ROM 10
10
1Keoniorübo, I mulongnü akünkhi tüsho Thrünpuh ki arü thsungkheak I tamkhüntamnü ju arü khümkhitpü lah. 2Arünü Thrünpuh thsungkheak mulong jihlah de inü thiyumütsan thsükhuklah, tüshe arünü thiyuro mükheahmudu kheak müningkih. 3Tümütüsho arünü Thrünpuh kilimnü arükhi thiyuro-lungki mümükheahde arü küdahnü arhimopü yim, jumonü arünü Thrünpuh thiyuro-lungki lim mümükhüm. 4Akin larü aban alim mütsanpü thsüde Khrista ju yakzan akheam ah.
Akhümkhit ju Alala thsungkheak
5Mihtsürü shepünü yakzan kheak ningkihkhi thiyuro-lungki rhimochonü junü rhangdung labah de Mosanü thrüt. 6Tüshe akin kheak ningkihkhi thiyuro-lungkinü, “Shepü yinmi ching yükihba?” (ju, Khrista bekhipü) de nüsa mulong ching dütha de thachoh. 7Yungsho, “Shepü alomi khüp yüzahba?” (ju, ashe chingnü Khrista bekhitpü) de dükeo. 8Tüshe hanü tümü thacho? Thiyu ju nü thüninde, nü münküp kheak tüsho nü mulong ching lah (ju, isanü thsangyuthsangrakhi akin yu); 9tümütüsho Jisu ju Atungpuh de nü münküpnü alokhisho tüsho ashe chingnü Thrünpuhnü api bemusukheah de nü mulong ching kinsho nü akhümkhitbah. 10Tümüde mihtsürünü api mulongnü kinchoh, junangde alim mütsando tüsho api münküpnü alokhichoh tüsho api khümkhit. 11Amüsühyunü thachoh, “Api kheak kinrü sheshe achih müngüshih.” 12Tümüde Jihudarübo le Greekrü dükeak achamnak müla; ju Atungpuh alala Tungpuh tüsho api mung jirü alala kilim api lakhitbo jihchoh. 13Tümütüsho, “Atungpuh mung jirü aban akhümkhitbah.”
14Tüshe arünü mükinkhi ki mihtsürübonü küde ajiba? Tüsho arünü küyimkishe musobuh ki küde akinba? Tüsho thsangyuthsangrarü mülade arünü küde asoba? 15Tüsho arü thiyia mülasho mihtsürübonü küde thsah thsangyuthsangraba? Ha thrüta lah, “Thiyusheak atsü thsangyuthsangrarü jing küdükhüh she akhamla!” 16Tüshe arü alalanü a thiyusheak-atsü müleangkhi; tümüde Isaianü tha, “Atungpuh, isa kheaknü asokhi shepünü akinkhea?” 17Junangde akin ju asokhi chingnü arüchoh, tüsho Khrista dünkheak thsangyuthsangrakhi chingnü asokhi arüchoh. 18Tüshe inü keokhi: Arünü muso de? Jua am,
“Arü düsheak alomi alala ching,
tüsho arü yubo alomiküp akheambo ching yüdo.”
19Kheaküshe inü keokhi: Israelnü manikhit de? Akhuhde Mosanü thachoh,
“Trükshih müthsükhi khülangnü inü nüsa mükthsüde akamshihbah;
makha trükshih khülangnü inü nüsa bukakhiukshihbah.”
20Tüsho Isaianü mulong tode thachoh,
“I müyimrünü I ngü;
I dünkheak mükeokhirü ki inü I huh.”
21Tüshe Israel dünkheak apinü thachoh, “Mihyumanirü tüsho azhih mihtsürü kilim inü nimung amuyung I khah chungkih.”
Dewis Presennol:
ROM 10: YIMCBSI
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.