Adnodau Beiblaidd Poblogaidd o Yoana 6

Rhanna

Yeesu akabhakyukya ega, “Oni nooni ebhyakurya bhinú bhirabhahaana abhantu obhuhoru bhwa koko. Omuntu wowonse unú araaja kuoni, atariigwa omweko kweki! Na unú arinyikirirya maheene atariigwa enyonta kweki.

Omutima wa Waryubha ngʼo arabhahaana abhantu obhuhoru. Omuntu atakutura okukora kyokyonse kwa eginguru gyaye omwene. Amangʼana ganú mbakeererye n-ga Omutima wa Waryubha, na garareeta obhuhoru bhwa koko.

Mutakora emirimu kurusumo rwa okunyoora ebhyakurya bhinú bhirasarika, nawe, mukore emirimu kurusumo rwa okunyoora ebhyakurya bhinú bhitakusarika, bhinú bhirabhahaana obhuhoru bhwa koko. Omwana wa Adamu, arabhahaana ebhyakurya bhiyo, kwa okubha Taata Waryubha amuheeri obhutungi bhwa okukora ego.”

Kinú Taata areenda niiga, kira omuntu unú amanyiri ega, oni m-Mwana waaye na okunyikirirya, abhe na obhuhoru bhwa koko. Oni ndimuhyukya kurusiku rwa obhuteero.”

Yeesu akabhakyukya ega, “Amangʼana ganú Waryubha areenda mukore, nu-kwikirirya unú yaatuma.”

Abhantu bhonsego bhanú Taata arangʼaana, bhariija kuoni. Oni ntaryanga kora oumwi unú araaja kuoni.

Simoni Petero akamukyukya ega, “Omukuru, tugende kuwi? Uuwe omwene uuna amangʼana ganú garatuhaana obhuhoru bhwa koko.

Oni nooni ebhyakurya bhinú bhiituumiri okurwa murwire, bhinú bhirahaana abhantu obhuhoru bhwa koko. Omuntu wowonse unú ararya ebhyakurya bhiyo, aribha na obhuhoru bhuyo. Ebhyakurya bhiyo m-mubhiri gwani gunú ndaruusya kurusumo rwa abhantu bhonsego bha ekyaro kinu, naho bhabhe na obhuhoru bhwa koko bhuyo.”

Atariho omuntu unú aratura okuuja kuoni, nyoore ataroorokereribhwa na Taata unú yaantuma. Na oni ndimuhyukya kurusiku rwa obhuteero.

Ebhyakurya bhya Waryubha ngʼ-unú areetuuma okurwa murwire, naho abhahaane abhantu bhonsego bha ekyaro kinu obhuhoru bhwa koko.”

Oni nooni ebhyakurya bhinú bhirabhahaana abhantu obhuhoru bhuyo.

Kimwi, Yeesu akagega emikaate etaanu giyo, akamukumya Waryubha, akagabhira abhantu bhonsego bhanú bhaaringa bheekeeri hayo. Akakora egoego na eginswi ebhiri girya gyonse, akabhagabhira. Abhantu bhonsego bhakarya kya ego bheendanga. Hanú bheeguta, Yeesu akakeerya abheehigira bhaaye ega, “Mukumanʼye amasaagyo gonsego, naho gataaja okusarika.”

Hanú abheehigira bha Yeesu bhaahika muna egikirometa etaanu kasi esansabha, bhakamurora Yeesu aragenda eguru ya amanji na aringi haangʼi okuhikira obhwato bhwabho. Bhakoobhoha bhukongʼu. Nho, Yeesu akabhakeerya ega, “Mutoobhoha! Nooni!”