Adnodau Beiblaidd Poblogaidd o Luc 6

Rhanna

Os gwnewch roi, byddwch yn derbyn. Cewch lawer iawn mwy yn ôl – wedi’i wasgu i lawr, a’i ysgwyd i wneud lle i fwy! Bydd yn gorlifo! Y mesur dych chi’n ei ddefnyddio i roi fydd yn cael ei ddefnyddio i roi’n ôl i chi.”

Mae pobl dda yn gwneud y daioni sydd wedi’i storio yn eu calonnau, a phobl ddrwg yn gwneud y drygioni sydd wedi’i storio yn eu calonnau nhw. Mae beth mae pobl yn ei ddweud yn dangos beth sydd yn eu calonnau nhw.

Carwch chi eich gelynion. Gwnewch ddaioni iddyn nhw. Rhowch fenthyg iddyn nhw heb ddisgwyl cael dim byd yn ôl. Cewch chi wobr fawr am wneud hynny. Bydd hi’n amlwg eich bod yn blant i’r Duw Goruchaf, am mai dyna’r math o beth mae e’n ei wneud – mae’n garedig i bobl anniolchgar a drwg.

Rhaid i chi fod yn garedig, fel mae Duw eich tad yn garedig.

“Peidiwch bod yn feirniadol o bobl eraill, ac wedyn wnaiff Duw mo’ch barnu chi. Peidiwch eu condemnio nhw, a chewch chi mo’ch condemnio. Os gwnewch faddau i bobl eraill cewch chi faddeuant.

“Dw i’n dweud wrthoch chi sy’n gwrando: Carwch eich gelynion, gwnewch ddaioni i’r bobl sy’n eich casáu chi, bendithiwch y rhai sy’n eich melltithio chi, a gweddïwch dros y rhai sy’n eich cam-drin chi.

Dylech chi drin pobl eraill fel byddech chi’n hoffi iddyn nhw’ch trin chi.

Os ydy rhywun yn rhoi clatsien i ti ar un foch, tro’r foch arall ato. Os ydy rhywun yn dwyn dy gôt, paid â’i rwystro rhag cymryd dy grys hefyd. Rho i bawb sy’n gofyn am rywbeth gen ti, ac os bydd rhywun yn cymryd rhywbeth piau ti, paid â’i hawlio yn ôl.

“Dydy ffrwyth drwg ddim yn tyfu ar goeden iach, na ffrwyth da ar goeden wael.

Y ffrwyth sy’n dangos sut goeden ydy hi. Dydy ffigys ddim yn tyfu ar ddrain, na grawnwin ar fieri.