Adnodau Beiblaidd Poblogaidd o JUAN 21

Rhanna

Yaawä töwääwashincha’comjäcä Jesuuquidiito cönä’döaacä Simón Peedhodo wwä: —Simón, Joná nnedö, ¿cujummaanä amäädä canno e’jodhe’cä? Peedhodo cönä’döaacä: —Ee, Cajiichaana, odhoowanääcä ajummatä weichö; quee. Jesuuquidiito cönä’döaacä chäwwä: —Yääje yeiya’jäcä sootoi ewanshinchocooto’de, ñanno oweeja nnacoomo’cä nönga’como; quee. Yää ’jeje Jesuuquidiito cöneecamma’joi chea: —Simón, Joná nnedö, ¿cujummaanä amäädä? quee cönä’döaacä. Yaawä Simón cönä’döaacä: —Ee, Cajiichaana, odhoowanääcä ajummatä weichö. Jesuuquidiito cöneccujä’acä: —Yääje yeiya’jäcä sootoi edai’chäcooto’de, ñanno oweeja nönga’como; quee cönä’döaacä. Yaawä Jesuuquidiito cöneecamma’joi chea aaduwaawädeeto ai: —Simón, Joná nnedö, ¿cujummaanä amäädä? quee cönä’döaacä chäwwä. Peedhodo wentumje cönä’döjoi yaawä aaduwaawäde täcamma’jo’jödö weijäcä, “ ¿cujummaanä?” quee. Töwö cönä’döaacä: —Cajiichaana, amäädä tameedä odhoowanääcä na; odhoowanääcä ajummatä weichö; quee cönä’döaacä Peedhodo. Yaawä Jesuuquidiito cönä’döaacä: —Yääje yeiya’jäcä sootoi ewanshinchocooto’de, ñanno oweeja nönga’como.

Chäänönge yääje wä’döa äwwä, mude’cäje aweichö töwääma’tä mä’jaaquene ämjummadö woije äätädö wetä. Inchomje äwä’döa’jäcä mmaane maajäsaaca’de, anejjaane adheema’täneije na’de; ämjummadö woije’da adhaadäa’de; quee cönä’döaacä Jesuuquidiito Peedhodo wwä.

Yaawä Jesuuquidiito cönä’döaacä: —Ämu’demjönö dö’se ajaajiyööcomo emaatäcä eduuwa, maneejodöötäiye yaawä. Tönwanno töjaajiyööcomo cöneemaicho; ijiiñäjai’cha cönä’ja’to yaawä na’cwacancomo que tu’que yeijäcä.

Simón Peedhodo cönä’döaacä chäwwäiñe: —Wani’yäta’ñojo; quee. Ijimmä cönä’döa’to yaawä: —Ajaadä ñaa nöto’ñojo. Cöntonto yaawä; cönä’toicho cudiiyada aca. Yää coijai chawä ani’yä’da cöneiya’to.