Adnodau Beiblaidd Poblogaidd o Matie 6

Rhanna

A'bhï, 'pɩwʋ mää Lagɔ 'kämanɩɛ 'n 'saa zlɔnɩɛ ɔ 'yila 'klʋ a dɔ'wʋ 'mö a gbʋʋ, mʋʋ nɩ plɛnanyɩ tɛɛ, ‑lɛ a dɔ'wʋ, ɔ'bhë ‑li 'la 'wuë ‑yɩ tʋʋä ‑mä, ɔ yeanyi 'nyɛ.

‑Sɩbhä a za 'zɩgblɛ a dlɩ nɩ tanyɩ nyɩasɛ libho. Zlɩ ‑mɛɛ zɩɛ, mɛɛ ‑suä 'ɛ yɔlɔylʋ.

'Saa a 'kää 'kwädlɩ li a 'kä ‑bhölɩɩ, wʋ dlɩ nɩ tanyɩ libho. 'Saa a 'kää 'mö ‑pla a dɔ'wʋ, dlɩ nɩ tanyɩ'ɛ libho. Nyɩasɛ n'n‑ä ‑sɩbhä gbä, ‑maa ‑bhölɩbhölɛɛ zi lile 'wʋ. Kpökpaa kä'ɛ dɛsɛ, a zi ‑banɩ 'wʋ. Ɛ'ɛ ‑bhö ɔ mi?

‑Maa ‑nmö ‑naa, ‑n ‑kä bhibhee yii, plɛ ‑mä ‑na'a ‑budumlɩ, ‑gba ‑gbëlea, ‑na dɩba Lagɔ, dɛɛ ‑bɛ 'nɩɛ 'wʋ yɩlɩ, ‑ɔ ‑pʋnɩmöä ‑lɛ 'yukwlii, ‑n 'kɔ ‑lɛ bhibhenɩ. ‑Sɩbhä a dɔ'wʋ, ‑na dɩba Lagɔ ‑ɔ yɩlɩɛ ‑lii 'wuë ‑yɩ plɩɛ ‑mä zizolɩ 'mö 'wʋʋ, ɔ ‑yimö yɩ 'ylɩmö a ‑lu 'nyɛ.

A ‑kä Lagɔ bhibhee, a nɩ nʋ nɩɩ: ‑Aa dɩba Lagɔ ‑ɔ ‑wʋ ‑mä ghäyɩ 'wʋ, nɩkpa 'wuë nɩ 'ghlimanɩ ‑na 'nglɩ. ‑Na'a 'kämanɔɔ nɩ ghlɛ glɔ. Sɛ wa zʋä ‑mä ghäyɩ 'wʋ sɛ ‑n 'yɩbhää, gbä wa 'kä ‑sɩbhä mä'ä dʋdʋ 'wʋ 'zʋmö.

Nyɩanyɩ zɩ'ɛ a lile.

Sɛ ‑a 'tatinɩ ‑a'bhɩa a 'nyinyloli gbʋ 'yii, ‑yaya, 'tatinɩ ‑sibha" ‑a'a 'nyinylolii a gbʋʋ 'yi.

‑Tɩnyɩ 'yi 'tatinɩ ‑a nɩ tɩ 'nyinyloli 'mö bhlinɩ, ‑maa ‑sanyɩ Sataa a 'mötɛɛnɔɔ ngli. [Dɩba, ‑na 'yize ‑nmö 'kämanɩɛ, ‑nmö 'tɛɛ 'mö, ‑nmö 'ghïliɛ 'kwädlɩkwädlɩnɩ. ‑Amɛɛ!]

Nɩkpa ‑kaanyɩ 'nyinyloli 'wlu nʋ, 'n a ‑kä yɩ gbʋʋ 'yi 'tatinɩɩ, a dɩba Lagɔ ‑ɔ ‑wʋä ‑mä ghäyɩ 'wʋʋ, ɔ yi a ‑nɩɩ a gbʋʋ 'yi 'tatinɩmö

Zɩɩ ‑yɩ ‑buluä ‑mä ghäyɩ 'wʋ, a yiliiɛ ‑ka 'wʋ. Yɩ'ɩ glʋ. Yɩ'ɩ ‑dɩ. Yɩ'ɩ 'gbɩ ‑kä. ‑Sɩbhä yɩ ‑wʋ 'mö, ‑maa a dɩba Lagɔ ‑ɔ ‑wʋä ‑mä ghäyɩ 'wʋ ɔ nyɩ lile 'yize. A'a bhä sɛ ‑yi nɩɩ, Lagɔ a dɔ'wʋ a kä dɛsɛ tenyii, a zi zɩɩ 'wʋ ‑a?

