Adnodau Beiblaidd Poblogaidd o Matayo 6

Rhanna

Bookeń ilanga lya mbele umangi lwa Iṛuva na usumani lwayo, na filya fingi foose muniingwaa.

Kyasiań mutakwareesye fa ndesi, fulya nkonu wa ndesi ukwareesaa na findo fayo. Nkonu woose ukufile na kima kyayo.

Kiimba kya iki namuia kuri: Mutakwareese kya muu wanu kindo muiyaa ana munwaa, nta kya vvili wanu kindo muṛaa. A muu nkindo kinini kita shoonga ndii, na vvili wanu nkindo kinini kita kya iṛaa ndii?

Kake iwe ili kwiterevaa, aka kiṛiń kyafo kya kari. Kwammaa iraya mwaango, kutereve Nde yafo kiṛisiń. Na Nde yafo alolye kiṛisiń akwishuṛyaa na baa.

Kyasia ini tereveń kuri: Nde yeru kukee ifo iṛuvewu! Irina lyafo liindyo. Umangi lwafo lushe. Kilya kukundye kitanike kunu isangeń sheeli kikee itanika ifo iṛuvewu.

Kutiniinge nnu shoonga teru ta itisindisa.

Kutitie na sile ta mareko eru, sheeli neese tikee itia valya vantirekyo̱

Kutatiotoṛye tiwe nreyoń, kake kutuute fikasha.

Amu kwakooya mutiaa vandu vengi mareko awo, na Nde yanu wa iṛuvewu amutiaa neeni.

Lleń ndee ta kwa si ya iṛuvewu te! Nta teeṛaa mbeu ana tiilulaa ndi ana tisańiṛyaa makumbiń ndi. Na Nde yanu wa iṛuvewu yye awuurusaa ndee tilya. A ini ni ini mutiilanyi se?

Manya mutave vakusańiṛya masaa kunu isangeń. Amu aliwaa nkurukuru na nguraa na manini aremaa numba na iiva. Kake fiseń masaa iṛuvewu, mfo kitaare aliwaa nkurukuru na nguraa ana ateefo manini asumaa numba aive. Amu alya kufisye masaa afo, wwo na ngoo yafo ikai.

Eefo nndu amakii iṛundya womi vavili ndi. Fulya asuaa ulya umwi akunde ulya ungi. Ana akusuranaa na ulya umwi abiṛe ulya ungi. Nta mumakii iṛundya Iṛuva andu emwi na iṛundya masaa ndi.

Kyasia maṛe a ifo usakeń ayyo nnu na ndesi akandeeṛwa muroń, Iṛuva amaambika kuro, aengeṛyaa imutania ini se? Nki ili mutankusuraań?

Nkue namuia: Wo vammaa iniingwa maṛe awo. Kake iwe ili kwiniingyaa nsimbika, manya uko lwafo umuso lutamanyi kilya uko lwafo usha lukee itana. Nsimbika wafo uve kwa kiṛisi, na Nde yafo alolye kwa kiṛisi akutaa na baa.

Kulleń kaaṛa mutaniingye misimbika yanu mbele ya vandu, amu mulolyo. Amu mukantana kuro, mumakii ikooya isekye kwa Nde yanu wa iṛuvewu ndi.

Lingi mukasinda kuro, manya mutave sha vamakavili, fulya wo vakunarisaa. Amu wo valemaa fisangu, naamu vamanyike vasindye kuro. Nkue namuia: Vammaa ikooya maṛe awo. Kake iwe ili kusindye kuro, amba nrwe mafura kwisangyaa na kisangu. Amu kutamanyike vanduń sheeli kusindye kuro, kake kumanyikaa ifo kwa Nde yafo ito akee kiṛisiń. Na Nde yafo alolye kiṛisiń akwishuṛyaa na baa.