Adnodau Beiblaidd Poblogaidd o Noo Mian 24

Rhanna

As er‐yn‐oyr dy jean olkys bishaghey, nee graih ymmodee feyraghey. Agh bee eshyn nee tannaghtyn firrinagh gys y jerrey, er ny hauail.

As bee sushtal yn reeriaght er ny phreacheil ayns ooilley’n seihl, son fenish da dy chooilley ashoon, as eisht nee yn jerrey cheet.

As clinnee shiu jeh caggaghyn, as jeh imraaghyn dy chaggaghyn: jeagh nagh bee shiu seaghnit: son shegin da dy chooilley nee jeu shoh cheet gys kione, agh cha bee yn jerrey foast.

Son irree ashoon noi ashoon as reeriaght noi reeriaght, as bee gennaghyn as crampyn as craaghyn tallooin ayns ymmodee ynnydyn. Bee ooilley shoh toshiaght trimshey.

Nee niau as talloo cherraghtyn, agh my ghoans cha jean cherraghtyn.

Son hig ymmodee ayns m’ennyms, gra, Mish Creest, as nee ad ymmodee y volley.

Eisht livrey‐ee ad shiu seose dy ve seaghnit, as marree ad shiu: as bee feoh ec dy chooilley ashoon erriu, er coontey yn ennym ayms. As eishtagh gowee ymmodee oyr dy huittym ayns peccah, as brah‐ee ad, as ver ad feoh yn derrey yeh da’n jeh elley. As nee ymmodee phaderyn foalsey girree seose, as ymmodee y volley.

As dreggyr Yeesey as doort e roo, Cur jee twoai nagh moll dooinney erbee shiu.

Shen‐y‐fa bee‐jee shiuish myrgeddyn aarloo, son ec leid yn oor as nagh vel shiu smooinaght er, hig yn Mac dooinney.

¶ Bee‐jee er nyn dwoai er‐y‐fa shen, son cha vel fys eu er oor cheet nyn Jiarn.

¶ Agh er y laa as yn oor shen, cha vel fys ec dooinney erbee, ny ec ainlyn niau, agh ec my Ayr ny lomarcan.

Son nee Creestyn foalsey as phaderyn foalsey girree, as cowraghyn moarey as yyndyssyn y hoilshaghey, ayns wheesh as dy mollagh ad (dy beagh eh possible) yn eer chloan reiht.

Agh myr va laghyn Noe, myr shen myrgeddyn vees cheet yn Mac dooinney. Son myr ayns ny laghyn va roish y thooilley, va’d gee as giv, poosey as coyrt ayns poosey, derrey yn laa hie Noe stiagh ayns yn arg, As cha dug ad tastey, derrey haink y thooilley as ghow eh ad ooilley ersooyl, myr shen myrgeddyn vees cheet yn Mac dooinney.