Adnodau Beiblaidd Poblogaidd o Luke 23

Rhanna

Boiyesuq loeqkhaw oe pawu woe, yaqhniq haqloeq án sai khoeq hmoti ya uk klongoeng a'plaet hloeq haq ba hmeboei taeng a'hau. Yaqhniq loeq Boi wawt haqkhoeq a'mluq yuqi uk loeq án phaiqi.

Boi loeqkhaw, nanga keiloeq a'hmon ka'mhauwai Nang khoeq tohnupa kei hui tu Paratituqboenga na'moeiq yai taeng a'hau.

Yaqkiyoeng Boiyesuq oe, Boipaw khomcaenga Boi na'phaw nak loeq keiya sa'diq a'mlaq hma'boei taeng a'hau.

Yaqkhowa Boiyesuq khaw a'thai bau woeng mpoq loeqteq, oe pawu Boi yoe, kei muikhlaw khoeq Boipaw kuta ka'mawp taeng a'hau. Yaqkha a'hau kiloeq a'sauk a'soq toeq.

A'lukong dun taeng an hau khoeq an phaw loeq yaqhniq loeq Boiya kutphaw toenga taung uk loeqteq khlaungsei hoeiq poemhneiq a khaw sa'tong pa'toeng poemak saet pa'toeng poemak kutphaw toenga an taung.

Yaq khing khoeq a'hnup dingdaw a'phlaet. Yaq ta'koeiq khoeq khokaeng nayithum phawong somdaek blaiq kho a'hyung poeiq. Kha'ni klok loeqteq Boipawa wotpyuq dun kyonga ka'laga khoeq a'laiyoeng boenghneiqa a'boyi toeq.

Yaqkha a'phlaet khoeqhaq a'hmuq saw taphmu loeq Boipaw Phumthaung hmlokthaq loeqteq, nei khlaung khoeq khlaungpawi a'sikcangnoesa taeng a'hau.