Adnodau Beiblaidd Poblogaidd o MATAYO 6

Rhanna

’Bo galeta tumata na Ŋun ina a nze ku kulia na nyari lepe kine‚ ’bo kilo kapazi de lo iyeŋundra kasuni giri a ’yaleta.

“Kuwade ku wiwinyata wiwinya ku kulia ti imalu kine‚ igbonaga imaluna iwiwinya ku kulia kanye kine ina. Ti drelia na kolo gelena romokini kanye koloni.

“Kuwade na takindra ta‚ ku wiwinyata wiwinya ku kulia ti ru nasuna kine, adi ma ta nyosu inyo‚ ma ta mozu inyo‚ kuwa ku kulia ti mugu kine‚ ma ta sozu inyo ya ina. Runa aku rodru nyosu‚ muguna aku rodru sozu ya?

’Bo ku do laga mamagu‚ lubi konu kadi yu‚ kine ki kakana‚ make Monye lolu laga tali lu‚ ’bo Monye lolu lo bonga tali lu ititikindra do rope.

Kuwade maketa beti ina de: Monye lika laga i ’diko yulo‚ Kari konu kine ti purani pura. Tumata nonu ina ti poo‚ Kulia konu kine ti gbo’dini i kani‚ Be naga ma gbo’dini i ’diko yuna.

Tiki yi i ilo kolo de nyosu na indikini

’Dine moriye kaya kine‚ Be naga ma yi ’dizi moriye ti ŋutulu laga lo nyosu moriye kayani kilona

Ku ’do’dolara yi i luluka tro‚ Ritu yi i keni lo ŋutu lorolo.

’Bo kugbo ta laga a’diza kulia naro ti ŋutulu‚ Monye lasu lo ’dikolo i’di’diza kasu kine itro.

Boŋeta kpenya ti ’diko kine‚ ko ani yeza nyomo‚ ko ani ’didra‚ ko ani ’deza kapa i guguwo ’bo Monye lasu lo ’dikolo lo wowoza karaŋa. Gbore nasuna aku langu ko ya?

“Ku ’de’delakita ’beri tokorinena i kani‚ i piri naga ’de’diya ku kokora ma kokorozina, i piri naga kola ma ’belengi goro i kokoladru nu. ’Bo ’delakita ’beri tokorine i ’diko yu‚ i piri naga ’de’diya ku kokora ani kokorozu nu‚ i piri naga kola ani ’belengu goro i kokoladru nu. ’Bo i piri naga ma tokorine nasuna gbo’dini nu‚ teiliko kasu kilo kulu gboloŋara we yu itro.

“Ŋutu le’de ’bayi lo konakindra drumala mure kita‚ igbonaga ŋona lepe iŋmoza le’delo, ’bo inyadru le’de lu‚ kuwa ko i’depakindra ’beri seku le’delo i ’dadru na lu de. Ta ani romoki konakindra Ŋun kita seku tokorinena itro.

Kugbo Ŋun lo zubu drorulo de‚ laga indikini ’du‚ ’bo imalu biriŋozi i kima‚ lepe aka langu sozu na ta ku bongolani‚ ta ŋutulu laga ku rugo a natri kilo?

’Bo laga do‚ kugbo do lo tikindra ’doketa kolu kilo‚ le’de ŋutu ka’bi ku yiyiŋ kulia ŋani kine. Kuwade ’doketa kolu kilo tolaki tali‚ ’bo Monye lolo lo bonga tali lu ititikindra do rope.

“Gbo’dita go ka’bi ta ku kondra konesi kasu naga na’bu kine ku ŋutulu i konyeni adi ma ta memeta. Ku ta laga akondra de ta aka riozu rope laga ku Monye lasu laga i ’diko yu iloni.

“Kugbo ta laga kuka kuka‚ ku gbogbo’data ku koŋo na luŋuli beti katoŋulupa kilo‚ igbonaga ko kondra koŋosi kase kine de i trukokindro na ŋutulu adi se kilo kukuka ina. Na takindra ta a ’diri‚ ko ariozu rope laselo azo. ’Bo kugbo do ilo kuka kuka, ŋinye kuwe nonuna ku wele‚ lalane lala koŋo nonuna. Kuwade ka’bi do ku puru a ŋutu laga ilo kuka kuka ku ŋutulu i konyeni‚ ’bo i konye ti Monye lolu lo gbo’da tali lu‚ ’bo Monye lolu lo bonga tali lu ititikindra do rope.