Adnodau Beiblaidd Poblogaidd o LUCAS 23

Rhanna

Majoya Jesosaa acui ecuiata'apeejo ba'e oja Chiinijje mimiapoa jama ba'a: —Ecue Chii, jiquio ejjachichaqui anicacuanaja mimishi cuijea'yocue jiquio eya manomeeca'yani ojaya bajjimaneijojoya.— Majoya aje soldadocuaa hue'ecapoa ebajji aya Jesosaja daquicuana jjeshecaje'yo.

Jesosaa oya saja-acapoa jama ba'a: —E'ejojonei eyaya miya huohuiaña, jiquio pojjajotii miya enijjetii nequije'yo meshi queapameneenee Eyahuasijje.

Maneitii ohuaya Jesosa huohuicapoa jama ba'a: —Jesosa, eya shahuaba'yocue miya ojjañacuana huoojeapoquiajjitii nequi'yomajjeya.

Majoya aje Jesosa janobajjimanei taaapoa Eyacuiñajjijo jama ba'a: —Ecue Chii, ecuea Edojjoshahua eyaya miya quiaña miquea e jaahuanajji.— Majoya Jesosa taaasajeamajje mano'yapoa, chama'yotii poa.

Majoya aje eyiyoiyeao “Sapajjii anijji meshi” bajjaniyasijje bañaquimajje, Jesosa acui ecuiata'apeejo me cacajeacapoa cuaa, oja jeojjijje pea-ai. Ma beca dejja queamimishinee pea-ai pea acui ecuiata'apeejo me cacajeapea-aicapoa cuaa oja jeojjijje pea-ai Jesosa ba'epejjejotii. Oe oja ebañeimijijje, pea ca oja shanimijijje ba'ehuanasohuacapoa cuaa.

Majoya aje eshequi biacojjajjanei nequijo ojjaña meshiyasijje quea-aaponee ponanapoa. Majoya quijje sinecuanei a las tres jjaja'aqui'yapoa. Ma sinecua quea-aapotii nequijo daquimoo, equecuayijjijji'ya Eyacuiñajjija equi-aijo ba'e, oyatii beca pea-ai epojji jjaisajeananaquiapoa meshiyasijjeyee.

Majotii nequiya soldadohuohuijji poani capitanya Jesosa manoje'yo bamajje, Eyacuiñajji bihuiacapoa. Jama acapoa ba'a: —E'ejojonei jiquio dejjaja mimishi chama'nei poanaje o manomee'yojji.