Salmo 130
130
Dasal a mangahes so sidong
1Do kaoyod ko na madispresio am machisiasi ako dimo mo Apo. 2Adngeyen mo o katanyis ko a mangahes so kasisien as katbay mo diaken. 3Ta an akmay mavidin mo a tovidan mo Apo o gatogatos namen am ara paro di kakastigoan? 4Amna mapakabo ka so gatos dawa imo o sincharan as anohdan namen a rakoh so kanib dimo.
5Nawri o pakayapoan no ichasoyot ko a omnanaya so promisa mo sa a kasidong mo diaken as no chirin mo am ichasaray ko. 6Oyod a rakoh o kapanaya ko dimo, O Dios, ta makapachikompara ava ya do kapanaya sia no asa ka gwardia o kapaysehsehdang narana.
7Inio a Israel am ichasaray nio o Dios takwan no Dios o rakoh so addaw kano kasisien as fermi a makey a manlibri. 8Librien na sa anti o atavo a tawo no Israel do atavo a gatogatos da.
Dewis Presennol:
Salmo 130: VTSP
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
© 2016, Wycliffe Bible Translators, Inc. All rights reserved.