Adnodau Beiblaidd Poblogaidd o 創世記 21

Rhanna

上主照伊以前所講的話眷顧 莎拉 ，實現伊對 莎拉 的應允。

上帝聽著囝仔的聲；上帝的使者對天叫 夏甲 ，講：「 夏甲 ，你是按怎咧？毋免驚！上帝已經聽著囝仔啲哮的聲。 起來，嘛給你的囝仔抱起來；我欲互伊成做大國。」

亞伯拉罕 年老，到上帝對伊講的日期， 莎拉 懷孕，給伊生一個後生。

莎拉 講：「上帝互我歡喜笑；所有聽著我生子的人，嘛會及我做夥笑。」

上帝給 亞伯拉罕 講：「你毋通為著 以實瑪利 及你的女婢 夏甲 苦惱。 莎拉 對你講的話，你著聽，因為對 以撒 生的，才欲稱做你的後代。

講著你的女婢的子 以實瑪利 ，我嘛欲互伊成做一國，因為伊嘛是你生的。」