ᒉᓂᓯᔅ 5
5
ᐋᑕᒻ ᐅᐲᐌᓰᒪᐞ ᐁᑕᔑᓱᓂᒡ
1 # Gen 1.27,28. ᒦ ᓴ ᐅᐅᐌ ᓇᑫ ᐁᔑ ᑕᔑᓱᓂᒡ ᐋᑕᒻ Adam ᐅᐲᐌᓰᒪᐞ᙮ ᐊᐲ ᓴ ᑭᔐᒪᓂᑑ ᑮᐅᔑᐋᒡ ᐯᒫᑎᓯᓂᒡ ᐁᔑᓈᑯᓯᒡ ᐃᓴ ᑰᑮ ᐃᔑᐋᐞ᙮ 2#Mat 19.4; Mrk 10.6. ᐅᑮ ᐅᔑᐋᓐ ᐃᓂᓂᐗᓐ ᑲᔦ ᐃᑴᐗᓐ ᒋᑎᓄᐎᓂᒡ᙮ ᒦᑕᔥ ᑳᐃᔑ ᔕᐌᓂᒫᒡ ᐁᑮ ᐃᔑᓂᑳᓈᒡ ᐯᒫᑎᓯᒡ᙮ 3ᐊᐲ ᓴ ᐋᑕᒻ ᓂᑯᑣᒃ ᓂᓯᒥᑕᓇ 130 ᑳᑕᓱ ᐱᐴᓉᒡ ᐅᑯᓯᓴᓐ ᑮᓂᑖᐎᑭᐗᓐ ᐁᑮ ᐃᔑᓈᑯᓯᓂᒡ ᒪᔮ ᐁᔑᓈᑯᓯᒡ᙮ ᓭᑦ Seth ᐃᓴ ᐅᑮ ᐃᔑᓂᑳᓈᓐ ᐃᓂ ᐅᑯᓯᓴᓐ᙮ 4ᑫᔮᐱ ᑕᔥ ᓂᔣᔂᒃ 800 ᑕᓱ ᐱᐴᓐ ᑮᐊᓂ ᐱᒫᑎᓯ ᐊᐲ ᑮᐃᔥᒀ ᐊᔮᐙᒡ ᐃᓂ ᐅᑯᓯᓴᓐ᙮ ᑫᔮᐱ ᓴ ᐋᓂᑕ ᐊᐱᓅᒌᔕᐞ ᐅᑮ ᐱ ᐊᔮᐙᐞ᙮ 5ᐋᑕᒻ ᓴ ᔖᑲᔂᒃ ᓂᓯᒥᑕᓇ 930 ᑮᑕᓱ ᐱᐴᓉ ᒦᔥ ᑳᐃᔑ ᐃᔥᒀ ᐱᒫᑎᓯᒡ᙮
6ᐊᐊ ᓴ ᓭᑦ ᓂᑯᑣᒃ ᓈᓇᓐ 105 ᐁᑕᓱ ᐱᐴᓉᒡ ᒦ ᓴ ᐃ ᑳᑮ ᐅᑯᓯᓯᒡ, ᐄᓈᔥ Enosh ᐁᑮ ᐃᔑᓂᑳᓈᒡ ᐃᓂ ᐅᑯᓯᓴᓐ᙮ 7ᑫᔮᐱ ᓴ ᓂᔣᔂᒃ ᓃᔣᓱ 807 ᑕᓱ ᐱᐴᓐ ᓭᑦ ᓴ ᑮᐊᓂ ᐱᒫᑎᓯ ᑳᐃᔥᒀ ᐊᔮᐙᒡ ᐃᓂ ᐅᑯᓯᓴᓐ᙮ ᑫᔮᐱ ᓴ ᐋᓂᑕ ᐊᐱᓅᒌᔕᐞ ᐅᑮ ᐱ ᐊᔮᐙᐞ᙮ 8ᓭᑦ ᓴ ᔖᑲᔂᒃ ᒥᑖᔑᓃᔑᓐ 912 ᑮᑕᓱ ᐱᐴᓉ, ᒦᔥ ᑳᐃᔑ ᐃᔥᒀ ᐱᒫᑎᓯᒡ᙮
