Adnodau Beiblaidd Poblogaidd o मात्‌ति 24

Rhanna

“सोब्‍बेलेङ् ओचाफेन्‍गा टोॽवा पोसा खाट्‌नाँ जोम् याप्‌मिचिगा माया चा मासा खाट्‌युक्॥ टरो आन्‍ते सोम्‍मा बिस्‍वास चोगुयाक्‍टुनाम्‍बाक् हिङ्‌युक्॥

हिट्‌नुङ् सोब्‍बे छोङ्‌बाचिगा याप्‌मिचिलोङ्‌सा साँचि उलि नुङ् ना मुलुक्‌ङाना नुना खाबोर नारा टेप् पारचार चोक्‌युक्, हिट्‌नुङ् नाराङाना आन्‍ते लियुक्॥

“जब खानिङा खेमाबुङ्‌मा लिसे नुङ् हिट्‌नुङ् खेमाबुङ्‌मा लिना रिङ् ओमाट्‌टुगा आखेम्‍सुम्‍टुम्, टरो हिट्‌ना बेला खानि किट्‌नेनिन्॥ पोङ्‌भोने नाड्‌डेगा रिङ्उम् लिमा डोक् कोन्‌युक्, टरो आन्‍तेम्‍बाक् हिट्‌ना बेला डोक् लिनिना॥

पोङ्‌भोने ठिक् छोङ्‌बाङाना बिरुद्‌दाङि आरको छोङ्‌बाङि खेमाबुङ्‌मा लियुक्, हिट्‌नुङ् ठिक् मुलुक् बिरुद्‌दाङि आरको मुलुक्‌ङि खेमाबुङ्‌मा लियुक्॥ हिट्‌नुङ् ठोङ्-ठोङ्‌ङि चामा-ठुङ्‌मागा थोक्‌चि चा लाट्‌युक् हिट्‌नुङ् लुट्‌लेमा काट्‌युक्॥ टरो नागा सोब्‍बेउम् टे छाडाङ्‌मा बेथा लिना बेला गाड्‌डे डोक् नागाउम् याङ्‌छामा लिना उटुम् एरोक् ए॥

टोनालोग् हिट्‌नुङ् नारा मेग्‌युखाट्‌युक्, टरो आङा लोनानिगा रिङ्उम्‍बाक् मेग्‌निखाट्‌निना॥

पोङ्‌भोने जोम् याप्‌मिचि आनिङ्‌ङि ‘खिरिस्‍ट आङा डोक्’ पिक्‍सा ओटायुक्, हिट्‌नुङ् हिट्‌नागाँ याप्‍मा याप्‌मिचि ओबान्‍डुचिचि॥

“हिट्‌ना बेला याप्‌मिचिङा खानि मालाबिटि हिट्‌नुङ् साजाए पिमा माखाट्‌टिटि, हिट्‌नुङ् खानि मासेडिटि, हिट्‌नुङ् आनिङ्‌ङि बिस्‍वास आचोगुम्‍नाँ सोब्‍बे छोङ्‌चिङा खानि चिम्‍मा माफुट्‌टिटि॥ “हिट्‌ना बेला याप्‍माङा बिस्‍वास ओनाडुटु हिट्‌नुङ् ठिबाङ्‌ङा आरको लाउङ्‌सा धोखा पिडुटु हिट्‌नुङ् चिम्‍मा फुट्‌टुटु॥ जोम् माङ्‌जोगा माङ्‌काटाचि ओहोन्‌युक्, हिट्‌नुङ् जोम् याप्‌मिचि फाम्‍लेङ् ओचाट्‌टुचिचि॥

येसुङा हिट्‌नागा लोडुचे, “ओछेक्‍छेक् चोगानि, साङा चा खानि माबान्‌डिन्‍चा॥

हिट्‌डेउङ् खानि जाइले चा टेयार लिसानिउङ् युङानि, पोङ्‌भोने याप्‌मि छा खोना बेला टायुक्‍ना खानिङा ठाहा डोक् आटोक्‌निम्‍ना॥

“हिट्‌नाड्‌डेउङ् खानि ओछेक्‍छेक् लिसानिउङ् युङानि, पोङ्‌भोने खोना लेम्‍बा खानि टाङ्‌बा उङ्‌युक्‍ना हिट्‌ना खानिङा ठाहा आटोक्‌निम्‍ना॥

“हिट्‌ना लेम्‍बा हिट्‌नुङ् घाडि खोना बेला लियुक्‍ना नुङ् साङा चा ठाहा ओटोगुन्‍ना॥ हिट्‌नाउम् टोनालोग्‌ङिगा माङ्‌हाङ् रिङ् काउग्‍बाचि हिट्‌नुङ् छाङा चा ठाहा टोगुन्‍ना, टरो माङ्‌हाङ् पाबाङा एडोक् ठाहा टोगुटु॥

पोङ्‌भोने नाड्‌डेगा माङ्‌जोगा खिरिस्‍ट लोक् माङ्‌जोगा माङ्‌काटाचि ओठेट्‌युक्॥ हिट्‌नागाँ उहिडुलोक् सोम्‍मा माङ्‌हाङ्‌ङा सेगुचिगा याप्‌मिचि चा माङ् ठे-ठेगा चिन्‍ना लोक् डोङ् ठोङ्‌डिगा टोॽवा ओचोगुङ् ओबान्‍डुचिचि॥

हिट्‌नुङ् याप्‌मि छा उङ्‌ना लेम्‍बा नोआ ओलोडुना याप्‌मि ओपालाङि लिसाना गाड्‌डे डोक् लियुक्॥ पोङ्‌भोने हिट्‌ना बेला चुवा ओभोल उङ्‌मा पाइले नोआ चुवाखोङ्‌डाङ्‌ङि लिक्‍ना लेम्‍बा सोम्‍मा याप्‌मिचि चामा-ठुङ्‌मा ओचोगेट्‌टागा, हिट्‌नुङ् भ्‍याबारि उलिसेट्‌टागा॥ हिट्‌नुङ् ठेना चुवा ओभोल टायाउङ् हिट्‌नागा फ्याङ् चुवा ओभोल्‍ङा खुयुचिउङ् ओखाट्‌टुन्‌चिन्‍लोक् सोम्‍मा हिट्‌नागाँ पाक् लिसेना नुङ् ठाहा डोक् ओटोग्‍वाट्‌टुन्॥ याप्‌मि छा उङ्‌नाँ चा हिड्‌डे डोक् लियुक्॥