Adnodau Beiblaidd Poblogaidd o Luka 6

Rhanna

Nɔɔ a zang vuu katɔ, Laa naa a nɔɔ ditɔ jong. Ɓɔɔ nɔɔ ta ka naa Laa, naa yi nyaa waka katɔ tɔ̃ɔ tɔ̃ɔ, zang naa zĩiti, zang ĩi naa kagn. Zang wu ti tɛ̃ɛ ɓɔɔ tɔkn wu kãng ka tipi, tɔɔ zang wu a nɔɔ kati. Ka ruu ɓɔɔ, waka ɓɔɔ nɔɔ mã zang vuu nɛɛ mani, Laa naa mã nɔɔ doo nɛɛ wukɔ ɓɛɛ.”

Shɔnzang ɓi doo nɔngkɔ. Zang tɔ̃ɔ nwangsɛ ɓi doo vuu tɔ̃ɔ ɓɔɔ ka yeti ɓiɓɛ kɔ. A zang shi kpang ti nwangsɛ ɓi doo vuu shi kpang ɓɔɔ ka yeti ɓiɓɛ kɔ. Ka ruu ɓɔɔ, vuu ɓɔɔ nwang nɛɛ nyaa shɔnzang piti, a ɓi nɛɛ yeti ɓiɓɛ ɓɛɛ.

Nɔɔ kasɛ ruu zang ɓɔɔ ri shing jĩng nɛɛ nɔɔ kpang katɔ. Nɔɔ palɛ ri tɔ̃ɔ. Nɔ́ɔ ti a zang vuu nyaa kɔ́pɔ́ nɛɛ zang wu naa sɔɔrɔ nɔɔ tɔkn kpang. Tɔ̀ɔ, nɔ́ɔ naa walɛ vuu ɓɔɔ Laa shing nɔɔ ɓɛɛ kati. Nɔ́ɔ ti naa nwáng wujɛ Kpanti Laa kati. Ka ruu ɓɔɔ, gn zang ɓɔɔ zãa wu kpang, nɛɛ zang ɓɔɔ yeti ɓarɛ shi kpang kɔng wu katɔ ɓɛɛ.

Gn zang wu kɔng nɔɔ katɔ, naa ɓɔɔgn zang kɔng Daa manɛ ɓɛɛ.

“Nɔ́ɔ jɛ̃̀ɛ zang ruu kpang, Kpanti Laa wu ti naa jɛ̃ɛ nɔɔ ruu kpang kɔ doori. Nɔ́ɔ kɔɔ kpang nɛɛ zang keɓe palɛ vuu shi kpang tɔ kpang. Tɔɔ Kpanti Laa wu ti naa kɔɔ kaa takpang nɛɛ nɔɔ palɛ vuu shi kpang tɔ kpang. Nɔɔ yaa zang gbalang vuu shi kpang ɓɔɔ zang palɛ nɔɔ ɓɛɛ katɔ, tɔ̀ɔ Laa wu ti naa yaa nɔɔ gbalang vuu shi kpang ɓɔɔ nɔɔ palɛ ɓɛɛ.

“N kɔ̀ɔ́ nɔɔ, ɓɔɔ nɔɔ tãa ruu kɔ n rang ɓɛɛ katɔ ɓɛɛ. Nɔ́ɔ kasɛ ruu zang ɓɔɔ nɔɔ shing jĩng nɛɛ ri kpang katɔ. Nɔɔ ti palɛ zang ɓɔɔ ri kasɛ ruu manɛ kpang tɔ̃ɔ katɔ. Nɔɔ gaa Laa ka ruu zang ɓɔɔ ri rang yee shi kpang ka yuu manɛ, nɛɛ zang ɓɔɔ ri dang nɔɔ jĩng ɓɛɛ.

Vuu ɓɔɔ nɔɔ kasɛ nɛɛ zang ri palɛ nɔɔ, nɔɔ pàlɛ̀ ri doo nɔngkɔ.

Zang ɓɔɔ nɛɛ nyɔ nɔɔ ka kashoo dang gbete, nɔɔ raa wu dang gbete, wu ti nyɔrɛ. Zang ɓɔɔ nɛɛ ti ta fɔ̃ɔrɔ bang ɓaaɓɛ, ɓɔɔ mɔɔ hãa nɛɛ biling, mɔɔ ti zãa wu ɓɔɔ tɔkɔlɔng ɓɔɔ mɔɔ hãa nɛɛ tĩng kpang. Zang ɓɔɔ nɛɛ gaa vuu ka naa ɓaaɓɛ, mɔɔ zãa wu kpang. Zang ɓɔɔ nɛɛ ti tuu vuu ɓaaɓɛ, mɔɔ hɛ̃ɛyi nɛɛ zang sɔɔrɔ mɔɔ kpang.

“Láa ɓɔɔ tɔ̃ɔ ra jaa ɓɔɔ shi kpang ɓi kpang. A laa ɓɔɔ shi kpang ti ra jaa ɓɔɔ tɔ̃ɔ ɓi kpang kɔ doori.

Zang zi laa nung ɓi ka jaa ɓɔɔ wu ra ɓɛɛ. Zang hãa mangɔrɔ ɓɔɔ ka laa kaashiyaawo ya? Zang ti hãa jaa sĩiri katɔ ka bii kɔkɔ gbantang ya?