Adnodau Beiblaidd Poblogaidd o Luka 13

Rhanna

Ku Yesu la tubalre liniane, “Kunumi lri kisamula numi ngukakai ki ngwatiki ki lrawlrawdru mudaane. Nau pelaela numiane, yakai ku takaalra ku umawmase ku apia mudaane, ai kai maka mwadaane.

La ikai kudra ababai ku kiaikai ki aidridringane, ku takacaemane tara 18 ka caili, la tacukulanane kai maka dringelresane. Ku Yesu sadrele iniane, la dawlu iniane, si iya kai iniane, “Kusu ka ababai, kiadailinga muswane kwini caemanesu!”

Ku Yesu la ansu iniane, la makakaai dringelresane kwini alisu, si drengedrengere ki Twaumase.

Kudra la naabilrili, lri athamadalanenga; ala ku athamadalane, lai lri abiilrilinga.”

Lu ngidrakalenga si elebe kudra tawki ki daane, la acegecege numi ikai lrawlrawdru si bangebange, iya kai, ‘Sinsi, mueleba naiane!’ Kwi lasu lri tubalre iya kai, ‘Kainaku wathingale numiane luka twalai numi inu kainganai!’

Nau pelaela numiane, kaika ngimiyaiya kwini; lwiyasi kai numi ngitatupela, mialri numi ka lri pacai.”

Ai, kwini lasu lri iya kai, ‘Nau pelaela numiane, kainaku wathingale numiane luka twalai numi inu kainganai. Kunumi ka manganga ka laumawmase, lu katwasa!’

Ku Yesu la iya kai, “Ku kuni ki Twaumase mia ki manemane? Lri malraku ku manemane si pakiramau? Ku kuni ki Twaumase maru amaninga kwidra beraberathane ka sapaivai ka masetarade, la ikai ku umawmase ku paivai pwa ki lrialringuluini. Kwi masetarade sa cebe kadrawnga, avaeva ka angatu, adravane ka laadhadhame la ikai tulisisuku ibelenge ki ricingini.”