Adnodau Beiblaidd Poblogaidd o Yohana 6

Rhanna

Yɛsu a yang ɛn, “E me de ma sé kpam-tuk de wo nɔngɔ̂s bemat neken. Kawɛ mwat de ê vey na me ê sang wok vyong wɛt; ko kawɛ mwat de a tɛ̀ gap mɛ e ra me ê sang wok yêy hwɔshɔ arɔng wɛt.

A sé e Gabik Dagwi de he nɔngɔ̂s bemat neken; bemasi pyɛ vɛ be tɔk ra ano wɛt. A sé yi na neha hom de ma ga ha a yin de yin ê sɛ̀ Gabik o tanga neken.

Yin kwon sè bûm jāma pyɛ̂ re yemo de ye lashe hɛ dey-dey, ko sè in e de bûm jāma pyɛ̂ re de ye nɔngɔ̂s bemat neken gbak-gbak e negya. E pyɛ̂ re yemo mo de Me de ma tɛ́ me mwat ma rɔda nɔng in yɛ̄, yaga Dagwi Da hom a dura, yɛ a simo pyɛ de me ra.”

Yaga pyɛ de Da hom e simo a yet ngan: Kawɛ mwat de e di Hwey Dagwi, ko a to tɛ̀ gap mɛ e ra hɛ a rɔda ba sɛ̀ neken gbak-gbak. Ko e tuk talâ jey mê ba sene hɛ na neken.”

Yɛsu a toyo a yɛn, a ye, “Fwom gwomo de Dagwi e simo na yin a ra, gwɛ à: Yin tɛ̀ gap min e ra me de a tomo me.”

Mwa mwat de Da hom e nɔng me ê vey na me. Kawɛ mwat de ê vey na me, mê sang kyɛ́ me hɛ wɛt.

Simɔn Bitrus a toyo a yɛ, a ye, “À Darwey, wot ê kyè vɔk na wà arɛt? E neha mō de ne nɔngɔs neken gbak-gbak.

Ma sé kpam-tuk de wo nɔngɔ̂s bemat neken de wa yi e lagwi. Kawɛ mwat de e re kpam-tuk o a rɔda vɔk neken gbak-gbak. Kpam-tuk o, wɛ à rebek hom de mê nɔ̂ng bemât jey, yaga na be bin sɛ̀ neken.”

Vit a mwat de e tɔk vey na me, sɛ̌ Da hom, de a tomo me, a vey na yɛ. Ko mê ba sene hɛ na neken tuk talâ jey.

Kpam-tuk de Dagwi e nɔngɔs, e wɛ à mwat de e gyiris yi e lagwi, ko e nɔngɔ̂s bemât jey neken.”

E me de ma sé kpam-tuk de wo nɔngɔ̂s bemat neken.

Ko Yɛsu a jut bagat kpam-tuk o, a feng a Dagwi yaga vɛ, ko a hwo gas a bemat de ba sé sangal e hwomo. A to ra ano na betɔk o. Ko mwa hɛn ba re, ba siris. E bama de bemat o ba ga re, ba ga siris mwa, Yɛsu a yâng bemât masâ fwom mɛ, “Tula hin cɛ̂k pyɛ́ mo de ya pɔl, yaga na be kwon lashe pyɛ cak wɛt.”

Jeng de ba gangas dwa-nshi mo sede lyōsho tyungun kɛ tyiimin, ba di Yɛsu a sé kyè e ra tɛ̂t nshi, a vey bagat na dwa mɛn o. Yaga ano, bengyip ba vo ɛn, ko Yɛsu a yang ɛn, “A sé e me. Yin wok bengyip wɛt!”