Adnodau Beiblaidd Poblogaidd o Diarhebion 11

Rhanna

Llwydda'r un a wasgar fendithion, a diwellir yr un a ddiwalla eraill.

Y mae un yn hael, ac eto'n ennill cyfoeth, ond arall yn grintach, a phob amser mewn angen.

Yn dilyn balchder fe ddaw amarch, ond gyda'r rhai gwylaidd y mae doethineb.

Heb ei chyfarwyddo, methu a wna cenedl, ond y mae diogelwch mewn llawer o gynghorwyr.

Ffrwyth cyfiawnder yw pren y bywyd, ond y mae trais yn difa bywydau.

Y mae'r straegar yn bradychu cyfrinach, ond y mae'r teyrngar yn ei chadw.

Dwyn elw iddo'i hun y mae'r trugarog, ond ei niweidio'i hun y mae'r creulon.

Cwympa'r un sy'n ymddiried yn ei gyfoeth, ond ffynna'r cyfiawn fel deilen werdd.

Nid oes gwerth mewn cyfoeth yn nydd dicter, ond y mae cyfiawnder yn amddiffyn rhag angau.

Y mae eu gonestrwydd yn arwain yr uniawn, ond eu gwyrni eu hunain yn difa'r twyllwyr.

Fel modrwy aur yn nhrwyn hwch, felly y mae gwraig brydferth heb synnwyr.

Y mae cloriannau twyllodrus yn ffiaidd gan yr ARGLWYDD, ond pwysau cywir wrth ei fodd.