Adnodau Beiblaidd Poblogaidd o Yɔhánɛsɛ 6

Rhanna

Yə́susu a ná bəə́bu lɛ́na a sɛ́á: «Mɛaŋɔ́á mɛ lɛ́á bɛ́labɔ́nɛ́á bɛ́ buɔmɔ́, ata ɛ́yánɛ́ ɔwá a ŋɔ ndasá na mɛaŋɔ́á, mɛtaná yɛ́ sa ndá wɛɛ́ya nɔɛ́na, ata ɛ́yánɛ́ ɔwá a ná nɛkɔmba tálɛ́ná ɔ ɔwámɛ, nuiyí nɛ́ sa ndá wɛɛ́ya nɔɛ́ná tɔ́na.»

Umbúínyi Mɔnaŋanaŋa wɔ́ ndɔ buɔmɔ́ índiə, mɔndɔ bíbúə́ a sa ósó ɔkɛa ata bɔkɔa. Bɛtambá ɔbɛ́á mɛ ná bənú lákɛ́na, bɛ́ ndɔ Umbúínyi índiə, bɛ́ ndɔ buɔmɔ́ índiə tɔ́na.

Nɔ lɛ nyɔ́ɔ́ ɛlɔ́áyɛ́ bɛ́labɔ́nɛ́á ɔbɛ́á bɛ́ ndɔ tɛŋɛa, nɔ́ nyɔ́ɔ́kɔ ɛlɔ́áyɛ́ bɛ́labɔ́nɛ́á bɛ́ ikúílíə́kimə, bɛ́ɛ́yɛ́ bɛ́labɔ́nɛ́á, Mɔná wa mɔndɔ a ŋɔ bənú índiə bɔkɔasɛ́á, ɔ ɔwayɛ́ Huɛlɛ́ á Isə́ a ná hibílíndíníə́ hɛ́ yayɛ́á iŋgínə́ índíə́.»

Ɛ́ɛ! Ɔ́ uhikiə wɔ́ yamɛ́á Isə́ wúuwu: Bááyɛ́ bəkimə ɔbá bá ndɔ Mɔná sinə, ɔbá bá ndɔ nɛkɔmba tálɛ́ná ɔ ɔwayɛ́, bá ŋɔ buɔmɔ́ bɔ́ ikúílíə́kimə kusənə, mɛ ŋɔ bəə́bu huŋuəsiə ɔ hinó hínítifə́.

A sɛ́á: «Buolí ɔbɔ́á Huɛlɛ́ a ndɔ siə ɔwá nɔ nyɔ́ɔ́kɔ bɔ́ báka ɔwá, nɔ nɛkɔmba tálɛ́ná ɔ ɔwámɛ ɔwá a ná lɔma.»

Bááyɛ́ bəkimə ɔbá Isə́ a ndɔ mɛaŋɔ́á índiə, bá ŋɔ ndasákɔ́ná na mɛaŋɔ́á, ata ɛ́yánɛ́ ɔwá a ndɔ ndasá na mɛaŋɔ́á, mɛ sa wɛɛ́ya bulə

Símono a sɛ́á: «Á Isə́lúkú, ɔwanɛ́ lɛ́á tɔ ná ósó ɔwakána əə́? Ɔ báka na bɛtambá ɔbɛ́á bɛ́ ndɔ buɔmɔ́ bɔ́ ikúílíə́kimə índiə.

«Mɛaŋɔ́á mɛ lɛ́á bɔ́labɔ́nɛ́á bɔ́ buɔmɔ́ ɔbɔ́á bɔ́ ndɔ húlínə ɔ nɔɔ́mɛná. Wɛ́ɛ́yɛ́ ɔwá a ŋɔ bɔ́táyɛ́ bɔ́labɔ́nɛ́á nɛ́áka, a ŋɔ nɔɔmɔkɔ ikúílíə́kimə. Bɔ́labɔ́nɛ́á ɔbɔ́á mɛ ŋɔ índiə, ɔ́ yamɛ́á mɛɛ́lɔ índíə́tɔ́ ɔkɛaka ɔwá, bɛndɔ bá misí bá bámɛ́nɛ́ná na buɔmɔ́.»

Ata mɔndɔ a sa ósó ɔndasá na mɛaŋɔ́á ábá yamɛ́á Isə́ ɔwá a ná mɛaŋɔ́á lɔ́má a sá wɛɛ́ya bísúínə, ɔwámɛ, ɔ hinó hínítifə́ mɛ ŋɔ wɛɛ́ya huŋuəsiə.

Ɔ taká, bɛ́labɔ́nɛ́á ɔbɛ́á Huɛlɛ́ a ndɔ índiə, bɛ́ ndɔ húlínə ɔ nɔɔ́mɛná, bɛ́ ndɔ buɔmɔ́ índiə ɔ bɛndɔ bá misí.»

Ɔwámɛ, mɛ lɛa bɔ́labɔ́nɛ́á ɔbɔ́á bɔ́ ndɔ buɔmɔ́ índiə.

Ɔ yɛ́ɛ́yɛ́ ikúílí, a ná bɛbɛlɛ́tɛ ɛtá, a ná Huɛlɛ́ mohóloniə híə́níníə́, a ná bəə́bu afákɛ́na. Hɔ́ánánátɔ́, a ná bəə́bu tuɔfɔ́ índíə́kínə́ ɛ́sɛ́á bá ná híkə́kíə́. Ikúílí bəkimə bá ná nibíə́kínə, a ná báyɛ́á bɔkɔ́nɛna lɛ́na a sɛ́á: «Nɔ́ tɔbɛ́sɛ́bɛsɛ kɔtáká tukimə ɔtɔ́á tɔ́ ná tíkə́nə́ ɔkɛaka ɔwá, tɔ lɛ ombóko ata bɔɔ́la.»

Bɔkɔ́nɛna bá ka báá bá nɔ́ kɛndaka hoóyi na tukóló tɔ́lɛ́ndálɔ tɔ́ amaná, bá ná yɛ́ɛ́yɛ́ ikúílí wɛɛ́ya yámá a ndɔ bɛ́nya hoóyi na isóyí, a kɛndaka ɔ mənífə́ ɔmbáŋá, bɔkɔ́lɔ́ma bɔ́ ná bəə́bu itíə́. Mba, a ná bəə́bu lɛ́na a sɛ́á: «Nɔ lɛ kɔlɔma, mɛaŋɔ́á!»