Adnodau Beiblaidd Poblogaidd o Micah 4

Rhanna

Canys yr holl bobloedd a rodiant bob un yn enw ei dduw: A ninau a rodiwn yn enw yr Arglwydd ein Duw byth ac yn dragywydd.

A chenedloedd lawer a ânt, Ac a ddywedant, Deuwch ac awn i fyny i fynydd yr Arglwydd, Ac i dŷ Duw Jacob; Ac efe a’n dysg ni yn ei ffyrdd; Ac ni a rodiwn yn ei lwybrau: Canys o Sïon yr â cyfraith allan; A gair yr Arglwydd o Jerusalem.

A bydd yn y dyddiau ar ol hyn, Y bydd mynydd tŷ yr Arglwydd wedi ei sicrhau ar ben y mynyddoedd; A dyrchefir ef yn uwch na’r bryniau: A phobloedd a ddylifant ato.

Ac efe a farna rhwng pobloedd lawer; Ac a argyhoedda genedloedd cryfion hyd yn mhell: A churant eu cleddyfau yn sychau; A’u gwaewffyn yn bladuriau; Ni chyfyd cenedl gleddyf yn erbyn cenedl: Ac ni ddysgant ryfel mwyach.