ᒉᓂᓯᔅ 13
13
ᐁᐸᕒᐊᒻ, ᐊᐊ ᑲᔦ ᓬᐋᑦ ᑮᐸᑫᐎᓂᑎᐙᒡ
1ᐁᐸᕒᐊᒻ Abram ᑕᔥ ᐄᒋᐸᑮᕽ ᑮᐅᒋ ᒫᒑᒡ ᓀᑫᑉ Negev ᐊᑮᕽ ᑮᐃᔖ, ᐐᐗᓐ ᐁᑮ ᐐᒌᐙᒡ᙮ ᑲᑭᓇ ᑲᔦ ᐅᑕᔭᐄᒪᓐ ᐅᑮ ᒫᒌᑑᓇᓐ᙮ ᓬᐋᑕᓐ Lot ᑕᔥ ᑲᔦ ᐅᑮ ᐐᒌᐎᑰᓐ᙮ 2ᐁᐸᕒᐊᒻ ᐐᑫ ᑮᐌᓅᑎᓯ ᓃᐱᐗᐞ ᐁᑮ ᐊᔮᐙᒡ ᐊᐗᑳᓇᐞ, ᐙᐹᐱᑯ ᔔᓂᔮᓐ, ᐅᓵᐎ ᔔᓂᔮᓐ ᑲᔦ᙮ 3ᑮᐊᓂ ᐱᒥᐊᔮ ᑕᔥ ᐃᐃᒫ ᓀᑫᑉ ᐁᒋᑳᑌᓂᒃ ᐲᓂᔥ ᐁᑮ ᐊᓂ ᑕᑯᔑᕽ ᐯᑕᓬ Bethel ᑳᐃᒋᑳᑌᓂᒃ᙮ ᑮᐊᓂ ᑕᑯᔑᓐ ᑕᔥ ᓇᓴᐗᔭᐄ ᐁᔑᐊᔮᓂᒃ ᐆᑌᓇᐗᓐ ᐯᑕᓬ, ᐁᐋᐃ Ai ᑲᔦ ᑳᑮ ᐃᔑᐊᔮᓂᑭᓐ, ᑳᑮ ᐃᔑ ᑲᐯᔑᑯᐸᓀᓐ ᐅᑖᓈᕽ᙮ 4ᒦ ᓴ ᐃᐌ ᑳᑮ ᐃᔑ ᐅᓈᐱᑭᓂᑫᑯᐸᓀᓐ#13.4 ᐅᓈᐱᑭᓂᑲᓐ: ᒦ ᓴ ᐃᐌ ᑳᑮ ᐋᐸᒋᐋᐙᒡ ᐊᓯᓃᐞ ᐁᐅᔑᑑᐙᒡ ᑫᔑ ᐸᑭᑎᓈᓱᐙᒡ᙮ ᓂᑕᒻ; ᒦᑕᔥ ᐃᐃᒫ ᐁᐸᕒᐊᒻ ᑳᑮ ᐃᔑ ᐊᓇᒥᐁᑕᐙᒡ ᑳᑎᐯᒋᑫᓂᒡ ᐅᑎᔑᓂᑳᓱᐎᓂᓃᕽ᙮
5ᓬᐋᑕᓐ Lot ᑕᔥ ᑳᑮ ᐐᒌᐎᑯᒡ ᐁᐸᕒᐊᒻ ᐅᑮ ᐊᔮᐙᓂ ᒫᓇᒑᓂᔕᐞ, ᒫᓇᑎᑾᐞ, ᐱᔑᑭᐗᐞ ᑲᔦ᙮ ᐐᑫ ᑕᔥ ᐃᑯ ᑲᔦ ᑮᐹᑏᓄᐗᐞ ᐁᑕᔑᓂᒡ ᑳᑮ ᐐᒌᐎᑯᓂᒡ᙮ 6ᑳᐐᓐ ᑕᔥ ᑮᑌᐱᓭᓯᓂᓂ ᐃᐃ ᐊᑭ ᐃᐃᒫ ᑳᑮ ᐃᔑᐊᔮᐙᒡ ᒋᑮ ᒫᒪᐎ ᐊᔮᐙᐸᓐ ᐋᓃᔥ ᐅᓵᒻ ᐅᑮ ᐹᑏᓄᐋᐙᐞ ᐊᐗᑳᓇᐞ᙮ 7ᐁᐸᕒᐊᒻ ᑕᔥ ᐅᑕᓄᑮᐋᑲᓇᐞ ᑳᑲᓇᐌᓂᒫᓂᒡ ᐅᑕᔭᐋᐎᔒᒪᐞ, ᓬᐋᑦ ᑲᔦ ᐅᑕᓄᑮᐋᑲᓇᐞ ᑮᐊᓂ ᒫᔑ ᐐᒌᑎᐗᐞ᙮ ᐯᒫᑎᓯᓂᒡ ᑫᓇᓐ Canaan ᐊᑮᕽ ᑳᑮ ᐅᒌᓂᒡ ᐃᐃ ᑲᔦ ᐯᒫᑎᓯᓂᒡ ᐯᕒᐃᓰ Perizzites ᑳᑮᐃᓂᒥᓐᒡ ᑫᐐᓇᐙ ᑮᐊᔮᐗᐞ ᐃᐃᒫ ᐊᑮᕽ᙮
