Adnodau Beiblaidd Poblogaidd o Matiye 10

Rhanna

«Ooje, mulase tokə lə batəje horo ənjakəmnjarje tə̂. Yeenn a, maji karə aaje rɔse tokə lə li kə̂ aw aa rɔɛ̂ ngaâ ta arəje tar to dɔse tə̂ ang tokə lə dərje.

Dəw kə̂ ndiki ta ngəm təbbə laa, təbbə laa le a nayn kə̂ kɔrɔ̂ nyɔm. A dəw kə̂ arə təbbə laa nayn kə kɔrɔ̂ mbam, a təl kinga təbbə laa le.»

Dəwje kə̂ da-rɔ dəw â a kasəje ta tɔl bbo kəwn lə dəw ang, ə-bbəəljede ang. Lubba â maji karə ə-bbəəleje. Ne â nasə ta dda karə kəwn lə dəw ddəm da-rɔ dəw ddəm gotoje kə ddang kəm puru tə̂ kə̂ aw ɔn kə ndɔ kə ndɔ.

Dəw kə̂ oto kakə-dəsə laa ang ddəm uwa gom ang ddəm a kasə ta ddee to dəw ləm ang.

«Yeenn a, dəw kə̂ pa kəm dəwje tə̂ nan n̂-to dəw ləm a, əman kara mâ pa nɔn Bɔy tə̂ kə̂ isi darâ nan n̂-to dəw ləm tɔ. A dəw kə̂ mayn tar ləm kəm dəwje tə̂ nan: ‹M-gərə Jeju ang› a, əman kara mâ mayn tar laa nɔn Bɔy tə̂ kə̂ darâ nan: ‹Dəw nəənn to dəw ləm ang› tɔ.»

Ajije njê-rɔ-toje, ə-ndolje dəwje kə̂ oyje, ajije njê-banjije arəje rɔde ddee maji, ə-tubbaje ndilje kə̂ maji ang. Lubba arəse nɛ̂n le baa, yeenn a, maji karə arəje dəwje baa tɔ.

Yeenn a, ə-bbəəlje ang, mba gatəse uta gatə ngann əəlje kə̂ banya.

«Əjəje to m-ddee ta karə mə-wul-lɔm dɔ nangə tə̂ wa? M-ddee kə mə-wul-lɔm ang, ddɔ â m-ddee nɛ̂n.