Adnodau Beiblaidd Poblogaidd o SAN MATEO 10

Rhanna

«Reꞌ hat-tak reꞌ cꞌahchiꞌca̱t nitakꞌa̱b tak je ar reꞌ wilic wi̱ꞌ yohbal jeꞌ ricab naquiꞌo̱j chi behic take cu̱cꞌ me̱ꞌ reꞌ wilque̱b wi̱ꞌ take joskꞌ laj qꞌuiche̱ꞌ tzꞌiꞌ, chabiraj tak i nanikꞌorom aweh tak wili: Xa icꞌlic ok woꞌ ana̱ tak jeꞌ ricab ncaꞌn take a̱kꞌ eh xa chꞌublic ok woꞌ awach tak jeꞌ ricab take rexba̱.

Tzꞌa̱b ruꞌ take cꞌacharel reꞌ xa suk wach cꞌacharic nca̱j quirakam pan quicꞌacharic ruꞌum chi maꞌ nca̱j ta quicꞌulum i tiꞌcꞌaxic ruꞌum reh nitahkaljic, reꞌ take reꞌ maꞌ eta nyeꞌeric queh ruꞌum i Dios chi enquehchaj i junelic cꞌacharic, raj nchel i maꞌ rikꞌor ta bihnal ricꞌuluric i tiꞌcꞌaxic nchalic china̱ ruꞌum reh nitahkaljic, reꞌreꞌ narehcham i junelic cꞌacharic.

Jeꞌ woꞌ chic, maꞌ tiyoꞌjic woꞌ tak chi rikꞌormojic niCꞌuhbal chi quiwach take nimak quiwach. Jeꞌ reꞌ nikꞌor maj reꞌ take reꞌ xa reꞌ woꞌ ti acansjic encaꞌn canar. Haj cok wilic i chayohbalej tak wach chi coric chi quiwach take cꞌacharel, reꞌ Dios maj reꞌ cok reꞌ wi xacana̱ꞌ tak rikꞌormojic niCꞌuhbal, til wilic rajawric maꞌ xa ta reꞌ chi resmejic acꞌacharic tak jeꞌ laꞌ woꞌ chi atakꞌabjic tak pan cꞌulbal reh tiꞌcꞌaxic.

Jeꞌ woꞌ, maꞌ ricꞌul ta woꞌ chi enoquic chi waj tahkanel i cꞌacharel reꞌ maꞌ ra̱j ta qui̱n ritahkem pan tiꞌcꞌaxic jeꞌ ricab ricꞌuluric tiꞌcꞌaxic riban jenoꞌ cꞌacharel reꞌ chi chꞌuku̱j chic ri̱j riquimic, ntoljic chi ricꞌamaric je ricuru̱s reꞌ naricansjic wi̱ꞌ.

chi rikꞌormojic chi hat-tak aj niminel wi̱n maj xa hab wach jenoꞌ aweh tak maꞌxta ripoyom wach chi quiwach i tinamit chi rikꞌormojic chi reꞌreꞌ waj tahkanel, reꞌ hin nanikꞌorom woꞌ chiwach i wAja̱w ar pan taxa̱j chi reꞌreꞌ til manlic waj tahkanel. Tzꞌa̱b ruꞌ, wi jenoꞌ aweh tak xipoy wach chi quiwach i tinamit chi waj tahkanel, reꞌ hin nanikꞌorom woꞌ chiwach i wAja̱w ar pan taxa̱j chi til maꞌ reꞌ ta soꞌ waj tahkanel.

Jeꞌ woꞌ, nikꞌor aweh tak chi ma̱pahkaj tak ritzꞌakil i na̱banam tak ruꞌum nok maꞌ reꞌ ta ru̱cꞌ tumi̱n xniyew aweh tak i wajawric chi na̱banam woꞌ tak take wili: Reꞌ quicꞌaꞌchsjic take camnak, reꞌ quesmejic lok take maꞌ tob laj uxlabal reꞌ quichopbic na̱ take cꞌacharel eh jeꞌ woꞌ reꞌ resmejic lok quiyaꞌbilal take xilim qui̱j chꞌi̱l xa paꞌ chic jaric yaꞌbilal wilic queh toco̱m chic yowaꞌi̱b.

Jeꞌ reꞌ ajic reꞌ Dios til rehtꞌalim chi reꞌ hat-tak kꞌe̱ꞌ woꞌ chic nawa̱j tak ilmijic chi quiwach take cucꞌ tzꞌiquin. Ruꞌum aj reꞌ nikꞌor aweh tak chi maꞌ tiyoꞌjic tak

«Reꞌ hat-tak, nacapaj na tak chi ru̱cꞌ nicꞌulic lok i hin, naribanam chi chiꞌnchel take tinamit xa pan sukquil cꞌuxlis chic naquicꞌacharic? Maꞌxta, ma̱capaj tak chi jeꞌ reꞌ. Chawehtꞌalij laꞌ tak chi ruꞌum reh nicꞌulic lok i hin, reꞌ take naquiniminic wi̱n maꞌ xa suk ta chic cꞌacharic nacaꞌnam ruꞌum narixowjic quiwach cuꞌum take maꞌ quiniminic ta wi̱n.