8ᐁᐸᕒᐊᒻ ᑕᔥ ᐅᑮᐃᓈᓐ ᓬᐋᑕᓐ, ᑕᑲ ᓴ ᓈ ᑳᐐᓐ ᑭᑲ ᒫᔑ ᐐᒌᑎᓰᒥᓐ, ᐃᑭ ᑲᔦ ᑭᑎᓂᓃᒥᓈᓂᒃ ᑳᑲᓇᐌᓂᒫᐙᒡ ᐊᐗᑳᓇᐞ, ᑭᑎᓇᐌᑎᒥᓐ ᐄᑐᒃ᙮ 9ᐃᓇᔥᑫ ᓈ ᐁᐲᒋ ᒥᒑᒃ ᐊᑭ ᑳᐙᐸᑕᒪᓐ, ᑕᑲ ᐸᑫᐎᓂᑎᑖ᙮ ᑮᔥᐱᓐ ᐅᓇᒪᑎᓂᑭᒫᕽ ᐃᓇᑫ ᐃᔖᔭᓐ, ᐅᑭᒋᓂᑭᒫᕽ ᐃᑕᔥ ᓃᓐ ᐃᓇᑫ ᓂᑲᔑ ᒫᒑ; ᑮᔥᐱᓐ ᑕᔥ ᐐᓐ ᐅᑭᒋᓂᑭᒫᕽ ᐃᓇᑫ ᐃᔖᔭᓐ, ᐅᓇᒪᑎᓂᑭᒫᕽ ᐃᑕᔥ ᐃᓇᑫ ᓂᑲᔑ ᒫᒑ, ᑮᐃᑭᑐ᙮
10 # Gen 2.10. ᓬᐋᑦ Lot ᑕᔥ ᑮᐊᔨᓈᐱ᙮ ᐅᑮ ᐙᐸᑖᓐ ᑕᔥ ᒞᕒᑕᓐ Jordan ᑳᔑ ᐸᓴᑎᓈᓂᒃ ᐃᓇᑫ ᐁᐹᑏᓇᑎᓂᓂᒃ ᓂᐲᓂ ᐲᓂᔥ ᐌᑎ ᑭᒋ ᐆᑌᓇ ᔂᕒ Zoar ᐁᒋᑳᑌᓂᒃ, ᐁᑮ ᐃᔑᓈᑾᓂᓂᒃ ᑖᐱᔥᑰ ᑳᑎᐯᒋᑫᒡ ᐅᑭᑎᑳᓐ ᒪᔮ ᑲᔦ ᐄᒋᐸᑮᕽ Egypt ᑳᐃᔑᓈᑾᓂᓂᒃ᙮ ᑳᐐᓐ ᐄᑐᒃ ᑳᑎᐯᒋᑫᒡ ᒪᔑ ᐃᐃ ᐊᐲ ᐅᑮ ᓂᔑᐗᓈᒋᑑᓰᓇᓐ ᐆᑌᓇᐗᓐ ᔂᑕᒻ Sodom, ᑲᒸᕒᐊ Gomorrah ᑲᔦ᙮ 11ᓬᐋᑦ ᑕᔥ ᐅᑮ ᐅᓈᐸᑖᓐ ᐁᐐ ᐊᔮᒡ ᑲᑭᓇ ᒞᕒᑕᓐ ᑳᔑ ᐸᓴᑎᓈᓂᒃ᙮ ᐙᐸᓄᕽ ᑕᔥ ᐃᓇᑫ ᑮᐃᔑ ᒫᒑ᙮ ᒦᑕᔥ ᐃᐃ ᓇᑫ ᑳᐃᔑ ᐸᑫᐎᓂᑎᐙᒡ᙮ 12ᐁᐸᕒᐊᒻ Abram ᑕᔥ ᐐᓐ ᑫᓇᓐ ᐊᑮᕽ ᑮᐃᔑ ᑲᐯᔑ᙮ ᓬᐋᑦ ᑕᔥ ᐐᓐ ᑳᔑ ᐸᓴᑎᓈᓂᒃ ᐁᔑ ᐆᑌᓇᐗᓂᓂᒃ ᑮᐃᔑ ᑲᐯᔑ᙮ ᐯᔓ ᑕᔥ ᐁᔑᐊᔮᓂᒃ ᔂᑕᒻ ᑮᐃᔑ ᑲᐯᔑ᙮ 13ᐯᒫᑎᓯᓂᒡ ᐃᑕᔥ ᐃᐃᒫ ᑳᑮ ᐊᔮᓂᒡ ᐐᑫ ᑮᒪᒋᐃᔑᐌᐱᓯᐗᐞ, ᐅᑮ ᒪᒋᑑᑕᐙᓂ ᑲᔦ ᑳᑎᐯᒋᑫᓂᒡ᙮