9ᐊᐊ ᓴ ᐄᓈᔥ ᔖᑲᓯᒥᑕᓇ 90 ᐁᑕᓱ ᐱᐴᓉᒡ ᒦ ᓴ ᐃ ᑳᑮ ᐅᑯᓯᓯᒡ, ᑮᓇᓐ Kenan ᐁᑮ ᐃᔑᓂᑳᓈᒡ᙮ 10ᑫᔮᐱ ᓴ ᓂᔣᔂᒃ ᒥᑖᔑᓈᓇᓐ 815 ᑕᓱ ᐱᐴᓐ ᐄᓈᔥ ᑮᐊᓂ ᐱᒫᑎᓯ ᑳᐃᔥᒀ ᐊᔮᐙᒡ ᐃᓂ ᐅᑯᓯᓴᓐ᙮ ᑫᔮᐱ ᓴ ᐋᓂᑕ ᐊᐱᓅᒌᔕᐞ ᐅᑮ ᐱ ᐊᔮᐙᐞ᙮ 11ᐊᐊ ᓴ ᐄᓈᔥ ᔖᑲᔂᒃ ᓈᓇᓐ 905 ᑮᑕᓱ ᐱᐴᓉ, ᒦᔥ ᑳᐃᔑ ᐃᔥᒀ ᐱᒫᑎᓯᒡ᙮
12ᐊᐊ ᓴ ᑮᓇᓐ ᓃᔣᓯᒥᑕᓇ 70 ᐁᑕᓱ ᐱᐴᓉᒡ ᒦ ᓴ ᐃ ᑳᑮ ᐅᑯᓯᓯᒡ ᒪᐁᓬᐊᓬᐄᔭᓬ Mahalalel ᐁᑮ ᐃᔑᓂᑳᓈᒡ᙮ 13ᑫᔮᐱ ᓴ ᓂᔣᔂᒃ ᓃᒥᑕᓇ 840 ᑕᓱ ᐱᐴᓐ ᑮᓇᓐ ᑮᐊᓂ ᐱᒫᑎᓯ ᑳᐃᔥᒀ ᐊᔮᐙᒡ ᐃᓂ ᐅᑯᓯᓴᓐ᙮ ᑫᔮᐱ ᓴ ᐋᓂᑕ ᐊᐱᓅᒌᔕᐞ ᐅᑮ ᐱ ᐊᔮᐙᐞ᙮ 14ᐊᐊ ᓴ ᑮᓇᓐ ᔖᑲᔂᒃ ᒥᑖᓱ 910 ᑮᑕᓱ ᐱᐴᓉ, ᒦᔥ ᑳᐃᔑ ᐃᔥᒀ ᐱᒫᑎᓯᒡ᙮
15ᐊᐊ ᓴ ᒪᐁᓬᐊᓬᐄᔭᓬ ᓂᑯᑣᓯᒥᑕᓇᔑᓈᓇᓐ 65 ᐁᑕᓱ ᐱᐴᓉᒡ, ᒦ ᓴ ᐃ ᑳᑮ ᐅᑯᓯᓯᒡ, ᒉᕒᐁᑦ Jared ᐁᑮ ᐃᔑᓂᑳᓈᒡ᙮ 16ᑫᔮᐱ ᓴ ᓂᔣᔂᒃ ᓂᓯᒥᑕᓇ 830 ᑕᓱ ᐱᐴᓐ ᒪᐁᓬᐊᓬᐄᔭᓬ ᑮᐊᓂ ᐱᒫᑎᓯ ᑳᐃᔥᒀ ᐊᔮᐙᒡ ᐃᓂ ᐅᑯᓯᓴᓐ᙮ ᑫᔮᐱ ᓴ ᐋᓂᑕ ᐊᐱᓅᒌᔕᐞ ᐅᑮ ᐱ ᐊᔮᐙᐞ᙮ 17ᐊᐊ ᓴ ᒪᐁᓬᐊᓬᐄᔭᓬ ᓂᔣᔂᒃ ᔖᑲᓯᒥᑕᓇᔑᓈᓇᓐ 895 ᑮᑕᓱ ᐱᐴᓉ, ᒦᔥ ᑳᐃᔑ ᐃᔥᒀ ᐱᒫᑎᓯᒡ᙮
