Adnodau Beiblaidd Poblogaidd o Eseciel 33

Rhanna

Wel, dywed wrthyn nhw, ‘Mor sicr â’r ffaith mai fi ydy’r Duw byw, dydy gweld pobl ddrwg yn marw yn rhoi dim pleser i mi. Byddai’n well gen i iddyn nhw newid eu ffyrdd a chael byw. Dewch bobl Israel, trowch gefn ar eich drygioni. Pam ddylech chi farw?’

“Ddyn, ti dw i wedi’i benodi yn wyliwr i warchod pobl Israel. Rhaid i ti eu rhybuddio nhw pan fydda i’n rhoi neges i ti.

Ond os byddi di wedi’i rybuddio i newid ei ffyrdd, ac yntau wedi gwrthod gwneud hynny, bydd e’n marw am ei fod wedi pechu ond byddi di wedi achub dy hun.

Ond beth petai’r gwyliwr heb ganu’r corn hwrdd i rybuddio’r bobl pan welodd y fyddin yn dod? Mae rhywun yn cael ei ladd. Mae’r person hwnnw’n marw am ei fod e’i hun wedi pechu, ond bydda i’n dal y gwyliwr yn gyfrifol am achosi iddo gael ei ladd.

Roedden nhw wedi clywed y corn hwrdd, ond ei anwybyddu. Arnyn nhw mae’r bai. Petaen nhw wedi gwrando bydden nhw’n dal yn fyw.