Adnodau Beiblaidd Poblogaidd o Lud kar liq 21

Rhanna

Kheh te lehq, phehaq tug awg ceng u ve awg gha lia haq nig hehd gha pong lehq, chaw yad ve Yad phu mehz khuhd suhr lo hox yeg chehd tug khar thad liz bon lawg lehq law laor,” lehd koz che yaog.

Nig hehd teq pa a sug yawd awg ton haq sa tiq kha nehax teo. Sa tiq kha nehax maq te ver, cad pong cad lex lehq, juhg dawg sar cad lehq juhg buhz juhg ka lehq mig gig khod-aq duhd har gad har tug teq pa haq lehax duhd har chehd ver, awg ni awg yand u ve ngaz va yaw heh te lehq, nig hehd mad juhg ma khehz te chehd-ag huh, nig hehd haq yaw tug yaog.

Nig hehd ve ni ma yeg khanr vix cheaq te lehq, nig hehd ve co ha gha teq tug yaog.

Awg lawn ghod ver, nig hehd ve cand par teq pa awg gha lia tawr ma ghad lehq yaw khuhq maq gha lawq lawq te che tawd khuhd he lehq cud yiq ngag nig hehd haq pehar tug yaog.

Muhd nuh maq he lehq mig naz ma saw mehx vehr tug yaog. Kheh ma khuhd, ngag ved tawd khuhd awr lehr, mehx maq gha hawg.

Awg yand u ve khuhn, muhd ni, har pa, muhd ki sir teq pa khuhn awg hez tuhaz tug yaog. Lad chuhd ghig he lehq ghig bad teq pa awg khuhd buhg hehnd jad lehq, chaw ceng chaw yad teq pa and jad lehq duhd har gad har jad tug yaog. Chaw yad teq pa awr lehr, mig gig khod-aq lo phehaq tug awg ceng teq pa haq duhd ngawx che te yand, kuhz jad cheaq te lehq ma nuhd maq theh phehq vehr tug yaog. Awg lawn ghod ver, muhd nuh kawag lo kand pax cawg che awg ceng teq pa liz, hiz hiz nad nad phehq vehr tug yaog. U thad gaeg ver, chaw yad ve Yad phu awr lehr, awg mig awg phond he lehq kand pax ir che khuhn mog khuhn yaq che haq i hehd gha mawg tug yaog.

Ngag ved awg meh haq te lehq, su nig hehd haq cand jad tug yaog.

Mig hax ceh nux hiz lehq, meq che kaz che he lehq a nar nag beg nux teq pa cawag tug yaog. Muhd nuh kawag lo kuhz tug ir jad che awg ceng he lehq awg hez teq pa tuhaz tug yaog.

Nig hehd teq pa maq bawz che he lehq muhd mig khuhn phuhz daq che awg lawn haq gha kad che te yand ta kuhz. Awg lawn ghod ver, awg ceng che ve teq pa awg kawd gha kex-ag ser tug yaog. Kheh ma khuhd, teq pear lehax awg leh med mad gag ser hawg,” lehd koz che yaog. Kheh te lehq, yawd i hehd teq pa haq kawq koz vid che, “Chaw ceng ted ceng he lehq ted ceng, muhd mig te pez he lehq te pez yaq daq jiz daq tug yaog.

Awg yand u ve khuhn, muhd ni, har pa, muhd ki sir teq pa khuhn awg hez tuhaz tug yaog. Lad chuhd ghig he lehq ghig bad teq pa awg khuhd buhg hehnd jad lehq, chaw ceng chaw yad teq pa and jad lehq duhd har gad har jad tug yaog. Chaw yad teq pa awr lehr, mig gig khod-aq lo phehaq tug awg ceng teq pa haq duhd ngawx che te yand, kuhz jad cheaq te lehq ma nuhd maq theh phehq vehr tug yaog. Awg lawn ghod ver, muhd nuh kawag lo kand pax cawg che awg ceng teq pa liz, hiz hiz nad nad phehq vehr tug yaog.

Kheh te lehq, yawd i hehd teq pa haq kawq koz vid che, “Chaw ceng ted ceng he lehq ted ceng, muhd mig te pez he lehq te pez yaq daq jiz daq tug yaog.

Yer suq i hehd haq kawq koz vid che, “Su nig hehd haq pha yax maq gha te tug, sa tiq teo. Awg lawn ghod ver, chaw mad awr ve ngag ved awg meh haq puhd vea lehq, ‘Ngag awr lehr, yawd yaog.’ ‘Awg yand gag vehr tez-or,’ lehd koz tug yaog. I hehd koz che khaz nuhr tad ghaeq.