John 2
2
NAKATA 2
Canami inuk nulianikpaktuk
1Talva uvluk malguk nungumanik Canami Galileemiitumi inuk nulianiktuk, Jesusim angnanga taikaniituk. 2Talva Jesus maligutaillu katuhekhektunun pulaakuyauyun. 3Wainlu talva nungumata Jesusim angnangata ukallautiyaa, “Tapkua waingutaektun”. 4Jesusim kiuyaa, “Angnaga, uvaptingnun hunauva tamna? Pivikhaga tikingiman.” 5Tapfuma angnangata kivgain ukautiyain, “Humik havakupahi tuhaahiuk.” 6Taikanilu imekagvit kattain 6inguyun nappakhimayun 20-lunin 30-lunin galaulgit. Jewmiut tapkua atuinaktagaluangit uakhiyyutikhainun. 7Jesusim kivgain pitkuyain, “Imekagvit tapkua immektuglugit.” Immektuktain tamaita. 8Talva ukallautiyain, “Kallutitti agitilugit negiaktukuiyimun.” Taimaliyunlu. 9Negiaktukuiyilu imengmik wainguktitauhimayumik uktugami nakin pimangan ilihimangngitpiaktuk, kivgailli imektaktun ilihimagaluaktugaluit. Tapfumalu uikhak kaitkugamiuk, 10ukallautiyaa, “Inuit ilaa wainmik naguyumik tunipkaivaktun hivullengmik, talva inuit imekaaktillugit, imektitain mamagluangitumik. Ilvilli wain mamakiat kingulliuktitagaluatinlunin.”
11Jesus taimalivaktuk Canami Galileemiitumi hivullekpa naunaikutiminik pilihaktainakhuni, takupkakhugulu hakuginini inungnun, maligutaitalu ukpegiyaat. 12Kinguaguntauk Jesus, angnangalu katangutaillu, maligutaillu Capernaumungaktun takanani uvlivaktun ikitunik.
Jesusim inuit Angayyuvikpagyuagmiitun ihuakhaktain
(Mt. 21:12-13; Mk. 11:15-18; Lk. 19:45-46)
13Jewmiun Kangiutiviat tikilengman Jesus Jerusalemungaktuk. 14Takanani angayyuvikpagyuami tautuktain niuvgutilgit tuktukpainik, imnainiglu, tingmiagniglu, manilekhiyillu talvaniitun ikhivainakhutik. 15Jesuslu ungulauliukhuni tapkua tamaita anipkaktain imnaingillu tuktukpaillu angayyuvikpagyuagmin. Aahin manilekhiyit maningit igitpagain ikpataillu ulgutivlugit, 16ukautivlugillu niuvayit tingmiagnik, “Hapkua agitihigik aahinun Angutimalu iglua niuvavinguktitailuhiuk.” 17Maligutaitalu itkaktaat tiitigakhimangman, “Kuviakutiga iglungnun ikualaaktutun-iliyuk nungutivlunga.” 18Jewmiut kiuyaat, “Imaliukpagavin kanuk naunaikutamik takupkaktiniakkitigut?” 19Jesusim kiuyain ukakhuni, “Una Angayyuvikpagyuak ahigukiuk, uvluglu pingahuangni nappakigniagiga.” 20Talva Jewmiut ukallaktun, “Una angayyuvikpagyuak hanayauhimalekpaktuk ukiuni 46ini, ilvillu uvluni pingahuni nappatiniakkiuk?” 21Jesusimli timini ukautigiyagaluanga. 22Kinguagunlu tukungayuninlu makiktitauhimangman, maligutaita itkaktaat tamna ukakhimayaa ukpegluakhutik ukauhianik ukakhimayuniglu Jesusim.
23Talva Jesus Jerusalemiitillugu Kangiutivingugman, inuit amihut atianun ukpektun tautukhugit havaangit tapfuma. 24Jesusimli inuit ukpeguhutain ilumugluanginahugiyain ilitugigamigit tapkua pitkuhiit, 25tuhapkaktitauyumangngitkivlunin inuktigun allanin inuit umatain ilihimagamigit.
Dewis Presennol:
John 2: Sperry
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
©1972 Canadian Bible Society