Adnodau Beiblaidd Poblogaidd o Lucas 21

Rhanna

Chixk'ask'atoq; lik chitz'onoj che i Dios ronojel ij. Man keje ile kixtzaq ti chupam ronojel ni'pa i k'ax, chi kpe na, man keje ile lik kixupon ni chwach i pacha Winaq chi Xolalaxoq chwach Ulew.

Lik chiwila iwib'; miya che ik'ux chi xa kkowir chupam i utz taj, ab'arik, k'achirik re i k'aslemal waral chwach i jyub' ta'aj, man keje ile ktzaq ti ij le piwi are nti kich'ob' che.

Lik chikub'a ik'ux man keje ile, kich'ak ni ik'aslemal saqil.

Man yin kinya ni i tzij chiwe chi lik re no'oj chi lik mijun chke i ajch'oj chiwij ktiki chula'ik uwach chiwe xaq we kkib'ij taq chi utz taj.

I kaj lik ksach ni uwach xaq i ulew, xwiri intzij ksach taj; lik k-antaj na pacha inb'im chiwe.

O ni aljinsab'al uri che i ij, i ik', i ch'umil. Waral chwach i jyub' ta'aj konojel i winaq pa nimaq taq tinimit is kek'achir na; xaq kexib'taj na rumal i uch'awb'al i mar xaq rumal i nim laj uretum. I winaq kkitij ni kamik rumal kixib'rikil are kkich'ob' i k'ax chi kpe ni chwach i jyub' ta'aj. Man lik ronojel ni'pa yawnaq ucho'ab' i kaj ksiksat na. Te'uri kkil ni i pacha Winaq chi Xolalaxoq chwach Ulew kk'unik; kk'un pa sutz', ru' nim laj ucho'ab', ru' nim u'ij uchomal.

Konojel i winaq tzel kixkil na wumal yin

Lik kik'aw ni nimaq taq ukab'raqan, xaq lik o ni numik, xaq o ni yob'il pa jalajuj taq k'ijib'al, kiwil ni nimaq taq b'iroxik chwa kaj chi lik xib'in ib', xaq i nimaq taq aljinsab'al.

Yix are kita utzijol chi o ch'oj pa taq tinimit, xaq i k'ax laj k'aslemal mixij iwib' rumal ile. Man are ile kk'ulmax ni nab'e, xwiri ile lik are ti k'isb'al ij —xub'ij i Jesús chke. Xaq xub'ij chik chke: —Jun tinimit ku'an ch'oj chrij jun chik tinimit; xaq jun nim laj tinimit ku'an ch'oj chrij jun chik nim laj tinimit

O ni aljinsab'al uri che i ij, i ik', i ch'umil. Waral chwach i jyub' ta'aj konojel i winaq pa nimaq taq tinimit is kek'achir na; xaq kexib'taj na rumal i uch'awb'al i mar xaq rumal i nim laj uretum. I winaq kkitij ni kamik rumal kixib'rikil are kkich'ob' i k'ax chi kpe ni chwach i jyub' ta'aj. Man lik ronojel ni'pa yawnaq ucho'ab' i kaj ksiksat na.

Xaq xub'ij chik chke: —Jun tinimit ku'an ch'oj chrij jun chik tinimit; xaq jun nim laj tinimit ku'an ch'oj chrij jun chik nim laj tinimit

I Jesús xula' uwach chke: —Chi'ana kwent iwib', miya iwib' kixt'orik. Man je k'i kek'un na xaq keje iri kkib'ij: “Yin in Cristo”; kecha, xaq “Ya kpe uri k'isb'al ij”. Xwiri yix mixkojon chke.