nok nonen siiakaheȣe, atekkȣarastserakta ȣarehte, oni ne tekeni iaȣenre Ratikȣekonne.
15Ethone ȣasakaȣenhase, ȣahenron: eso tsi ȣakaskanekon ne sekon enskat iataonseteȣatonte kehiken Shotonnhestston ohenton nakeronhiakon.
16Aseken ȣakȣarori tsi iah sekon tateskastskaonne, tsiniiore nohenton akanane rahonakeraserakon ne Niio.
17Nok ethone ȣatrakȣe ne katse ȣahaiatateriste, nok ȣahenron: Teseȣak nok seȣatatiakhonhas.
18Aseken ȣakȣarori tsi iah teseknekirane nonenharakeri, tsiniiore ienȣaȣe ne Niio raonakerasera.
19Ethone onen kanatarok saharako, ȣahaiatateriste oni neneh, ȣathaiake, tasakaon nok ȣahenron: Neh kehiken nakieronta ne iestsiiateȣentetase; eh naseȣaier nii akeiaratserakon.
20Etho oni neneh nahaiere ne kastse nonen sahatikkȣentane, tasakaon, ȣahenron: Kehiken kastse neh nase tsi kakȣatakȣen akonekȣensake ne oni ne ietsinekȣensarise.
21Kenh sane sekon nonȣa nateiatiatonts ne rakatenninonre.
22Akȣa ki ok iatekakonte tsi satentionhe nonkȣe Roienha tsini kariȣataton; nok ki tanon rotentasere onka ne ronkȣe enhotenninon.
23Onen neneh ȣathontateriȣanontonnionhase onka onte ienhoterasȣaksenne tsinihati neh niienhaiere.
24Rotitharakȣenne oni onka onte senha tsinihati enkaiatanoronke.
25Nok tanon ne Iesos ȣasakaȣenhase, ȣahenron: Rotinontiiosson akȣa ok tisakotiȣenniio nonkȣe okon; nok ne ronȣatiriȣaȣi iesesakohnaststerista ronȣatinatonkȣa thotiriȣaieri.
26Iah tanon nise etho taiohton: ok ekenh tanon ne senha raiatanoron eh nithatattat tsiniiot nakȣa niieraha, oni ne rariȣakȣeniio tsiniiot ne rannhatsera.
27Kah nikaien senha raiatanoron, neh atekkȣaratserakta renstskȣahere ok ne ens ne rakȣaherha? Neh ȣahi natekkȣaratserakta renstskȣahere? Tsi ki nonȣa nʼii niiot seȣentiokȣihen thikistskȣahere tsiki niiot ne rakkȣaherha.
28Ise oni ȣahi ne ionkȣariskonhonhaties tsinahe ȣakeronhiakenhaties.
29Ne kati ȣaonni ȣakȣatakȣenniaienhase ne kanakerasera tsiki niiot tsi rakatakȣenniaienni ne Rakeniha.
30Nenskatne iataonseteȣastskaon iaonsoteȣanekira oni akatekkȣarane akenakeraserakon; Nok ȣanistskȣaratseranoronke aonteseȣenstskȣarake taiestsiiatoretake ne tekeni iaȣenre nihotitarake nʼIsraerronon.
31Ȣahenron oni ne Roianer: Simon! Simon! Iah tehatorissens nonessonronon renekha naiasheȣe tsiniiot nonatsia.
32Nok ki tanon konhiaterennaienni, ne tosa aesariȣanoronse: Ne kati oni nise nonen tensatonnhateni enseriȣiioston, shenikonranirat Seȣatatekenokon.
33Tontahenron ne Tier: Saianer! ȣakatateȣeiennentaon akonhiariskonte, tokat tsi iontatennhotonkȣa, ok oni ne kenheiatne.
34Iesos tontahoȣennaȣeron, ȣahenron; Tier ȣakonrori, tsi iah taontontati ne kitkit nonȣa kenh ȣenniserate nʼiah niare asen taskatonnhiiasere tsi askienterihake.
35Nok sekon tontasakaȣenhase: othenon kenh tiseȣatoktani ne Seȣaiatoskons siiakȣatori? Tontahonȣaȣennaȣeron: iah othenon.
36Nok tontahenron; onen kati nonȣa irastst ne ronatatseraien, nok oni ne roiaraien, nok onka iah tehossaraien nassarekoȣa rotenninon ne rahotiataȣit nok enskat rassaraninon assarekoȣa.
37Aseken ȣakȣarori tsi iatekakonte oni neneh eh niiaȣensere, oni enkahnane tsini kaiaton nii kiatatake. Eh nontahonȣatate tsiniiot ne tsiakoteriȣateȣaton. Aseken oriȣiio onȣe tsi onen eh niiaȣensere tsiniiot tsi teȣatrori nii akeriȣake.
38Nok tontahonniron: Saianer! kenh ȣahi tekeni teionkȣassaraien nʼassarekoȣa. Nok tontahenron: ethoki tsinikon.
39Onen are Sahatenti onontoharake olivier niiahare, nok ȣaonȣasere ne raotiokȣa.
40Nok nonen siiaharaȣe neh nonȣe, ȣasakaȣenhase: Seȣaterennaien aiaȣens tosa aeseȣasenni ne kanikonrotakȣen.
41Isi niiore niiahare, neh nahoten nenskat iaiakohnenhionti, nok iathatonstsoten nok iahaterennaien.
