Adnodau Beiblaidd Poblogaidd o Màtéwò 6

Rhanna

Náàtsɛ̃̀tsɛ̃̀#ɛ́, è wò ní Ɔ̀ɖáyé kó dzoyè si ńǹtá-ŋɛ́, tsí e wà tse òtítɔ́‐ɛ̀ gbo. Bí ó kpã́dzú fú ŋɛ́ lárè, Ɔ̀ɖáyé nákó mú iŋɛ́-àtíbɔ̀ ŋa gbo, tsí ń máa fú ŋɛ́.

Bí ilɛ̀ má, òfò náa wà gé ni. Ó ɖi, máa wà ɖíìhã̀ŋù-òfò-ɔ̀la yèé bàa#á. Bí ó wá, nàa ma ìsérè yèé o tse#ɛ́. Òfò yèé ŋa wà ńǹtá-ɛ̀ɛ nɔ́mbɛ́#ɛ́ tó, máa mú ti ɔ̀la gbo máa.

Ńbɛ̀ɛ́, ǹ wà wí fú ŋɛ́ ní: È máa wà ɖíìhã̀ŋù-ayé-ŋɛ́, tsí e wà rã́ã̀bo ní: Kí àŋa nákó dzɛ báàyí nàmí kí gìɖì àŋa nákó wɔ̀? Ó ɖi, àyɛ̀ kpã́dzú láre dzídzɛ, tsí ara gbo kpã́dzú láre èbò-ara.

Ó ɖi, bí ò bàkó wúùre fú Ɔ̀ɖáyé, nà lɔ ńnɔlé-ɛ̀ɛ, tsí nà sé èkũ̀. Tsí nà wúùre fú Ɔ̀ɖáyé Boba-ɛ̀ɛ, ɛnɛ yèé wà ńǹɖúkù#ɛ́. Tsí òŋu yèé náa rí iŋɛ́ yèé ɔ̀nyà náa tse ńǹɖúkù#ɛ́, nákó wáa tsɔ̀yà‐ɛ̀ fɛ́ɛ.

Ɛ̀ŋɛ òŋu, kíbí è nákó wúùre gbà#á ní. È náa fɔ̀ ní: Ɔ̀ɖáyé Boba-wa yèé wà nɔ́ɔ̀rɔ̃#ɛ́, tse tsí ɔ̀nyà kpó kó mà ní ò dzɛ́ Ɔ̀ɖáyé, tsí ká wà nɛ́ àrísá fɛ́ɛ. Wáa dzoyè si ńǹtalɛ̀#ɛ́ kpó, tsí ɔ̀nyà ŋa kó wà tse awù-ɛ̀ɛ ńǹtalɛ̀ bí kíbí à wà tseé nɔ́ɔ̀rɔ̃ gbo#ɛ́.

Fú wa ńdzídzɛ ìmarũ-ɔdzɔ́-òníbɛ́.

Mú íbàɖí yèé àa tse nára-ɛ̀ɛ ŋa#á tɔrɛ fú wa kíbí àwa gbo, àa náa ń tɔrɛ fú ɛnɛ yèé ŋa tse kò sã̀ nára-wa ŋa#á.

Nà tse tsí àɖã́wò kó máa wá ńǹtá-wa. Ó ɖi, gbà wá nɔ́wɔ́-Ètsù†.

Bí ɔ̀nyà ŋa tse kò sã̀ nára-ɛ̀ɛ, tsí ò ń tɔrɛ fú ŋa, Ɔ̀ɖáyé Boba-ɛ̀ɛ nɔ́ɔ̀rɔ̃ nákó mú íbàɖí tɛ̀ɛ ŋa gbo tɔrɛ fɛ́ɛ.

È rí ɛyɛ ŋa gé! À kò wà tsoko, tsí ká kpaɖí dzídzɛ ŋa si náàgɔ́, tsí Ɔ̀ɖáyé Boba-ŋɛ́ nɔ́ɔ̀rɔ̃ náa sì wà sɛ̃̀ ŋá. Tsí ɛ̀ŋɛ òŋu fe, è fɛ́ láre ɛyɛ ŋa nɔ̀!

