Adnodau Beiblaidd Poblogaidd o Jean 15

Rhanna

Me te môkuba agéétété. Anye te mitabé. Muetso andé môvo n’ami na me nandé môvo n’ahngô abôta miônda miyekani. Me gébé n’anyô nôsoongôa éénda ta n’ebégô évo.

Bakani môvo n’ami na me nangaba môvo n’anyô. Mônongovo gandé môtabé agéétété mbe ôsaba gô môkuba agéétété mbe ôsabôta miônda. Mônongovo gandé anye dôta mbe nôsaba môvo n’ami mbe nôsangoongôa éénda mane manyôngéô me.

Okô nôndé môvo n’ami, na mabégô mami mandé gô mitéma mianyô, dukani éne ényôngéô anye, n’anye nôngeetsô éangô.

Kaka anye nômasevoa me. Ivô me namanôsevoa na namanôtôma gôékea gôéyanza. Gabôta géétété miônda miedi miamisôba, mônongovo miônda mianyô miamisôba te gôéénda mane manyôngéô me. Na mane mangeendanye mangaba madingani. Vane Téta Nzambé anganôétsa éne édukanye gô inami.

Enyônganéô éôtéa metso, te mbe môma eetsee monyoe wedi gôéwa gôndé môkedi.

Mitabémie mietso miami mine misabôta miônda, Kumu amiwanga. Na mitabémie mietso mibôta miônda akeeda miangô gômbe mingabôta miônda ga kaka miagétabé.

Nôeni éne énôtôma me. Nyônganéôni anyene n’anyene mônongovo gamanyôngéô me anye.

Okô anye nôbôti miônda miyekani miangô te ésimee éamisôba, nôngamenyanganô mbe aneengi aJésus. Na Téta Nzambé angakumédu.

Me te môkuba apie agéétété gétetu mbe ôvigne. Téta Nzambé te Kumu agéététége.

Okô môma asaba môvo n’ami angagunyu gô mbadi mônongovo gamôtabé ômapakôuni. Môtabée ône ôngagasa. Oma adingôa mitabé migaséduni na amigunya gô soto gôémiyôéda.

Me nanôbeendi mabégô mema gômbe ékasôgee éami éngaba gôndé anye na gényônga sanyô géngaba gésaba n’okana.

Okô anye nôénda mane manôtôma me, nôndéké évambevo n’ami. Mônongovo gameenda me mane mamatôma Téta, na me nandé évambevo n’edi.

Môtômee ôtsikéa me anye te mbe: Nyônganéôni anyene n’anyene.

Anye mbe nôndé n’evamba na tsengene, asi tsengene mbe asanganôvinga gôndé anye géengi gévo n’ahngô. Géé anye nômasevou n’ami, namanôtatôa gôndé asi tsengene, nôsabadô gééngi gévo n’ahngô. T’ebandô anôvinga.