Adnodau Beiblaidd Poblogaidd o MATHAI 6

Rhanna

Hinanleh Pasian gam leh adiktatna pen zong masa phot un, tuahileh hihte tengteng zong na kiang uah piakbehlap ahi ding hi.

Tuajiakin jingchiang a dingin lunghimoh kei un; ajingchiang in amah a ding aki lunghihmoh nading hi. Nikhat a dingin nikhat buai ahun hi.

“Tuajiakin na kiang ah kung hilh ahi: bang ahia ka nek ding bang ahia ka dawn ding chi`n na hinna thu uh leh, bang ahia ka silh ding bang ahia ka ten ding chi`n na sapum thu uah lungkham kei un. Na nek ding sang un hinna poimohjaw hilou maw? Nasilh naten ding sangun na pumpi uh poimohjaw hilou maw?

Hinanleh nang na thumchiang in, na inndan sungah pai inla, kot nakhak zohchiah, agu`k a om na Pa kiang ah thum in. Tuahileh agu`k a hungmu na Pa in langtangtak in nuamman nang hung pia ding hi.

Tuajiakin hihbang in thum un: ‘Ka pa uh van a om: Na min kizahtak hen; Na gam hungtung hen; Na deihlam van a akibawl bangin, leiah zong kibawl hen.

Nisial a ka nekkhop uh an hung pian.

Ka tung ua khialte ka ngaihdam bang un, Kou khialhnate zong hung ngaidam in.

Khemna ah hung kailut kenla, Gilou lak pan hung hunkhiajaw in.’ Gam leh sil bawltheihna leh thupina, tangtawn a Nang a ahihjiak in. Amen. chi-in.

“Mi tatkhialhna na ngaihdam uleh, van a om na Pa un ahung ngaidam ding hi.

Tungleng vasate en un: amauhte`n buh atuhkei ua a atkei uh, anbuk ah a kholkhawm kei uh; hinanleh na Pa uh van a om in ava`k hi! Noute amauhte sangin manphajaw tham hilou nahi uh hiam?

“Leia leikha leh samek in a neksiat theihna leh, gutate`n a suksiat ua a guktheihna mun hih leitung ah, gou kikhol kei un. Hinanleh, van ah leikha leh samek in aneksiat theihlouhna leh, gutate`n asuksiat ua aguk theihlouhna mun ah, Gou kikhol jaw un. Ajiak pen nagou omna peuh uah na lungsim uh zong a om hi.

“Kuamah in tounih nna a semkop thei kei; khat hua in khat a it ding; ahihkeileh khat ah agin-om ding a, adang khat a simmoh ding hi. Pasian leh dangka nna a semkop thei kei ding.

Tuachia gamlak a hampa tunia hing a, ajingchiang a vul a meikhuk a paihmai ding bawn Pasian in huachitan a azep tazen leh! aw nou ginna tawmte silh leh ten tamjawin hungjem jawtham lou ding maw!

Hinanleh silhoih na bawlchiang in nakhut jiatlam in abawl nakhut veilam in theihdah hen. Na silhoih bawl pen agu`k in bawl in, tuahileh na Pa uh agu`k a mupa`n amah in langtangtak in nuamman nang a hungpia ding hi.”

Mi mai a silhoih nabawlte uh amauhte mitmuh a bawllou dingin pilvang un, atuachih keileh van a om na Pa uh a pan nuamman na mukei ding uhi.

Tuaban ah, “An na ngawl chiang un milepchiahte bangin dahmel puakei un. Amauhte`n anngawl ahih uh mi mitmuh a akilat theihna dingin amai uh a nguisak uhi. Adiktak in kung hilh ahi, amauhte`n a nuamman uh a mukhinta uhi. Hinanleh nang an na ngawlchiang in, na lu sathau nuh inla, na mai phiat in, tuachi`n na Pa agu`k a om mitmuh ah loungal midangte mitmuh in anngawl na bangkei ding a, agu`k a hungmu na Pa in alangtang in nuamman a hungpia ding hi.