Adnodau Beiblaidd Poblogaidd o Deuteronomium 5

Rhanna

Rhaid i ti barchu dy dad a dy fam, a byddi’n byw yn hir yn y wlad mae’r ARGLWYDD dy Dduw yn ei rhoi i ti.

Dych chi i fyw fel mae’r ARGLWYDD eich Duw wedi gorchymyn i chi, er mwyn i bethau fynd yn dda i chi, ac i chi gael byw yn hir yn y wlad dych chi’n mynd i’w chymryd.

Paid plygu i lawr a’u haddoli nhw. Dw i, yr ARGLWYDD dy Dduw di, yn Dduw eiddigeddus. Dw i’n cosbi pechodau’r rhieni sy’n fy nghasáu i, ac mae’r canlyniadau’n gadael eu hôl ar y plant am dair i bedair cenhedlaeth. Ond dw i’n dangos cariad di-droi’n-ôl, am fil o genedlaethau, at y rhai sy’n fy ngharu i ac yn gwneud beth dw i’n ddweud.

Paid cerfio eilun i’w addoli – dim byd sy’n edrych fel unrhyw aderyn, anifail na physgodyn.

Does dim duwiau eraill i fod gen ti, dim ond fi.

Paid camddefnyddio enw’r ARGLWYDD dy Dduw. Fydda i ddim yn gadael i rywun sy’n camddefnyddio fy enw ddianc rhag cael ei gosbi.

Piti na fydden nhw’n dangos yr un parch ata i bob amser, ac eisiau gwneud beth dw i’n ddweud. Byddai pethau’n mynd yn dda iddyn nhw wedyn ar hyd y cenedlaethau.

Cadw’r dydd Saboth yn sbesial, yn ddiwrnod cysegredig, gwahanol i’r lleill, fel mae’r ARGLWYDD dy Dduw wedi gorchymyn i ti.

Paid chwennych gwraig rhywun arall. Paid chwennych ei dŷ na’i dir, na’i was, na’i forwyn, na’i darw, na’i asyn, na dim byd sydd gan rywun arall.’

Paid godinebu.

Paid rhoi tystiolaeth ffals yn erbyn rhywun.

Paid llofruddio.

Paid dwyn.

Cofia dy fod ti wedi bod yn gaethwas yn yr Aifft, a bod yr ARGLWYDD dy Dduw wedi defnyddio’i nerth rhyfeddol i dy achub di oddi yno; Dyna pam mae’r ARGLWYDD dy Dduw wedi gorchymyn i ti gadw’r dydd Saboth yn sbesial.

Gelli weithio ar y chwe diwrnod arall, a gwneud popeth sydd angen ei wneud. Mae’r seithfed diwrnod i’w gadw yn Saboth i’r ARGLWYDD. Does neb i fod i weithio ar y diwrnod yma – ti na dy feibion a dy ferched, dy weision na dy forynion chwaith; dim hyd yn oed dy ych a dy asyn, nac unrhyw anifail arall; nac unrhyw fewnfudwr sy’n aros gyda ti. Mae’r gwas a’r forwyn i gael gorffwys fel ti dy hun.

‘Fi ydy’r ARGLWYDD eich Duw chi. Fi wnaeth eich achub chi o wlad yr Aifft, lle roeddech chi’n gaethweision.