Adnodau Beiblaidd Poblogaidd o Luka 5

Rhanna

Jeng de a ga yɛnɛ basa, a yâng Simɔn, “Gwɛ̌ sek vɔk e kwɔn de ha sé ciwil, na yin a hàla bagun min e ji nshi mo, na yin a vo mɛ̀ betɔk.”

Simɔn a toyo a yɛ, a ye, “À Da, wot a bûm ra fwom mwâ turuk, ko wot a vo pyɛ cak wɛt. Ko yaga hwà ye ano, ma rɔda to hàla bagun o.” Yɛn a ra ano, ko yɛn a vo betɔk tyɔng wɛt, bagun mɛn o ba hwo hama hɛn.

Ko Yɛsu a sǎ e de nunus vɔk e nekwɔn de bemat ba sé ɛ̀ wɛt na a ra won.

Ma vey na me ba yila bemat berat wɛt na be doyo yi e banɛn mɛn, ko ma vey na me ba yila vê banɛn.”

Sede Simɔn Bitrus a di ano, a ye guduruk e nuyêl Yɛsu, a yang ɛ, “Kyè yi e ngamo na me, à Darwey! Ma sé mwât banɛn.”

Yɛsu a toyo a yɛn, a yang ɛn, “Bemat de ba sé tyang be wɔ e lɔ vwoshon wɛt sɛ̌ bemat de be ro ɛn.

Yɛn a hwɔlɔ bedwa-nshi mɛn o vɔk e rekwogom, ba hàla pyɛ̂ mwa, ko ba raa hɛ.

Jeng de Yɛsu á sè e rehak e ji bapomô yɛnɛ̂ sevwel o, mwat hwak a vey womo de sekwa sa ga re ɛ tyɔng wɛt. Jeng de a di Yɛsu, a gaba e nuyel mɛ, ko a ra won na yɛ, a ye, “À Darwey, ka sede hwà simo, ko hwà vɔk reto na hwo tɛ̀ me tyang.” Yɛsu a nára vwɔ mɛ, a ra mɛ̀ mwat o, a yang ɛ, “Ey, me simo; tɛ̀ tyang!” Remo-remo, sekwa mo sa hàla hɛ.

Ko mwa ano, reha e ra Yɛsu ra gwɛ̌ shara hɛ, ko bagyɛng bemat ba vɛ̀sɛ na be wok ɛ, na be to tɛ̀ ɛn tyang yi e nerɔ mɛn.