Adnodau Beiblaidd Poblogaidd o Jean 14

Rhanna

Me nakeyi. Ene étsikéa me anye te gétabé sami mbe géngaba gô mitéma mianyô mbe nôngaba na mitéma mimasumani. Géne sami gétsikéa me anye gésagono na géne satsenge nedué. Nombiaba na mikebanganô gô mitéma mianyô.

Jésus amapandôéda ahngô mbe: Me te nzéane éanyô. Me te kumu amabégô metso mapie. Me te monyoe wanyô. Gôsaba nyene nzéa éôta môma na gôndé Téta, buétsé te vandé me.

Jésus amavovo n’angeengi edi mbe: Nômbiaba na mikebanganô gô mitéma mianyô. Itsani Nzambé mitéma mianyô. Vane itsani na me miangô.

Môwedine wanyô te Gédidi SaNzambé, géngatôméô anye na Téta géngaviagana me. Génganôéékéda na génganôbangôéda metso mameekéda me anye.

Okô môma atanganéda mane mamatôma me, na amagobeda, vane namenya mbe môma nône anyôngéô me na avamba n’ami. Vanyôngéô angô me, anganyônganéô dôta na Téta. Na me nangamônyôngéô te mônongovo. Na nangatsutsuga te gôndé angô.

Nangaduka Téta gôénôtôméa muene môwedi asanganôtôga gôndé anye. Môwedine ône te Gédidi gétsutsuéda mabégô mapie maNzambé. Asi tsengene asangagédiia gôébégô asaba na ngudi yegéena na asangoongôa égémenya. Géé anye, nôngagémenya gôébégô sangô, Gédidi gétsutsuéda mabégô mapie géngaba n’anyô na géngadigaa gô mitéma mianyô.

Ene édukanye me gôéénda, me nangeenda gômbe Téta angakumédu gô ina aMuanedi. Okô anye nôduki ébégô gô inami, me nangeenda éangô.

Okô nônyôngéyiô me, nôngeenda te éne étôma me anye.

Gô eba aTéta gôndéké édigaa éyekani. Me nakea gôénôkônzéa tungu. Mbe gôsaba nane, mbe tsinôbeenda nane.

Vangakea me na vangakônzéa me anye tungu nanganika. Nanganôbongo gômbe gôngaba me, n’anye dôta nôngaba wangô.

Thomas amavovo na Jésus mbe: ?Ivô Kumu, we gémenye gôkea éwe tambô na nzéane tôngamimenya nayee?