John 16
16
Iaiak-aton iaȣenre teioteriȣasonterakȣen Oriȣatokenti tsini hoiaton Roiatatokenti San.
1NEH ȣaonni ȣakȣarori neh nikarihotens nene tosa aeseȣatateriȣaientaten.
2Enhietsiiatekȣate tsi ronterennaientakȣa: ienkaeȣe oni nenhietsirio, ronhnere taiakȣariȣaierite tsi nonkati ne Niio.
3Neh ȣaonni eh nenhietsiierase ne tsi iah teionkhiienterhaon ne Rakeniha, iah oni nii.
4Neh ȣaonni ȣakȣarori, nonen ienkaeȣe aonseseȣeiarane tsi kȣarori; nok iah oksaok tetkȣarori tsi tiotasaȣe neh ki tsi teȣakȣekonhatieskȣe.
5Onen tanon nonȣa eh sake tsi thenteron ne takatorion; nok iah onka tsinitsion teȣakeriȣanontonnis nakenron kahȣase?
6Ok eken tsiniiot ne ȣeseȣanikonrario tsi ȣakȣarori neh nikarihoten.
7Oriȣiiose sane tsinikȣarori: Seȣatsennonniat oni naonsakatenti. Aseken ne iah tenskatentionhe iah ki tahontare ne Sakohnikonriiosta, nok tanon nenskatenti enthiiatenniete iseke.
8Nok nonen enhraȣe, raonha ensakohnikonrasenni nonkȣeokon kariȣanerenhenne, ateriȣakȣarisiontserakon nok kaiatoretatserakon,
9Kariȣanerenhenne, ne tsi iah tethonetakȣen naksennakon.
10Ateriȣakȣarisiontserakon ne tsi Rakenineha sake, nok iah taonsaskȣakenseke,
11Kaiatoretatserakon ne tsi onen tekonȣaiatoretakȣenthon nonȣentsiakeronon konȣakoȣanen.
12Sekon eso ioriȣake ȣakeriȣaien nakȣarori; iah ki taeseȣakȣeni naeseȣaronke nonȣa.
13Nok tanon nonen enhraȣe ne Ronikonratokenton, kariȣiiotserakon enstsiseȣasharine, aseken iah tehaonhaa tsi enhatati; neh tanon enshatrori tsinikon enhoronken, nok neh oni enhtsiseȣarori tsi nenhia ȣenseronne.
14Raonha enhaksennoȣanate; aseken tenrakȣe nakaȣenk nok enhtsiseȣarori.
15Tsinikon roien ne Rakeniha, akaȣenk; nese aoriȣa ȣakiron, tenrakȣe nakaȣenk nok neh hentsiseȣarorianion.
16Akȣa niskariȣessa onen iah taonsaskȣaken; nok iah tekariȣes onakenke onen are onseskȣaken: aseken Rakenineha sake.
17Otiake ne raotiokȣa ȣahonniron: nahoten ronton tsi raton: iah teskariȣes onen iah taonsaskȣaken; nok kenh nikariȣessa ohnakenke onen are enseskȣaken: aseken Rakenineha sake.
18Rontonhakȣe kati: nahoten kenton neh nikaȣennoten: nikariȣesha? Iah teionkȣanikonraientas tsinahoten renton.
19Nok ne Iesos roterientaratsion tsi ronnere asakȣariȣanontonse, ȣasakaȣenhase: teseȣatateriȣanon-tonnionni tsi nahoten ȣakiton tsi ȣakiron: kenh nenseȣeha onen iah taonsaskȣaken: nok kenhnenȣeha onakenke onen are enseskȣaken.
20Oriȣiio akȣa oriȣiio tsi kȣarori, tsi tenseȣasenthoseron, nok entsionsenanion; nok enhiontonnharonnion nonkȣeokon: katon enseȣanikonraksenseron, nok ki tanon atonnharatsera tenstiatteni ne seȣanikonraksentsera.
21Tsiniiot ne tsiothonȣisen ioȣiraientasere, ȣattokas eso oni tsi ioronhiaken aseken onen ieiotenniseriheȣi; nok tanon nonen teiotohestston, iah othenon teseȣeiare naoronhiakensera, neok enskat tsi tsiotonnhahere tsi onen are enskat nʼonkȣe saionnakerate.
22Etho kati nonȣa oni nise niiot seȣanikonraksens; sekon ki tanon enskȣaken nok entsiseȣatonnharen, nok iah onka taonsaietsikȣa ne seȣatsennonniatsera.
23Nok ethone iah othenon taonsaskȣariȣanontonse, Oriȣiio, oriȣiio, tsi kȣarori akȣa tsi ok nahoten entsiseȣariȣanontonse ne Rakeniha nii aksennakon akȣekon entsitsion.
24Tsiniiore nonȣa, areko othenon teseȣariȣanonton naksennakon; seȣariȣanonton nok enseȣarane, naeseȣatsennonniatseriiohake.
25Tekeriȣakentonkȣa nonȣa tsi kȣarori; ienȣatenniseriheȣe tanon nonen iah tataonsakȣariȣakentonkȣenniheke tsi enkȣarori, akȣa tanon entkeriȣakȣarisiate tsi enhiiatrori ne Rakeniha.
26Ethone aksennakon enseȣariȣanonton, nok iah takiron enhineken kenh ne Rakeniha nise seȣariȣake.
27Aseken hetsiseȣanoronkȣa oni neneh ne Rakeniha, aseken takȣanonȣehon, nok tiseȣetakon tsi Niione niteȣakehnon.
28Rakenineha niteȣakehnon, onȣentsiake teȣakehnonton; nok nonȣa skatkenratane nonȣentsiake, nok Rakenineha sake.
29Tahonniron ne raotiokȣa: onen tokenske sariȣakȣarision, iah oni tesesaststa ne tekariȣakentonkȣen.
30Onen oriȣiio ȣahationni tsi oriȣakȣeko nniiesaterientare, iah oni tateiotonȣentsiohon naiesarȣainontonse; neh kati ȣaonni tionkȣetakon tsi Niione tisaientakȣen.
31Tontahenron ne Iesos, onen kenh tiseȣetakȣen?
32Onȣatsiok ienkaheȣe, onen ki oni ieiohe ne taietsiiareniate, tsiseȣaiatatson tsiniienhenseȣe, nok akonhaa ienseȣakatatenre; iah ki nehne teȣakonhaa.
33Aseken iakenikȣekon ne Rakeniha.
34Noh ȣaonni ȣakȣarori neh ne skennen aeseȣanontonnionheke nii akeriȣake, seȣanikonranonȣakhe nonkȣehne; seȣanikonranironhak tanon, kesennion nonȣentsiakekha.
Dewis Presennol:
John 16: MHK
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.