Adnodau Beiblaidd Poblogaidd o John 6

Rhanna

“niya ōma pahkwēsikan kā‑pimātisīskākēt,” itēw Jesus. “ana kā‑pē-nāsit namōya wīhkāc ta‑nōhtēhkatēw. ana kā‑tāpwēyimit namōya wīhkāc ta‑nōhtēyāpākwēw.

kisē-manitow otahcāhkwa pimātisīstākēyiwa. namōya ayisiyiniw kita-kī-kaskihtāw ēkosi kita-tōtahk. nipīkiskwēwinihk ohci kisē-manitow otahcāhkwa kika-miyikowāw pimātisiwin.

ēkāya wiya nayēstaw mīciwin ohci atoskē ka‑kī-misiwanātahk, māka atoskē kita-ayāyan anima mīciwin ayisiyiniwak kā‑miyikocik kākikē pimātisiwin. niya ayisiyinīwikosisān kika-miyitināwāw ōma mīciwin, ayisk kisē-manitow nohtāwiy nōkohtāw ē‑kī-nawasōnit.”

ayisk nitawēyihtam nohtāwiy kita-ayāyit kākikē-pimātisiwin kahkiyaw anihi kā‑wāpamāyit mīna kā‑tāpowakēyimāyit okosisimāwa. ēkosi nika-pimātisihāwak iskwēyāc kīsikāki.”

Jesus itēw, “kisē-manitow kinitawēyimikowāw kita-tāpowakēyimāwāyēk anihi kā‑kī-pē-itisahwāt.”

awiya nōhtāwiy miyici nika-pē-nātikwak. namōya wīhkāc awiyak nika-asēnāw ana kā‑pē-nāsit.

Simon Peter naskwēwasimēw, “kā‑tipēyihcikēyan, awīna māka ka‑wīcēwāyāhk? kitayān pīkiskwēwina kākikē pimātisiwinihk isi.

niya ōma pahkwēsikan kā‑mēkit pimātisiwin, kihci-kīsikohk kā‑ohciht. kīspin awiyak mowāci ōhi pahkwēsikana kita-pimātisiw kākikē. anihi pahkwēsikana kā‑miyak ēwako ōma niyaw, ēwako kā‑mēkiyān ēkota ohci kita-pimācihakik ayisiyiniwak.”

namōya awiyak nika-kī-pē-nātik kīspin ēkāya ohtāwīmāw pētamawici. ēkosi nika-waniskānāw pimātisiwinihk iskwēyāc kīsikāki.

ayisk anihi pahkwēsikana kisē-manitow kā‑mēkit, ēwako ana kā‑kī-pē-takohtēt kihci-kīsikohk ohci mīna kā‑miyāyit pimātisiwin ōta askīhk kā‑ayāyit.”

niya ōma pahkwēsikan kā‑pimātisīskākēt.

Jesus kī‑otinēw anihi pahkwēsikana mīna kī‑nanāskomēw kisē-manitowa, ēkwa ati-miyēw anihi ēkota kā‑apiyit; pēyakwan ēkosi tōtawēw kinosēwa. ēkosi kahkiyaw kī‑tēpiskōyowak. ispīhk ē‑kīspoyit ōmisi itēw okiskinohamawākana Jesus, “mahti māwasakonamok iskwahcikana, ēkāya pikonita kita-ayiwākipayiki.”

kiskinohamawākanak kī‑pimiskāwak nisto ahpō nēwo tipahāskān; kētahtawē kā‑pisiskāpamācik Jesusa ē‑pimohtēyit waskitipēhk, ē‑pē-nātikocik mistahi kī‑sēkisiwak. “ēkāwiya sēkisik,” kā‑itāt ēsa Jesus, “niya ōma.”