Adnodau Beiblaidd Poblogaidd o Johannes 6

Rhanna

Tuka Jesus hewicakiya; Aguyapi wiconi kin he miye ce. Tuwe en mau kinhan wotektehda śni un kta; qa tuwe wicamada kinhan ipuza śni un kta.

Woniya kin he wiconi kaga ece, wicaceḣpi kin takudan okihi śni. Wicoie eciciyapi kin hena woniya qa wiconi kin hee.

Taku yutapi on wicatakuni śni heon ḣtanipi śni po; tuka taku yutapi owihanke wanin wiconi hehanyan kte cin hee on ḣtani po, he Wicaśta Cinhintku kin nic̣upi kta; Wakantanka Ateyapi kin wanna he askamton.

Tuwe u maśi kin he tawacin kin he dee, toma Cinhintkuyapi kin he wanyake c̣a wicada kin hena owihanke wanin wiconi yuhe kta, qa anpetu ihankeya kin he en piya icaḣwaye kta.

Jesus waayupte c̣a hewicakiya; Wakantanka wicoḣan tawa kin he dee, tuwe u śi kin he wicayadapi kta.

Ate tona maqu kin owasin miye en mau kta; qa tuwe en mau kinhan tankan iyewaye kte śni.

Unkan Simon Inyan ayupte; Itancan, tuwe ekta unyanpi kta he; owihanke wanin wiconi wicoie duhe cin

Aguyapi ni un kin he miye, maḣpiya eciyatanhan wahi; tuwe etanhan yute cinhan owihanke wanin ni kta. Aguyapi wicawaqu kte cin he miceḣpi kin ee, he oyate wicani kta e wicawaqu ce, eya.

Tuwedan iye cinka en mau kte śni, Ate u maśi qon tuwedan en au śni kinhan, qa anpetu ihankeya kin en piya icaḣwaye kta.

Aguyapi Wakantanka tawa kin he tuwe maḣpiya eciyatanhan kuntkiya u, qa oyate wiconi wicaqu kin hee.

Aguyapi wiconi he miye.

Hehan Jesus aguyapi kin hena icu qa yawakan, qa waonspewicakiye cin wicaqu; unkan waonspewicakiye cin iyotang hiyeye cin wicakipamnipi; qa nakun hogan tohanyan cinpi kin. Unkan imnanpi hehan waonspewicakiye cin hewicakiya, Oyaptapi kin hena pahi po, hecen takudan atakuni kte śni.

Unkan wiyutapi wikcemna nonpa sam zaptan, qa iś wikcemna yamni hehanyan watopapi, hehan wata kin ikiyedan Jesus mini kin amani u wanyakapi; unkan yuśinyayapi. Tuka, He miye ce, ihnuhan koyakipapi kin do, ewicakiya.