Cakirok 8
8
Gike ma mikula
1To Were poyo Nowa kodi ogwaŋe m'oyido nitie gi go i ye. Aka Were omiyo koyo to kudho i piny to pi cwiyo 2Waŋ pi ma piny gi pondeponde ocegi, aka koth ocoki 3to pi cwiyo moth ma ndelo 150. 4I ndelo mar'abirio ma dwe mar'abirio ye ocungo wi got Ararat. 5Pi omedere cwiyo tundo i dwe mar'apar. I ndelo marapena ma dwe mar'apar kisul gote oneno.
6Rumacen ma ndelo piero aŋwen Nowa oyawo dirisa 7aka odhiro agak woko. Agak k'ogiki, to omedere kiwaya thoko cuka pi othwo wok i piny. 8Kenyo Nowa odhiro akuru neno ka pi ocwiyo, 9to paka akuru k'onwaŋo kapie, ogik bonge i ye rupiri oyido fodi pi k'ocwiyo. Ameno Nowa otelo cinge to rwako go i ye. 10Nowa okuro ma ndelo abirio to kendo dhiro akuru. 11Akuru ogik bonge othieno gi boke yath manumu ma yath m'ilwoŋo ni oliv. Ameno Nowa oŋeyo ni pi oyido ocwiyo piny. 12Kenyo Nowa doko okuro ndelo abirio to doko dhiro akuru; akuru rume k'odwoko.
13Munyo Nowa jaoro 601 i ndelo marapena ma dwe marapena pi oyido othwo woko. Nowa ohalo woko gim'oumo ye to ŋiyo, aka neni wi lowo oyido othwo. 14Ka ndelo piero ario g'abirio ma dwe mar'ario piny oyido othwo.
15Kenyo Were owaco ri Nowa ni, 16“Wok woko i ye gi dhako perin, wotin kodi mon pajo. 17Wok gi winyin kodi ogwaŋe ŋey jowonywol joywore i piny.” 18Ameno Nowa owok i ye gi cege kodi wote kodi mon pajo. 19Ogwaŋe je kodi winyin jowok i ye i kitipin ma nger pajo.
Nowa miyo cowirok
20Kenyo Nowa ogeto ri Rwoth migam aka okwanyo acel kwoŋ kisi ogwaŋ gi winyo m'olony to waŋo je paka cowirok i wi migam. 21Kur ma cowirok osangala Rwoth to waco i cunye ni, “Doko akibino kwoŋo piny kwoŋbedo ji, rupiri wok i thino pajo paro pajo reco. Doko akibino reyo kisi cwec makwo paka atimo. 22Paka piny nitie, bino bedo ndir ma cwoyo gi ndir ma keco, ndir ma ŋico gi lietho, ndir ma ceŋ gi koth, odieceŋ gi wor.”
Dewis Presennol:
Cakirok 8: DHOPE
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Dhopadhola DC Bible © Bible Society of Uganda, 2018.