È máa wà kpaɖí iŋɛ́-ɛ̀fɛ́-ŋɛ́ ŋa si ńǹtalɛ̀ bí. Bí è kpaɖí ŋa si ńǹtalɛ̀ bí#ɛ́, à nákó lɔ́ɔ̀gú, àmùlɛ̀ nákó mɔ ŋá, tsí olè fɔ́léfɔ́lé ŋa gbo nákó tsolè ŋá. Ó ɖi, è wà kpaɖí iŋɛ́-ɛ̀fɛ́-ŋɛ́ ŋa si ńɖi-Ɔ̀ɖáyé Boba-ŋɛ́ nɔ́ɔ̀rɔ̃. Ńbɛ̀ òŋu, à kàkó lɔ́ɔ̀gú, àmùlɛ̀ kàkó mɔ ŋá, tsí olè fɔ́léfɔ́lé ŋa gbo kàkó tsolè ŋá. Ó ɖi, ńbí iŋɛ́-ɛ̀fɛ́-ɛ̀ɛ ŋa wà#á, odzú-ɛ̀ɛ kà nyà bɛ̀.

Ɔ̀nyà-kã̀ kpókpó kàkó nyáa dzɛ́ arú fú ɔ̀gá méèdzì náàrìkã̀ntso. Bí ó dzɛ́ bɛ́ɛ̀, arú#ɛ́ nákó dzáfɔ̀-ɔ̀gá‐ɛ̀-kã̀, tsí tamá‐ɛ̀ lárè. Kàkó mú èkéèdzì‐ɛ̀ kpe iŋɛ́-kã̀ gìɖì. Nákó nyàá kãdzú si gé ni. Ó ɖi, ò kàkó nyáa dzɛ́ arú fú Ɔ̀ɖáyé, tsí dzɛ́ arú fú owó gbo náàrìkã̀ntso.

Ɔ̀ɖáyé wà tɔ́dzú ìbóbó ŋa ńkóko, tsí à tsàfɛ́ŋú si nɔ́mbɛ́, tsí ɔ̀la òŋu ɔ̀tɔ́ɔla, à nákó wáa tãná gú ŋa. Tsí kíbí ó wà tɔ́dzú ìbóbó ŋa gbà#á, tiŋɛ́ nákó yɔ. Àkaralé-ŋɛ́ kò lákṹ nɛ́!

Ó ɖi, bí ò wà mɔ́wɔ́ gbè fú adzìyàkú ŋa, tsí ò banɛ́ iŋɛ́-kã̀ nɔ́wɔ́-àwóòtã́-ɛ̀ɛ, ɔwɔ́-àwóòsì-ɛ̀ɛ kó máa ma iŋɛ́ yèé àwóòtã́-ɛ̀ɛ banɛ́#ɛ́. Tsí iŋɛ́ yèé ò tse#ɛ́, nákó dzɛ́ ńǹɖúkù. Tsí Ɔ̀ɖáyé Boba-ŋɛ́ yèé náa rí iŋɛ́ yèé ɔ̀nyà náa tse ńǹɖúkù#ɛ́, nákó wáa tsɔ̀yà‐ɛ̀ fɛ́ɛ.

Bí è wà tse iŋɛ́-kã̀ yèé Ɔ̀ɖáyé fɔ̀ ní ká tse#ɛ́, è tsɔ́ éwo-ara-ŋɛ́. È máa tseé náàwùdzɔ, tsí odzú-ɔ̀nyà kpó kó kí ńǹtá-ŋɛ́. Bí è tse bɛ́ɛ̀, Ɔ̀ɖáyé Boba-ŋɛ́ nɔ́ɔ̀rɔ̃ kàkó tsɔ̀yà fú ŋɛ́ láyé.

Bí è wà ɖi arũ, è máa fadzú so kíbí ɔ̀nyà-atsendzɔdzú ŋa náa tseé gbà#á. Àŋa òŋu, bí à wà ɖi arũ#ɛ́, à kà tɔ́tse ara-ŋa gìɖì, àtsùgbée ɔ̀nyà kpó kó rí ŋa ní à wà ɖi arũ. Ǹ kàa rú ŋɛ́, nyínyɛ̀-ɔ̀nyà ŋa gé ní dzɛ́ ɔ̀yà yèé à nákó gbà#á. Ɔ̀kã̀ kò wà fú ŋa ró. Ó ɖi, bí ò bàkó ɖi arũ, nà wɛ odzú, tsí ya éwo, tsí tɔ́tse rere, àtsùgbée ɔ̀nyà ŋa kó máa mà ní ìwɔ wà ɖi arũ. Bí ò tse bɛ́ɛ̀, nákó dzɛ́ iŋɛ́-ìɖúkù-kã̀ náàŋírĩ-ìwɔ-Ɔ̀ɖáyé Boba-ɛ̀ɛ nɔ́ɔ̀rɔ̃ méèdzì. Tsí òŋu yèé náa rí iŋɛ́ yèé ɔ̀nyà náa tse ńǹɖúkù#ɛ́ nákó wáa tsɔ̀yà‐ɛ̀ fɛ́ɛ.