Adnodau Beiblaidd Poblogaidd o Luka 21

Rhanna

Bɛrɛng hin nekanang kayɛ jeng, ko rá in won, yaga na yin a sɛ̀ gap, na yin a kyè tyang e ji pyɛ́ yemo de ya rɔda ba té, yaga na yin a bin ba tumal arɔng e nuyêl Me de ma tɛ́ me mwat.”

“Tē in naka! Yin kwon tɛ̀ bato min e ra nzem sɔ̂ pyɛ́ yemo de ye tɛ̀ yin a feng kɛ e ra báre pyɛ̂ jey yemo. Ka ano, ko tuk hane ha rɔda ba hwo e ra yin hák, sede pyɛ ya hwo e sòro.

Niri hin, ko ano yin a rɔda ba sey bato min.”

Yaga me ma rɔda ba nɔng in neha tanga netsitsɛng yerê nemo de vit a mwât repugu min hwak de a rɔda ba tɔk ha há duk o, kɛ a kyɛ́ ɛ pyɛ́ de yin a rɔda ba ha.

Jey tanga lagwi ba rɔda ba tala hɛn, ko reha hom ra rɔda ba tala hɛ ko tyɔng wɛt.”

“Ba rɔda ba bɛrɛng pyɛ̂ langat cak e gwi, na e pwɛl, na e netangacɛn. E ngamo e jey kwong, a rɔda ba sè a yére bemasi kpɔrɔk sizɔng, ko yɛn a rɔda ba wok bengyip gworep de gwo lulum tanga nshi de ne paa bagung. Jeng de bemat be ba sè gyeng pyɛ́ de ye kyè wɔ̀ té e ra jêy mwa, ba rɔda ba kushu sede bemât cushu yaga bengyip, yaga ba rɔda ba kàsa pyɛ́ de ya vɔk reto e gwi yi e begwông yɛ̄. E jeng yane kwong, bemat ba rɔda ba di Me de ma tɛ́ me mwat me kyè vey e ji rele na reto tanga nedyɛt nerat sizɔng.

Kawɛ mwat a rɔda ba bɛɛ hin ves, yaga yin e raa me.

Vwel ha rɔda ba digis sizɔng, ko vyong na nerɔ neves na rɔda ba sè e nekwɔn detidetu. Ba rɔda ba di pyɛ́ de ya sé yê bengyip ding-ding na gbɔng pyɛ̂ dura de ye yi e lagwi.

Yin wok bengyip wɛt e jeng de yin e ba wok rehâ tô como na rehâ sogô nehywɛ. Gbing-gbing na pyɛ́ yane ye ba té, ko jeng ye yɛnɛ mo ya ga vey bagat e ngyen wɛt.” Yɛsu a to gwɛ̌ yang ɛn, “Yére bemat jey ya rɔda ba tó como na bemɛn, ko yere arɔng ya rɔda ba tó como na yere cak.

“Ba rɔda ba bɛrɛng pyɛ̂ langat cak e gwi, na e pwɛl, na e netangacɛn. E ngamo e jey kwong, a rɔda ba sè a yére bemasi kpɔrɔk sizɔng, ko yɛn a rɔda ba wok bengyip gworep de gwo lulum tanga nshi de ne paa bagung. Jeng de bemat be ba sè gyeng pyɛ́ de ye kyè wɔ̀ té e ra jêy mwa, ba rɔda ba kushu sede bemât cushu yaga bengyip, yaga ba rɔda ba kàsa pyɛ́ de ya vɔk reto e gwi yi e begwông yɛ̄.

Yɛsu a to gwɛ̌ yang ɛn, “Yére bemat jey ya rɔda ba tó como na bemɛn, ko yere arɔng ya rɔda ba tó como na yere cak.

Yɛsu a yang ɛn, “Tē in naka, mwat hwak a kwɛlɛng hin wɛt. Yaga bemat pyak ba rɔda ba vey e ji reza hom, ko kawɛ e ji mɛn ê ba ye, yɛ a sé me; ê ba to ye, ‘Jeng hom ya ga vey bagat.’ Yin kwon raa hɛn wɛt!