42Raton: Rakeni! asathontatseke ehren askhaȣiten kehiken kastse! Tosa ki sane ii tsiniȣakenikonroten naiaȣenne, ise tanon tsini tisanikonroten!
43Nok Raronhiakeronon Karonhiake nontare ȣahonikonranirate.
44Nok ne rahonha skanorons iahrenheie onen senha tahakȣisronne tsi roterennaien; nok ȣathatarihenseronkote akȣa ȣakanahotonnion tsiniiot nʼonekȣensa.
45Tonsahatane sahaterennaientako, eh niionsare tsi thatiteren ne raotiokȣa, ionsaraȣe rotitas tsini hotinikonraksens.
46Ȣasakaȣenhase: oh niiotieren kenh seȣentas? Seȣatkestsko, nok seȣaterennaien aiaȣens tosa aeseȣasenni ne kanikonrotakȣen.
47Sekon ok nihotaratie etho ȣahonenraketote, nok neh ranenrisere ne Sitas ronȣaiastskȣe, nok Iesos ȣahoteranentakten ne tahonoronkȣanion.
48Nok ne Iesos tahenron: Sitas enskat kenh tentsenoronkȣanion tsi hentsiatenninon nonkȣe Roienha?
49Ethone onen ȣahonikonraientane tsini iaȣensere ne raiataktontie ratiterontakȣe, ȣahonniron: Saianer! enhiakhiiassaroiake kenh?
50Saiatat kati tahassarohtsiate, nok ȣahoiente nehne ratsihenstatsikoȣa rahonnhatsera, nok iahohontiakte tsi raȣeientetakon nonkȣati.
51Nok tanon ne Iesos tahatati ȣahenron: rohneronhatie sekon nonȣa. Nok sahohontoten sahotsiente oni.
52Ethone oni ne Iesos ȣasakaȣenhase ne ratitsihenstakȣeniios oni ratisennoȣanens nok oni ne rotikstenhokonha ne ronȣaienasere, ȣahenron: shoteriȣateȣaton kenh hetsiseȣaienasere tsi seȣassarenhaȣinontie nassarekoȣa oni ne kannhia?
53Niateȣenniserake sane teȣakȣekonhatieskȣe ononsatokentikoȣane nok iah teskȣaiena; onenki iakaheȣe ne seȣennisera, nok asatakonronon ahosaststensera.
54Onen ki ȣahonȣaiena nok iahonȣaiatenhaȣe, ratsihenstatsikoȣane iahonȣaiatinionte; nok ne Tier ok ihsi niiore thontare.
55Atehenrihen etho ȣahontekate nok eh ȣahontien, eh oni neneh ȣahatien ne Tier.
56Skaiatat ne kannhatsera ȣahoken tsi eh rotenhion ne Tier, niare ȣathoiatoretanion nok ethone ȣakenron: Ne noriȣiio tsi neh kehiken saniiatat.
57Ȣahatonnhiie ȣahenron: tsi sathonȣisen iah othenon tehiienteri.
58Kenh ok nahe tihaiatate sahoken, ȣahenron: nehonte ȣahi seseniiatat tohiken; tontahenron ne Tier, iah ii tehken neneh akenhake.
59Ne nahoton nenskat ȣakaȣistaheke ohnakenke tihaiatate sekon sahenron: Neh onte noriȣiio tsi ok neh saniiatat kenhiken: Kalileanronon oni ȣahi neneh.
60Sekon are tontahenron ne Tier: Tiakariȣakenniate sonkȣe! iah othenon tekeriȣaienteri tsi nahoten saton. Nok areko ok tiiehoteȣennokte nensok tontati ne kitkit.
61Nok ne Roianer tontahatkarhateni ȣathotkaneren ne Tier; nok ne Tier sareiarane tsi nithotati: ohenton naontontati ne kitkit asen nenskatonnhiiase.
62Oksaok ne Tier sahaiakenne nok ȣathasentho neh nakȣa ihken.
63Kenh kaien ne ronȣatienaȣaston ne Iesos, ok tihonȣaieronhakȣe oni ronȣakonrekhonskȣe.
64Ȣathonȣakarannhake nok ronȣakonreks, ronton: iatsienterenn onka ȣaesakonreke.
65Sekon eso ioriȣake tsinithatiieratakȣe tsi ronȣenratonnihakȣe.
66Nok tsi ȣahorhenne ethone onen ne ronaterionton ratitsihenstatsikoȣastson oni ratiiatons ȣahontkennisa, nok tsi katsienhaien niiahonȣaiatenhaȣe.
67Nok ȣahonniron: takȣarori ise ken ne Keristos. Tontasakoȣennaȣeron: nok oni nakȣarori katiken entiseȣetakȣe.
68Tsi ki niiot nakȣariȣanontonse, iahse tataontaskȣaȣennaȣeron, iah oni taonsaskȣatkaȣe.
69Iatekakonte ki nonkȣe Roienha tsi ienshenstskȣarake tsi thaȣeientetakon oni raosastenserakon ne Niio.
70Akȣekon ok tahonniron: Niio kati kenh nekenhen Iaienha? tontasakoȣennaȣeron ȣahenron: akȣa ki ȣahi ise oni neh seȣaton tsi neh rakienha.
71Tontahonniron: nahoten sekon aonseteȣariȣisaktake akȣa ȣahi nonȣa ii ionkȣathonte tsini kaȣennoten tahaȣenninekonne.
Dewis Presennol:
Luke 22: MHK
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.