18ᐊᐊ ᓴ ᒉᕒᐁᑦ ᓂᑯᑣᒃ ᓂᑯᑣᓯᒥᑕᓇᔑᓃᔑᓐ 162 ᐁᑕᓱ ᐱᐴᓉᒡ, ᒦ ᓴ ᐃ ᑳᑮ ᐅᑯᓯᓯᒡ, ᐄᓈᒃ Enoch ᐁᑮ ᐃᔑᓂᑳᓈᒡ᙮ 19ᑫᔮᐱ ᓴ ᓂᔣᔂᒃ 800 ᑕᓱ ᐱᐴᓐ ᒉᕒᐁᑦ ᑮᐊᓂ ᐱᒫᑎᓯ ᑳᐃᔥᒀ ᐊᔮᐙᒡ ᐃᓂ ᐅᑯᓯᓴᓐ᙮ ᑫᔮᐱ ᓴ ᐋᓂᑕ ᐊᐱᓅᒌᔕᐞ ᐅᑮ ᐱ ᐊᔮᐙᐞ᙮ 20ᐊᐊ ᓴ ᒉᕒᐁᑦ ᔖᑲᔂᒃ ᓂᑯᑣᓯᒥᑕᓇᔑᓃᔑᓐ 962 ᑮᑕᓱ ᐱᐴᓉ, ᒦᔥ ᑳᐃᔑ ᐃᔥᒀ ᐱᒫᑎᓯᒡ᙮
21ᐊᐊ ᓴ ᐄᓈᒃ ᓂᑯᑣᓯᒥᑕᓇᔑᓈᓇᓐ 65 ᐁᑕᓱ ᐱᐴᓉᒡ, ᒦ ᓴ ᐃ ᑳᑮ ᐅᑯᓯᓯᒡ ᒦᑑᓴᓬᐊ Methuselah ᐁᑮ ᐃᔑᓂᑳᓈᒡ᙮ 22ᐊᐲ ᓴ ᑳᐃᔥᒀ ᐊᔮᐙᒡ ᐃᓂ ᐅᑯᓯᓴᓐ, ᐄᓈᒃ ᓴ ᑾᔭᒃ ᑫᔮᐱ ᐅᑮ ᐊᓂ ᐐᒌᐙᓐ ᑭᔐᒪᓂᑑᓐ ᓃᔣᒃ 300 ᑕᓱ ᐱᐴᓐ ᒥᓂᒃ᙮ ᑫᔮᐱ ᓴ ᐋᓂᑕ ᐊᐱᓅᒌᔕᐞ ᐅᑮ ᐱ ᐊᔮᐙᐞ᙮ 23ᐄᓈᒃ ᓴ ᓃᔣᒃ ᓂᑯᑣᓯᒥᑕᓇᔑᓈᓇᓐ 365 ᒫᒪᐤ ᑮᑕᓱ ᐱᐴᓉ᙮ 24#Heb 11.5; Jud 14. ᐄᓈᒃ ᓴ ᑾᔭᒃ ᐅᑮ ᐐᒌᐙᓐ ᑭᔐᒪᓂᑑᓐ, ᐁᔥᒀᒡ ᐃᑕᔥ ᐃᑯ ᑳᐐᓐ ᑮᐅᒋ ᑭᑫᑖᑯᓯᓰ, ᐋᓃᔥ ᑭᔐᒪᓂᑑᓐ ᐅᑮ ᒫᒌᓂᑰᓐ᙮
25ᐊᐊ ᓴ ᒦᑑᓴᓬᐊ ᓂᑯᑣᒃ ᓂᔣᓯᒥᑕᓇᔑᓃᔣᓱ 187 ᐁᑕᓱ ᐱᐴᓉᒡ ᒦ ᓴ ᐃ ᑳᑮ ᐅᑯᓯᓯᒡ, ᓬᐁᒣᒃ ᐁᑮ ᐃᔑᓂᑳᓈᒡ᙮ 26ᑫᔮᐱ ᓴ ᓃᔣᔂᒃ ᓂᔣᓯᒥᑕᓇᔑᓃᔑᓐ 782 ᑕᓱ ᐱᐴᓐ ᒦᑑᓴᓬᐊ ᑮᐊᓂ ᐱᒫᑎᓯ ᑳᐃᔥᒀ ᐊᔮᐙᒡ ᐃᓂ ᐅᑯᓯᓴᓐ᙮ ᑫᔮᐱ ᓴ ᐋᓂᑕ ᐊᐱᓅᒌᔕᐞ ᐅᑮ ᐱ ᐊᔮᐙᐞ᙮ 27ᐊᐊ ᓴ ᒦᑑᓴᓬᐊ ᔖᑲᔂᒃ ᓂᑯᑣᓯᒥᑕᓇᔑᔖᑲᓱ 969 ᑮᑕᓱ ᐱᐴᓉ, ᒦᔥ ᑳᐃᔑ ᐃᔥᒀ ᐱᒫᑎᓯᒡ᙮