ᐁᐸᕒᐊᒻ ᑮᐃᔑᑯᓯᒡ ᐄᐸᕒᐊᓐ
14ᓬᐋᑕᓐ Lot ᑕᔥ ᑳᐃᔥᒀ ᓇᑲᓂᑯᒡ, ᑳᑎᐯᒋᑫᓂᒡ ᐁᐸᕒᐊᒻ Abram ᐅᑮᐃᑰᓐ, ᐃᐃᒫ ᓴ ᑳᔑ ᓃᐸᐎᔭᓐ ᑮᐌᑎᓄᕽ ᐃᓇᑫ ᐃᓈᐱᓐ, ᔖᐗᓄᕽ ᑲᔦ, ᐙᐸᓄᕽ ᐃᓇᑫ, ᓂᑳᐲᐊᓄᕽ ᑲᔦ ᐃᓇᑫ᙮ 15#Act 7.5. ᑲᑭᓇ ᐃᐃ ᐊᑭ ᑳᐙᐸᑕᒪᓐ, ᒦ ᐃᐌ ᑳᓀᐱᒋ ᒦᓂᓈᓐ, ᐃᑭ ᑲᔦ ᑫᓂ ᐅᐲᐌᓰᒥᔭᓐ᙮ 16ᓂᑲ ᐃᔑᐋᒃ ᓴ ᑭᐲᐌᓰᒪᒃ ᒋᐊᐲᒋ ᐹᑏᓄᐙᒡ ᑖᐱᔥᑰ ᑳᐹᔥᑭᓀᓭᒃ ᐅᐅᒫ ᐊᑮᕽ; ᑮᔥᐱᓐ ᑕᔥ ᐊᐎᔭ ᑲᔥᑭᑑᐸᓐ ᒋᐊᑭᑕᕽ ᑳᐹᔥᑭᓀᓭᓂᒃ, ᒦ ᐄᓴᓐ ᒋᑲᔥᑭᐃᑣᐸᓐ ᑭᐲᐌᓰᒪᒃ ᒋᐊᑭᒥᑣᐸᓐ᙮ 17ᒫᒑᓐ ᑕᔥ, ᐱᒧᓵᑕᓐ ᐁᒀᒃ, ᐁᓂᑯᑾᑌᔮᒃ ᑲᔦ ᐃᐃ ᐊᑭ, ᐋᓃᔥ ᑮᓐ ᒦ ᐃᐌ ᑳᒦᓂᓈᓐ, ᐅᑮᐃᑰᓐ᙮ 18ᐁᐸᕒᐊᒻ ᑕᔥ ᑮᐋᒋ ᑲᐯᔑ ᐁᑮ ᐃᔑ ᑯᓯᒡ ᐁᔑᐊᔮᓂᒡ ᑫᑌᑖᑯᓯᓂᒡ ᐌᑎ ᐆᒃ ᑎᓄᐙᑎᑰᐞ ᐁᔮᐎᓂᕽ ᒪᒻᕒᐃ Mamre ᐁᒋᑳᑌᓂᒃ, ᐆᑌᓈᕽ ᐄᐸᕒᐊᓂᒃ Hebron᙮ ᒦᑕᔥ ᐌᑎ ᑳᐃᔑ ᐅᓈᐱᑭᓇᒪᐙᒡ ᑳᑎᐯᒋᑫᓂᒡ᙮
Dewis Presennol:
ᒉᓂᓯᔅ 13: OJBS
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Ojibwe Shorter Bible (Syllabic Script) © 2008 Canadian Bible Society