Y Salmau 61

SALM LXI

Exaudi Deus.

Y mae yn dymuno ar Dduw ei achub rhag ei erlidwyr, a’i gadarnhau yn ei dyrnas, drwy addo mawl tragwyddol.

1Erglyw (o Dduw) fy llefain i,

ac ar fy ngweddi gwrando:

2Rhof lef o eitha’r ddaiar gron,

a’m calon yn llysmeirio.

Dwg fi i dollgraig uwch na mi,

ac iddi bydd i’m derbyn.

3Cans craig o obaith, twr difost,

y’m fuost rhag y gelyn.

4O fewn dy Babell y bydd byth,

fy nrigfan dilyth dedwydd:

A’m holl ymddiried a fyn fod

ynghysgod dy adenydd.

5Sef tydi Dduw clywaist yn glau,

fy addunedau puraidd:

Rhoist etifeddiaeth i bob rhai

a ofnai dy enw sanctaidd.

6Rhoi oes i’r brenin: nid oes ferr:

fo fydd fyw lawer blwyddyn.

7(Duw) gar dy fron y trig yn hir,

dod nawdd a gwir iw ganlyn.

8A thrwy y rhai’n y molaf fi

dy enw di yn dragywydd.

Ac felly peri i mi gwplau

fy addunedau beunydd.

Dewis Presennol:

Y Salmau 61: SC

Uwcholeuo

Rhanna

Copi

Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda

Adnodau Beiblaidd Poblogaidd o
Y Salmau 61