28ᐊᐊ ᓴ ᓬᐁᒣᒃ ᓂᑯᑣᒃ ᓂᔣᓯᒥᑕᓇᔑᓃᔑᓐ 182 ᐁᑕᓱ ᐱᐴᓉᒡ, ᒦ ᐃ ᑳᑮ ᐅᑯᓯᓯᒡ᙮ 29ᓅᐗ Noah ᓴ ᐅᑮ ᐃᔑᓂᑳᓈᓐ ᐃᓂ ᐅᑯᓯᓴᓐ᙮ ᒦᔥ ᐅᐅ ᑳᐃᑭᑐᒡ, ᐃᐃᐌᓂ ᓴ ᑭᔐᒪᓂᑑ ᐊᑮᓂ ᑳᑮ ᒪᒐᑭᑕᕽ ᐅᒋ, ᒦ ᓴ ᐗᐊ ᐊᐱᓅᒌᔥ ᑫᐅᒋ ᒥᓉᑕᒫᕽ ᐅᐅ ᑳᔑ ᑭᒋ ᐊᓄᑮᔮᕽ᙮ 30ᑫᔮᐱ ᓴ ᓬᐁᒣᒃ ᓈᓍᒃ ᔖᑲᓯᒥᑕᓇᔑᓈᓇᓐ 595 ᑕᓱ ᐱᐴᓐ ᑮᐊᓂ ᐱᒫᑎᓯ ᑳᐃᔥᒀ ᓂᑖᐎᑭᓂᒡ ᓅᐗᐗᓐ᙮ ᑫᔮᐱ ᓴ ᐋᓂᑕ ᐊᐱᓅᒌᔕᐞ ᐅᑮ ᐱ ᐊᔮᐙᐞ᙮ 31ᐊᐊ ᓴ ᓬᐁᒣᒃ ᓃᔣᔂᒃ ᓃᔣᓯᒥᑕᓇᔑᓃᔣᓱ 777 ᑮᑕᓱ ᐱᐴᓉ, ᒦᔥ ᑳᐃᔑ ᐃᔥᒀ ᐱᒫᑎᓯᒡ᙮
32ᐊᐲ ᓴ ᓅᐗ ᓈᓍᒃ 500 ᐁᑕᓱ ᐱᐴᓉᒡ, ᒦ ᐃ ᑳᑮ ᐊᓂ ᐅᑯᓯᓯᒡ᙮ ᒦᔥ ᐅᐅ ᑳᐊᔨᔑᓂᑳᓱᓂᒡ: ᔐᒻ Shem, ᐁᒻ Ham ᑲᔦ ᒉᐸᑦ Japheth᙮
Dewis Presennol:
ᒉᓂᓯᔅ 5: OJBS
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Ojibwe Shorter Bible (Syllabic Script) © 2008 Canadian Bible Society