Mä'ä 'pɩwʋ a wʋlʋnɔɔ, a nɩ tu 'wlu 'yɩbha. ‑Maa mä'ä 'pɩwʋ a wʋlʋnɔɔ 'wuë wa 'yɩbhaa 'wluu, ngɔnʋʋ ‑nyɛ gogoliea 'sɔ mɩɩ nyimuä. 'Wiwa dɩ ‑lɛ ‑gbïli, wa ghlu 'wi. ‑Maa ‑mä Lagɔ yɔwʋ ‑mä a nɩ kwïlanɩ 'a wʋlʋnɔɔ. Ngɔnʋ ‑nyɛ gogolie 'sɔ 'nɩɛ ‑mä ‑wʋ, ‑wa 'kää ‑lɛ ‑gbïli ‑dɩ wa 'kʋ 'wi ghlii, wa'aa ‑mä ‑wʋ. Ɛ'ɛ ‑bhö nyɩasɛ, ‑maa dɛɛ ‑na'a wʋlʋnɔɔ ‑wʋä, ‑lɛ ‑na'a dlɩɩ ‑wʋä.

Nɩkpɛ 'nɩɛ bhɛnɩ ɔ 'kä 'bhidɩbawa 'sɔ 'yli ‑wʋ. ‑Bhlʋ ɔ 'kää ‑wa ɔ 'kä ‑bhlʋ ‑gblɩ. ‑Bhlʋ ɔ 'kää 'klʋkpamö 'zʋ, ɔ 'kä ‑bhlʋ 'ylimö fälanɩ. Sɛ ‑bhʋlʋ ‑kpɔ 'la ‑sɩbhä a'aa bhɛnɩ a 'kä Lagɔ ‑nyɛ moni 'sɔ 'yli ‑wʋ.

Zaa, ‑titii ‑yɩ ‑wʋä zɩ'ɛ ‑mä 'lagblɛ 'mö, wa 'kää 'zɩgblɛ sia, 'n Lagɔ ‑kɩɩ sa'a 'yli 'zʋnɩɩ, 'saa 'kä bhä 'nglɩ ‑kä, 'n ɔ 'naa 'kanyɩ bhä abhlɩ 'yli 'zʋnɩmö, ɔ 'kanyɩ 'wua 'nɩ? 'A Lagɔ a dlɩtɛɛnɩtɛnɛɛ 'nɩɛ ‑zu lɛɛ!

‑Maa ‑nmö ‑naa, ‑n ‑kä 'pʋanyɔ ‑lu 'nyɛɛ yii, sɛɛ ‑na'a dlɩ a bheyi a'bhë 'naa 'kää sɛ ‑yi, 'nyɛ ‑sɩbhä, nzɩɩ yɩ 'kä yɩ 'wuë 'wimö 'wʋ 'plɩ. ‑Sɩbhä a dɔ'wʋ, ‑na dɩba Lagɔ ‑ɔ yɩlɩɛ ‑lii 'wuë ‑yɩ plɩɛ ‑mä zizolɩ 'mö 'wʋʋ, ɔ ‑yimö yɩ 'ylimö a ‑lu 'nyɛ.

A ‑kä ‑li a ‑li nʋä yii, a nɩ 'nɛmanɩ anyɩ 'wʋ, a nɩ tɩ 'yila sɛ tɛlɩ. Ɛ'ɛ ‑bhö nyɩasɛ, ‑maa a ‑kä ‑sɩbhä 'zʋ 'n wa ‑kanyɩ 'ylɩmö, wa ‑kä a 'dɩ a dɩ ‑sɛɛ, a dɩba Lagɔ ‑ɔ ‑wʋä ‑mä ghäyɩ 'wʋʋ, ɔ 'naa 'kanyɩa'a yɩ 'ylimö a ‑lu 'nyɛ.

A ‑kä su 'mö ‑wʋʋ, a nɩ tɩ kwlɩɩ 'mö nyimanyimanɩ 'kwlɩsɔkäwa a saa. Nyɩasɛ n'n‑ä ‑sɩbhä gbä, ‑maa wa ‑kä wabhlɩ su plɛɛ, 'wa kwlɩɩ 'mö wa nyimanyimanɩɛ 'mö nzɩɩ nɩkpa 'wuë 'käa sɛ ‑yi nɩɩ, su 'mö wa ‑wʋä. ‑Tiamö n nyanyɩɛ dɛ'ɛ 'dɩ nɩɩ, wa yɛ da'a 'wa 'pɛnaa ghlɩ 'wë. ‑Maa ‑n ‑kä ‑naa su plɛɛ, bido 'tɩɩ, ‑n 'kä ‑na'a nyukwëa 'mö 'fla. ‑Lɛ a dɔ'wʋ, nɩkpɛ 'naa 'kä sɛ yɩbhlɩnɩ nɩɩ, su 'mö ‑n ‑wʋä. ‑Maa na dɩba Lagɔ, dɛɛ ‑bɛ 'nɩɛ 'wʋ yɩlɩ ‑ɔ yɩlɩɛ ‑lɛ 'wʋʋ, ɔ 'yize, mɔɔ 'kää sɛ ‑yi. ‑Sɩbhä a dɔ'wʋ, ‑na dɩba Lagɔ, ‑ɔ yɩlɩɛ lii 'wuë ‑yɩ plɩɛ ‑mä zizolɩ 'mö 'wʋʋ, ɔ ‑yimö yɩ 'ylimö a ‑lu 'nyɛ.