Adnodau Beiblaidd Poblogaidd o Mark 13

Rhanna

A chwi a fyddwch gas gan bawb er mwyn fy enw i: eithr y neb a barhao hyd y diwedd, hwnnw a fydd cadwedig.

Ymogelwch, gwyliwch a gweddïwch: canys ni wyddoch pa bryd y bydd yr amser.

Ond pan ddygant chwi, a’ch traddodant, na ragofelwch beth a ddywettoch, ac na fyfyriwch: eithr pa beth bynnag a rodder i chwi yn yr awr honno, hynny dywedwch: canys nid chwychwi sy’n llefaru, ond yr Yspryd Glân.

Nef a daear a ant heibio: ond fy ngeiriau i nid ant heibio.

Eithr am y dydd hwnnw a’r awr ni wyr neb, na’r angylion sydd yn y nef, na’r Mab, ond y Tad.

Ond pan glywoch am ryfeloedd, a son am ryfeloedd, na chyffrôer chwi: canys rhaid i hynny fod; ond nid yw y diwedd etto.

Gwyliwch gan hynny (canys ni’s gwyddoch pa bryd y daw meistr y tŷ, yn yr hwyr, ai hanner nos, ai ar ganiad y ceiliog, a’i y bore-ddydd) Rhag iddo ddyfod yn ddisymmwth, a’ch cael chwi yn cysgu. A’r hyn yr wyf yn eu dywedyd wrthych chwi, yr wyf yn eu dywedyd wrth bawb, Gwyliwch.

Canys cenedl a gyfyd yn erbyn cenedl, a breniniaeth yn erbyn breniniaeth: a daear-grynfâu fyddant mewn mannau, a newyn, a thrallod.

Ac y mae yn rhaid yn gyntaf bregethu yr efengyl ym mysg yr holl genhedloedd.

Canys llawer a ddaw yn fy enw i, gan ddywedyd, Myfi yw Crist; ac a dwyllant lawer.

Dechreuad gofidiau yw y pethau hyn. Eithr edrychwch chwi arnoch eich hunain: canys traddodant chwi i’r cynghorau, ac i’r synagogau; chwi a faeddir, ac a ddygir ger bron llywodraethwyr a brenhinoedd o’m hachos i, er tystiolaeth iddynt hwy.

Canys gau-gristiau a gau-brophwydi a gyfodant, ac a ddangosant arwyddion a rhyfeddodau, i hudo ymaith, pe gallent, ïe, yr etholedigion.

Ond yn y dyddiau hynny, wedi y gorthrymder hwnnw, y tywylla yr haul, a’r lloer ni rydd ei oleuni; A ser y nef a syrthiant, a’r nerthoedd sydd yn y nefoedd a siglir.